Alfred Wegener

in Wikipedia, die vrye ensiklopedie
Spring na: navigasie, soek
Alfred Wegener, omstreeks 1925

Alfred Lothar Wegener (* 1 November 1880 in Berlyn; † November 1930 in Groenland) was 'n Duitse weerkundige, poolnavorser en geowetenskaplike. As sy beduidendste bydrae tot die moderne wetenskap word sy teorie oor kontinentale verskuiwing beskou waarvoor hy eers postuum erkenning geniet het. Hierdie teorie vorm die basis vir die huidige model van plaat-tektoniek. Gedurende sy leeftyd het hy veral vir sy weerkundige navorsing asook sy pionierwerk op die gebied van poolnavorsing bekend gestaan.