Alexandre Deulofeu

in Wikipedia, die vrye ensiklopedie
Alexandre Deulofeu Torres

Alexandre Deulofeu Torres (L'Armentera, 20 September 1903 - Figueres, 27 Desember 1978) was 'n Spaanse politikus en filosoof in geskiedenis. Hy is bekend vir sy La matemàtica de la història (Wiskunde van die geskiedenis), 'n sikliese teorie oor die evolusie van beskawings.

Biografie[wysig | wysig bron]

Alexandre Deulofeu is gebore in L'Armentera in die noordooste van Katalonië, waar sy vader 'n apteker was. Op driejarige ouderdom verhuis hy na Sant Pere Pescador, en verhuis nege jaar later na Figueres. Hy voltooi sy sekondêre opleiding aan die Institut Ramón Muntaner in Barcelona, en studeer in die farmaseutika en chemie in Madrid. Hy het laasgenoemde studie in Barcelona voltooi. Met sy terugkeer na Figueres slaag hy die toelatingseksamens vir 'n professoraat, waarna hy as professor aan die Instituut van Figueres werk. Hierna het sy lewe 'n stadium van intense politieke aktiwiteit betree, eers as administrateur van die Joventut Nacionalista Republicana de l'Empordà en later as leier van die politieke party Esquerra Republicana de Catalunya (ERC). Hy het burgemeester van Figueres geword tydens die Spaanse Burgeroorlog, waar hy konfrontasies, klopjagte en vervolgings vermy het. Hy is as gesondheidswerker na die frontlinie opgeroep. Op 5 Februarie 1939, met die onttrekking van die republikeine, is hy in ballingskap na Frankryk verban. Daar het hy verskillende beroepe beoefen waaronder onderwyser van verskillende vakke, violis en saxofonis in verskillende klassieke groepe

Hy het ook geëksperimenteer met boerdery (hidroponika) en in 'n fabriek gewerk. Hy was ook 'n skrywer en digter. Later het hy bevriend geraak met Francesc Pujols en Salvador Dalí. Op 22 Januarie 1947 het hy uit ballingskap teruggekeer en hom toegewy aan 'n apteek en voortgegaan met sy navorsing en skryfwerk. Hy sterf aan die einde van 1978 op 75-jarige ouderdom in Figueres, sonder dat hy die uitgebreide weergawe van sy magnum opus voltooi het: La matemàtica de la història (Die wiskunde van die geskiedenis).

Idees[wysig | wysig bron]

Hy het beweer dat beskawings en heerskappye siklusse volg wat ooreenstem met die natuurlike siklusse van lewende entiteite. So kan elke beskawing ten minste drie 1700-jaar siklusse voltooi. Die heerskappye in die beskawings het 'n gemiddelde lewensduur van 550 jaar volgens hom gehad . Hy het aangevoer dat oorloë, wat volgens hom onnodig was, deur die kennis van die aard van die siklusse vermy kon word, sodat regeringsprosesse na vreedsaam sou verander, in plaas daarvan om gewelddadig te wees. Hy het verder geglo dat die mensdom in staat sou wees om hierdie siklusse te begryp en aan te kan pas daarby, en dat die mensdom homself in 'n vorm van universele konfederasie van vrye volke moes organiseer.

Sy verkondiging van die wiskundige wet, wat volgens hom die evolusie van die mens se ontwikkeling bepaal, is in die volgende punte opgesom uit hoofstuk III van die Katalaanse werk "La matemàtica de la història", 1967):

  • Alle volke gaan deur periodes van groot demografiese opbreking, afgewissel met ander periodes van groot eenwording of imperialistiese tydperke.
  • Die tydperke van groot demografiese opbreking duur 6½ eeue. Die tydperke van groot eenwording duur 10½ eeue. Die evolusiesiklus strek dus oor 17 eeue.
  • Tydens hierdie evolusieproses gaan die volke deur perfek gedefinieerde fases om dieselfde posisie aan die einde van die siklus in te neem as aan die begin van die siklus.
  • Die siklus bevat alle soorte menslike aktiwiteite. Dit wil sê, behalwe 'n politieke kringloop, moet ook 'n sosiale, artistieke, filosofiese en wetenskaplike kringloop nagekom word.
  • Alle mense volg dieselfde evolusie, maar dit is minder of meer gevorderd, afhangende van die geografiese posisie van elke land.
  • Alle mense se skeppingsvermoeë is nie dieselfde nie. Vir elke siklus is daar 'n sone met maksimum skeppingsintensiteit, en hierdie sone beweeg van een siklus na die volgende in dieselfde rigting as die algehele proses. In Europa beweeg hierdie sone van die Ooste na die Westelike Middellandse See, dan van die Iberiese Skiereiland na Gallië, dan na die Britse Eilande, die Germaanse volke en uiteindelik na die Noordelike en Slawiese volke.
  • Die imperialistiese kerne, wat tydperke van groot politieke eenheid moontlik maak, volg volmaakte biologiese prosesse, identies aan mekaar en duur 5 tot 6 eeue lank.
  • Die oorgang van die sosiopolitieke regimes vind nie langs 'n konstante opwaartse of afwaartse liniêre lyn plaas nie, maar deur bewegings van vooruitgang en agteruitgang, wat wissel en sterk kan verskil en 'n gebroke lyn tot gevolg kan hê. Die resultaat van hierdie lyn is gelyk aan vordering in 'n sekere rigting. Dit is wat genoem word "die wet van twee tree vorentoe en een stap terug".

Sy idees het te make met die idees van Oswald Spengler en Arnold Joseph Toynbee, wat ook teorieë oor die evolusie van beskawings voorgehou het, maar sonder om by die presiese wiskundige reëls uit te kom wat deur Deulofeu uiteensit word.

Tydens en ná sy ballingskap het Deulofeu baie museums, tempels en monumente in verskillende lande besoek. Deulofeu het beweer dat hy die oorsprong van Romaanse kuns in die negende eeu tussen l'Empordà en de Rosselló geidentifiseer het. Hy het geglo dat dit die oorsprong was van wat hy die tweede siklus van die Wes-Europese beskawing noem, wat na die eerste siklus gevolg het.

Bronne[wysig | wysig bron]

  • Catalunya i l’Europa futura (Catalonia and future Europe), Barcelona, Llibreria Catalònia, 1934 (Foreword by Antoni Rovira i Virgili. Facsimile edition, 1978).
  • Catalunya 1932-1934 (Catalonia 1932-1934), Barcelona, Llibreria Catalònia), 1935.
  • Química estructural, primera part (Structural chemistry, part I), Figueres, Edicions de l'Escola del Treball, 1937.
  • L’evolució social (Social evolution), Figueres, Edicions de l'Escola del Treball, 1937 (there is a second, unpublished, volume).
  • Alejandro Deulofeu. La energía atómica al servicio de la química, and La energía atómica y la energía iónica (Atomic energy in the service of chemistry, and Atomic energy and ionic energy), cyclostyle editions for Breviata Médica (service of medical information of the Leti and Uquita Laboratories), Barcelona, 1949.
  • Alejandro Deulofeu. La Matemática de la Historia (Mathematics of History), Barcelona, Aymà Edicions, 1951.
  • Alejandro Deulofeu. La energía atómica al servicio de la química (Atomic energy in the service of chemistry), Barcelona, Editorial Emporitana, 1952.
  • Alejandro Deulofeu. Europa al desnudo (Naked Europe), Barcelona, Editorial Emporitana, 1954.
  • Alejandro Deulofeu. Nacimiento, grandeza y muerte de las civilizaciones (Birth, greatness and death of civilizations), Barcelona, Casa del Libro, 1956 (volume I in Spaans of Mathematics of History).
  • La matemàtica de la Història en la cultura occidental (The mathematics of history in western culture), "Els Autors de l’Ocell de Paper" ("The authors of the paper bird"). Barcelona, Editex, 1957.
  • Alejandro Deulofeu. Los grandes errores de la Historia. Del servilismo a la democracia (The great errors of History. From servilism to democracy). Barcelona, Aymà Edicions, 1958 (volume II in Spaans of Mathematics of History).
  • L’Empordà, bressol de l’art romànic (Empordà, the cradle of Romanesque art), Barcelona, Gràfiques Diamant, 1961.
  • Alejandro Deulofeu. El Ampurdán, cuna del arte románico (Empordà, the cradle of Romanesque art), Barcelona, Gràfiques Diamant, 1962.
  • Catalunya, origen de la pintura medieval (Catalonia, origin of mediaeval painting), Barcelona, Ed. Selecta, 1963.
  • Alejandro Deulofeu. Cataluña, origen de la pintura medieval (Catalonia, origin of mediaeval painting), Barcelona, Ed.Selecta, 1963.
  • La Matemàtica de la Història (Mathematics of History), Figueres, Editorial Emporitana, 1967.
  • Voorwoord in die boek van Carles Fages de Climent Vilasacra, capital del món (Vilasacra, capital city of the world), Figueres, Ed. Pérgamo, 1st edition 1967, 2nd edition 1977, 3rd edition 1993.
  • L’Empordà-Rosselló, bressol de l’escultura romànica (Empordà-Rosselló, the cradle of Romanesque sculpture), Figueres, Editorial Emporitana, 1968 (pictures by Joaquim Fort de Ribot).
  • Les cultures europees. De la primera onada històrica de gran fragmentació demogràfica (European cultures. The first historic surge of great demographic fragmentation), Figueres, Editorial Emporitana, 1969 (volume III in Katalaans of Mathematics of History).
  • La pau al món per la Matemàtica de la Història (Peace in the world through Mathematics of History), Barcelona, Ed. Pòrtic, 1970.
  • Naixença, grandesa i mort de les civilitzacions (Birth, greatness and death of civilisations), Figueres, Editorial Emporitana, 1970 (volume I in Catalan of Mathematics of History).
  • El monestir de Sant Pere de Roda. Importància, història i art (The monastery of Sant Pere de Roda. Its importance, history and art), Figueres, Editorial Emporitana, 1970.
  • Els grans errors de la Història (Great errors of History), Figueres, Editorial Emporitana, 1971 (volume II in Catalan of Mathematics of History).
  • Lluita d’imperis, primera part (persa, macedoni, cartaginès, romà, bizantí (Empires at war, part I (Persian, Macedonian, Carthaginian, Roman and Byzantine)), Figueres, Editorial Emporitana, 1972 (volume IV in Catalan of Mathematics of History).
  • L’Empordà, bressol de l’art romànic (Empordà, the cradle of Romanesque art), Figueres, Editorial Emporitana, 1972.
  • Alejandro Deulofeu. La paz mundial por la Matemática de la Historia (World peace through the Mathematics of History), Barcelona, Ed. Pòrtic Hispànic, 1973.
  • Lluita d’imperis, segona part (teutònic, anglosaxó, polonès, danès, noruec, víking, lituà, suec, moscovita) (Empires at war, second part (Teutonic, Anglosaxon, Polish, Danish, Norwegian, Viking, Lithuanian, Swedish, Muscovite)), Figueres, Editorial Emporitana, 1973 (volume V in Catalan of Mathematics of History).
  • El segon cicle europeu. El procés polític i social (The second European cycle. The political and social process), Figueres, Editorial Emporitana, 1974 (volume VI in Catalan of Mathematics of History).
  • Memòries de la revolució, de la guerra i de l’exili (Memories of the revolution, of war and of exile), Figueres, Editorial Emporitana, 1975, two volumes.
  • Preliminary words in the book by Sebastià Delclos, Guia del romànic de l’Alt Empordà (Guide to the Romanesque style in Alt Empordà), Figueres, Centre Escursionista Empordanès, 1975.
  • Catalunya, mare de la cultura europea (Catalonia, mother of European culture), Figueres, Editorial Emporitana, 1977 (volume VII in Catalan of Mathematics of History).
  • La segona onada imperial a Europa (The second imperial surge in Europe), Figueres, Editorial Emporitana, 1977 (volume VIII in Catalan of Mathematics of History).
  • Alejandro Deulofeu. Nacimiento, grandeza y muerte de las civilizaciones (Birth, greatness and death of civilisations), Buenos Aires, Ed. Plus Ultra, 1978 (special edition for South America, foreword by Abelardo F. Gabancho).
  • Les cultures irano-sumèria-caldea, hitita i egipcia (The Iranian-Sumerian-Chaldaic, Hittite and Egyptian cultures). Figueres. Realization: Amics de l'Albera i Cap de Creus, Centre Escursionista Empordanès, posthumous edition 2005 (volume IX in Catalan of Mathematics of History).
  • Història de l'art universal (History of the universal art). Figueres. Realization: Amics de l'Albera i Cap de Creus, Centre Escursionista Empordanès, posthumous edition, October 2008.
  • Articles i altres escrits. Els darrers mots. (Articles and other writings. The last words). Figueres. Realization: Amics de l'Albera i Cap de Creus (APNACC) and Centre Excursionista Empordanès (CEE), design and monitoring: Juli Gutiérrez Deulofeu, posthumous edition, juny 2012.

Sien ook[wysig | wysig bron]

Eksterne skakel[wysig | wysig bron]

Hierdie artikel is in sy geheel of gedeeltelik vanuit die Nederlandse Wikipedia vertaal.