Wit olifant (dier)

in Wikipedia, die vrye ensiklopedie
(Aangestuur vanaf Airavata)
'n Koninklike wit olifant, soos uitgebeeld op 'n Thaise skildery.
Indra se wit olifant Airavata, hier met vyf koppe.

'n Wit olifant (ook albino-olifant)[1] is 'n skaars soort olifant, maar nie 'n aparte spesie nie. In Hindoeïstiese puranas het die god Indra 'n wit olifant met drie of vyf koppe, met die naam Airavata. Hoewel die olifante soms as sneeuwit uitgebeeld word, is hulle vel meestal 'n sagte rooibruin, wat 'n sagte pienk word as dit nat is.[2] Hulle het ligte oogwimpers en toonnaels.

Die tradisionele "wit olifant" word gewoonlik as albino's beskou, maar in die Thaise term chang samkhan dui die term "wit" in werklikheid op reinheid.[3]

Wit olifante is net in naam wit. Van dié wat tans deur Birmaanse leiers aangehou word, is een grys en die ander drie pienkerig, maar al vier is amptelik wit. Die koning van Thailand het ook 'n paar.[4]

Verwysings[wysig | wysig bron]

  1. Why do we say 'white elephant'? History Extra. Besoek op 5 Oktober 2021
  2. Men ride albino elephants, Reuters via The Atlantic, 1 Maart 2012.
  3. "Royal Elephant Stable". Thai Elephant Conservation Center. Geargiveer vanaf die oorspronklike op 9 Maart 2021. Besoek op 7 September 2014.
  4. "งดงามยิ่งนัก !! ชมประวัติช้างเผือกคู่พระบารมีพระบาทสมเด็จพระเจ้าอยู่หัวในพระบรมโกศ (รายละเอียด)". www.tnews.co.th.

Skakels[wysig | wysig bron]