Alexis Preller

in Wikipedia, die vrye ensiklopedie
Jump to navigation Jump to search
Alexis Preller
Gebore6 September 1911
Sterf13 Desember 1975 (op 64)
Pretoria
NasionaliteitSuid-Afrika
BeroepSkilder
Bekend virSkilderye

Alexis Preller (6 September 191113 Desember 1975) was ’n Suid-Afrikaanse surrealistiese skilder. Hy is gebore in Pretoria en het gematrikuleer aan Pretoria Boys High School. Daarna het hy as ’n klerk gewerk voordat hy sy familie oortuig het om ’n kunstenaar te word. Hy vertrek in 1934 na Londen waar hy vir Pierneef ontmoet en dié oortuig hom om in te skryf in die Westminster School of Art.

Een van Preller se skilderye.

Hy keer terug na Pretoria in 1935 waar hy sy eerste uitstalling hou. In 1937 gaan hy na Parys en studeer by die Grande Chaumiere onder Othon Frieze. Op pad terug na Suid-Afrika vertoef hy eers in Switserland. In 1938 word hy deel van New Group en was ingesluit in hulle eerste uitstalling. Hy gaan op safari na die Kongo in 1939 maar die Tweede Wêreldoorlog breek uit en hy moet terugkeer na Suid-Afrika. Na die oorlog gaan hy op studietoer na Londen en Parys. Hy reis in Zanzibar en die Seychelle tussen 1948 tot 1949. In die periode voltooi hy verskeie skilderye.

In 1953 vertrek hy op tweede studietoer, die keer na Italië en Egipte. Hy vestig hom op ’n plaas naby Hartbeespoortdam. Gedurende 1968 reis hy na Griekeland en Italië. Hier begin hy skryf aan sy outobiografie. Hy hou sy laaste uitstalling in 1975 in Johannesburg en sterf later die jaar aan ’n hartaanval.

Preller word gereken as die belangrikste surrealis in die Suid-Afrikaanse kuns en was ’n skilder van figure, koppe, torso’s, diere, stillewes en het later inspirasie geput uit die klassieke oudheid. Hy het onder meer die muurpaneel ‘Die Ontdekking’ as opdrag dir ’n konferensiekamer in die hoofkantoor van die Transvaalse Provinsiale Administrasie in Pretoria gedoen. Daar is voorbeelde van Preller se skilderkuns in die belangrikste kunsmuseums en -versamelings in Suid-Afrika.

Sien ook[wysig | wysig bron]

Bronne[wysig | wysig bron]