Aleksander Malofejef
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Aleksander Dmitrijewitsj Malofejef | |
|---|---|
.jpg) Aleksander Malofejef in Augustus 2017 | |
| Gebore | 21 Oktober 2001 |
| Beroep | Klassieke pianis |
| Toekennings | 1ste Prys en Goue medalje tydens die 8ste Internasionale Tsjaikofski Kompetisie vir Jong Musikante, 2014 Grand Prix tydens die 1ste Grand Piano-kompetisie, 2016 |
Aleksander Dmitrijewitsj Malofejef (Russies: Александр Дмитриевич Малофеев; gebore 21 Oktober 2001 in Moskou) is 'n Russiese pianis.
Biografie[wysig | wysig bron]
Vroeë lewe[wysig | wysig bron]
Aleksander Malofejef is die seun van Dmitri Aleksandrowitsj Malofejef, 'n ingenieur, en Dr. Lyudmila Borisovna Malofejef. Hy het 'n ouer suster en 'n jonger broer. Hy het op 5-jarige leeftyd die klavier begin studeer.[1] Teen die ouderdom van sewe het hy begin belangstel in die musiek van Tsjaikofski, Sjostakowitsj, Mahler, Rachmaninoff en Prokofiëf.[2]
In 2014 het Malofejef met lof gegradueer aan die Musiekskool vir Kinders N. P. Osipova. Hy het voortgegaan met sy studies onder Elena Beryozkina, Geëerde Kulturele Werker van die Russiese Federasie, aan die Gnessin Staats-musiekkollege in Moskou, waar hy in 2019 gegradueer het.[3] Hy studeer tans aan die Moskou Konservatorium in die klas van Sergei Dorenski.[4] Die Gnessin skool en Moskou Konservatorium het reeds verskeie noemenswaardige pianiste soos Jefgeni Kissin, Sviatoslav Richter, en Vladimir Ashkenazy opgelei.
Loopbaan[wysig | wysig bron]
Malofejef het internasionale erkenning ontvang tydens die 8ste Internasionale Tsjaikofski Kompetisie vir Jong Musikante wat in Moskou in 2014 gehou is en waar hy die eerste prys en goue medalje verower het.[4][5]
Twee jaar later is die Grand Prix tydens die Grand Piano – Internasionale Kompetisie vir Jong Kunstenaars in Moskou aan hom toegeken.[6]
In 2019 het Malofejef tweede prys en die silwer medalje tydens die 1ste China Internasionale Musiekkompetisie gewen.[7]
Aleksander Malofejef is die ontvanger van verskeie internasionale pryse.[8][5][9]
Tydens die opening van die Internasionale Klavierfees van Brescia en Bergamo in April 2017 in Italië is die "Premio Giovane Talento Musicale dell'anno 2017" aan hom toegeken (Beste Jong Musikant van 2017).[8]
As solis het Malofejef reeds opgetree saam met Rusland se voorste orkeste: die Mariinsky Teater Orkes, the Tsjaikofski Simfonieorkes, die Nasionale Filharmoniese Orkes van Rusland, die Moskou Virtuosi en die Nuwe Rusland Staat-simfonieorkes onder die dirigeerstok van dirigente soos Waleri Gergijef, Kazuki Yamada, Yuriy Tkachenko en Vladimir Spivakov.[10][11]
Diskografie[wysig | wysig bron]
- Aleksander Malofejef se debuut; DVD; opgeneem deur die Master Performers etiket; Queensland Konservatorium Griffith-universiteit, Australië; Junie 2016.[3][11]
Verwysings[wysig | wysig bron]
- ↑ Chabert, Chrystel (21 Augustus 2015). "La Roque d'Anthéron : Alexander Malofeev, 14 ans et bien plus qu'un virtuose". Culturebox (in Frans). Geargiveer vanaf die oorspronklike op 15 April 2019. Besoek op 19 Februarie 2019.
- ↑ Reider, Maxime (2 Februarie 2017). "Classical Music: Young and remarkable - Israel News - Jerusalem Post". www.jpost.com (in Engels). Geargiveer vanaf die oorspronklike op 31 Maart 2019. Besoek op 4 Februarie 2019.
- ↑ 3,0 3,1 "Alexander Malofeev on medici.tv". medici.tv (in Engels). Geargiveer vanaf die oorspronklike op 31 Maart 2019. Besoek op 19 Februarie 2019.
- ↑ 4,0 4,1 "Биография (англ)". www.alexander-malofeev.com (in Yslands). Geargiveer vanaf die oorspronklike op 19 April 2020. Besoek op 24 Augustus 2019.
- ↑ 5,0 5,1 "Alexander Malofeev". www.mariinsky.ru (in Engels). Geargiveer vanaf die oorspronklike op 4 Februarie 2019. Besoek op 3 Februarie 2019.
- ↑ "Special prizes of the Grand Piano Competition" (in Engels). Geargiveer vanaf die oorspronklike op 4 Februarie 2019.
- ↑ "Wenners van die China Internasionale Musiekkompetisie". Geargiveer vanaf die oorspronklike op 6 Oktober 2019. Besoek op 12 Maart 2020.
- ↑ 8,0 8,1 Verwysingfout: Invalid
<ref>tag; no text was provided for refs named:0 - ↑ "La Folle Journée 2019 | ARTE Concert". ARTE (in Frans). 3 Februarie 2019. Geargiveer vanaf die oorspronklike op 4 Februarie 2019. Besoek op 4 Februarie 2019.
- ↑ "Boy wonder – Alexander Malofeev". Baltic Sea Philharmonic (in Engels (VSA)). Geargiveer vanaf die oorspronklike op 31 Maart 2019. Besoek op 21 Februarie 2019.
- ↑ 11,0 11,1 "Alexander Malofeev | Queensland Symphony Orchestra". www.qso.com.au. Besoek op 21 Februarie 2019.
