Alhambra-bioskoop, Kaapstad

in Wikipedia, die vrye ensiklopedie
Jump to navigation Jump to search
Alhambra-bioskoop, Kaapstad
Die Alhambra-bioskoop.
Die Alhambra-bioskoop.
Ander name Alhambra-teater
Stad of dorp Kaapstad
Land Suid-Afrika
Geopen 1929
Gesluit 1972
Chris van Niekerk, Maxine Denys en Harold King in die vroeë 1960's in Three-Cornered Hat in die Alhambra, Kaapstad.

Die Alhambra-bioskoop, ook bekend as die Alhambra-teater, was ’n teater in Riebeeckstraat, Kaapstad, wat in 1929 in gebruik geneem is.

Geskiedenis[wysig | wysig bron]

Die Alhambra is in 1928 gebou vir die African Consolidated Theatres deur Harry Stodel. Dit is beskryf as Suid-Afrika se beste "atmosferiese teater".[1] Dit het ’n unieke Wurlitzer-teaterorrel-en-musieksentrum gehad wat ook talle klanke kon naboots.[2] Dit is in 1929 in gebruik geneem en was jare lank een van Kaapstad se grootste teaters.

Toneelstukke en musiekspele is ook vier dekades lank in die teater opgevoer. Van die bekende kunstenaars wat hier opgetree het, is Marlene Dietrich,[3] Nellie du Toit,[4] Angelo Gobbato[5] en Phyllis Spira.[6]

Die enigste Afrikaans geselskap wat hier opgetree het, volgens André Huguenet, was sy geselskap met Is Jy ’n Bokryer in die 1940's.[1] Dit is ook soms deur Kruik gebruik.

Die gebou is in Januarie 1972 gesluit en in 1974 gesloop.

Verwysings[wysig | wysig bron]