Alan Arkin

in Wikipedia, die vrye ensiklopedie
Spring na: navigasie, soek
Alan Arkin
'n Beeld van die betrokke persoonlikheid.
Arkin in 1975.

Geboortenaam Alan Wolf Arkin
Geboorte 26 Maart 1934 (1934-03-26) (83 jaar oud)
Aktiewe jare 1957-tans
Arkin en sy vrou, Suzanne in 2012.

Alan Wolf Arkin (gebore op 26 Maart 1934)[1] is ’n Amerikaanse akteur, regisseur, komediant en musikus met ’n loopbaan wat oor byna ses dekades strek.

Loopbaan[wysig | wysig bron]

Arkin, wat van 10-jarige ouderdom af toneelspellesse geneem het, het aan verskeie drama-instellings studeer.[2] Hy het die folkgroep The Tarriers saam met twee vriende gestig; Arkin het gesing en kitaar gespeel. Van 1958 tot 1968 het hy saam met die kindergroep The Baby Sitters gesing.[3] Hy het ook in die operette Candide gesing. In die 1960's was hy ’n vroeë lid van die komediegeselskap The Second City.[4]

Hy is bekend vir sy spel in prente soos The Russians Are Coming, the Russians Are Coming (1966), Wait Until Dark (1967), The Heart Is a Lonely Hunter (1968), Catch-22 (1970), The In-Laws (1979), Edward Scissorhands (1990), Glengarry Glen Ross (1992), Little Miss Sunshine (2006) en Argo (2012).

Hy is benoem vir twee Oscars vir beste akteur, vir The Russians Are Coming, the Russians Are Coming en The Heart Is a Lonely Hunter, en een vir beste manlike byspeler vir Argo. Met eersgenoemde het hy een van net ses mense[5] geword wat ’n Oscar-benoeming vir beste akteur vir sy eerste rolprentrol gekry het. Hy het dié prys vir beste manlike byspeler gewen vir Little Miss Sunshine, wat tot dusver sy enigste Oscar is.

Verwysings[wysig | wysig bron]

  1. Alan Arkin in die Internet-rolprentdatabasis
  2. Farrell, Barry. "Yossarian in Connecticut: Since Catch-22, actor's actor Alan Arkin finally stars as ... Alan Arkin" Life. Oktober 1970.
  3. "Alan Arkin Biography". Hollywood.com. Verkry op 9 April 2007. 
  4. Rabin, Nathan (2 Augustus 2006). "Interview: Alan Arkin". The Onion AV Club. Geargiveer vanaf die oorspronklike op 9 Februarie 2009. Verkry op 20 Maart 2009. 
  5. Best Actor. FilmSite.org.