Alkantpan
Die Alkantpan-wapentoetsterrein in die Noord-Kaap word deur Krygkor bedryf.
Hierdie afgeleë militêre gebied is wes van Copperton en suidwes van Prieska op die pad na Vanwyksvlei. Dit is in 'n baie droë, kaal en dunbevolkte landstreek geleë en beslaan 85 000 ha. Daarop is 'n toetsbaan van 67 km lank en 13 km breed uitgelê, wat van oos na wes strek. Aan die oostekant is 'n gebouekompleks. By nagenoeg 29° 56′ suid en 22° 16′ oos is 'n aanloopbaan en die toegang tot die lugruim in die streek word beperk.
'n Wye verskeidenheid wapentuig van Suid-Afrikaanse en buitelandse vervaardigers word hier op die proef gestel.
Die mees westelike deel van die terrein was voorheen die plaas Constantia van die Afrikaanse skrywer F.A. Venter.
Bibliografie[wysig | wysig bron]
- defenceweg.co,za
- www.armscor.co.za
