Alizée
Alizée | |
|---|---|
 Alizée in 2013 | |
| Agtergrondinligting | |
| Geboortenaam | Alizée Jacotey |
| Gebore | 21 Augustus 1984 Ajaccio, Corsica, Frankryk |
| Genres | Pop Europop |
| Beroep(e) | Sangeres |
| Jare aktief | 1999 – hede |
| Etikette | Polydor |
| Webwerf | http://www.moi-alizee.com |
Alizée Jacotey (gebore in Ajaccio, Korsika op 21 Augustus 1984) is 'n Franse sangeres.
Die verhoognaam wat sy gebruik, Alizée, is die vroulike vorm van die Franse woord alizé wat "passaatwind" beteken. Sy het dié naam gekies omdat haar ouers ywerige branderplankryers was. Alizée word as 'n protégé van Mylène Farmer en Laurent Boutonnat beskou. Farmer is 'n bekende en suksesvolle Franse sangeres, en Boutonnat is 'n liriekskrywer en komponis. Alizée se bekendste treffer is "Moi... Lolita", wat 'n groot sukses was in byna die hele Europa en dele van Oos-Asië.
Op die ouderdom van vier het Alizée met danslesse begin. Sy het só goed gevaar dat sy daarna nog sanglesse en dramalesse ook geneem het. Op elf het Alizée aan 'n vliegmaatskappy se tekenwedstryd deelgeneem, wat sy gewen het en haar tekening is toe op een van die maatskappy se vliegtuie aangebring. Op vyftien het sy aan 'n sangkompetisie op TV deelgeneem, waar sy die lied "Ma Prièrre" gesing het en daarmee gewen het.
In 2001 is Alizée as die beste nuwe kunstenaar op die NRJ-toekennings verkies. Op 30 April 2001 het sy 'n regstreeks op die Museumplein in Amsterdam opgevoer. Tydens 'n onderhoud met Daphne Bunskoek die volgende dag, het Alizée onder andere vertel van haar planne om nog aanhangers in Japan en Kanada te verower, haar eie karakter (lui, nuusgerig, vasberade), die veranderinge in haar lewe sedert sy beroemd geword het, en haar bewondering van die sangeres Madonna.
Op 6 November 2004 het Alizée die knoop met medesanger Jérémy Châtelain deurgehaak. Op 28 April 2005 is hul eerste dogtertjie, Anny-Lee, gebore.
Alizée se loopbaan het die afgelope tyd stilgestaan, maar sy maak binnekort 'n terugkeer met 'n nuwe album.
Diskografie[wysig | wysig bron]
Ateljeealbums[wysig | wysig bron]
- Gourmandises (2000)
- Mes Courants Électriques (2003)
- Alizée en Concert (2004)
- Psychedelices (2008)
- Une enfant du Siècle (2010)
- 5 (2013)
- Blonde (2014)
Enkelspelers[wysig | wysig bron]
- "Moi … Lolita" (2000)
- "Parler Tout Bas" (2001)
- "Gourmandises" (2001)
- "L'Alizé" (2001)
- "J'en Ai Marre!" (2003)
- "I'm Fed Up!" (2003)
- "J'ai Pas Vingt Ans" (2003)
- "I'm Not Twenty" (2003)
- "A Contre-Courant" (2003)
DVD's[wysig | wysig bron]
- Alizée en Concert (18 Oktober 2004)
