Gaan na inhoud

All Quiet on the Western Front (2022-rolprent)

in Wikipedia, die vrye ensiklopedie
All Quiet on the Western Front
Regisseur Edward Berger
Vervaardiger
  • Malte Grunert
  • Daniel Dreifuss
  • Edward Berger
Draaiboek
  • Edward Berger
  • Lesley Paterson
  • Ian Stokell
Geskoei op All Quiet on the Western Front deur Erich Maria Remarque
Met
Musiek deur Volker Bertelmann
Kinematografie James Friend
Ateljee Amusement Park
Verspreider Netflix
Uitgereik 12 September 2022 (2022-09-12): Toronto- Internasionale Rolprentfees
28 Oktober 2022 (2022-10-28): Netflix
Speeltyd 147 minute[1]
Land Duitsland
Taal Duits
IMDb-profiel

All Quiet on the Western Front (Duits: Im Westen nichts Neues) is 'n Duitse epiese antioorlogsrolprent van 2022 wat geskoei is op die roman met dieselfde naam van 1929 deur Erich Maria Remarque. Dit is die derde rolprentverwerking van die boek, naas dié van 1930 en '79. Edward Berger was die medeskrywer, regisseur en medevervaardiger van die prent, met Felix Kammerer, Albrecht Schuch, Daniel Brühl, Sebastian Hülk, Aaron Hilmer, Edin Hasanovic en Devid Striesow in die belangrikste rolle.

Die regisseur, medeskrywer en medevervaardiger Edward Berger.

Die rolprent speel tydens die Eerste Wêreldoorlog af en gaan oor die idealistiese jong Duitse soldaat Paul Bäumer. Nadat hy saam met sy vriende by die Duitse weermag aangesluit het, word Bäumer blootgestel aan die realiteite van die oorlog. Sy droom om 'n held te word, word verydel terwyl hy sy bes doen om net te oorleef. Die prent bevat 'n parallelle storielyn wat nie in die boek voorkom nie, wat gaan oor die vredesamesprekings teen die einde van die oorlog.

All Quiet on the Western Front se première was op 12 September 2022 op die Toronto- Internasionale Rolprentfees en is op 28 Oktober deur die stromingsdiens Netflix uitgereik.[2] Dit het positiewe resensies gekry vir sy kunstigheid en relevante antioorlogsboodskap,[3] maar Duitse en Engelse resensente stem nie saam oor die fliek se getrouheid aan Remarque se bronmateriaal nie.[4]


Dit is vir 14 Baftas benoem, waarvan dit sewe gewen het, insluitend vir beste rolprent, en nege Oscars, waarvan dit vier gewen het: vir beste internasionale prent, beste kinematografie, beste oorspronklike musiek en beste produksie-ontwerp.[5] Dit is in 2023 vir 12 Duitse Rolprent-pryse benoem[6] en het agt gewen.[7]

Rolverdeling

[wysig | wysig bron]
Twee van die akteurs, Albrecht Schuch en Daniel Brühl.
  • Felix Kammerer as Paul Bäumer
  • Albrecht Schuch as Stanislaus "Kat" Katczinsky
  • Aaron Hilmer as Albert Kropp
  • Moritz Klaus as Franz Müller
  • Adrian Grünewald as Ludwig Behm
  • Edin Hasanović as Tjaden Stackfleet
  • Daniel Brühl as Matthias Erzberger
  • Thibault de Montalembert as generaal Ferdinand Foch
  • Devid Striesow as generaal Friedrichs
  • Andreas Döhler as luitenant Hoppe
  • Sebastian Hülk[8] as majoor Von Brixdorf

Ontvangs

[wysig | wysig bron]

Op Rotten Tomatoes het die rolprent 'n goedkeuringsyfer van 90%, gebaseer op 165 resensies, met 'n gemiddelde punt van 8,1/10. Die webtuiste se konsensus lui: All Quiet on the Western Front is beide tydig en tydloos, en behou die krag van sy klassieke bronmateriaal deur te fokus op die betekenisloosheid van oorlog."[9] Op Metacritic het die prent 'n punt van 76 uit 100, gebaseer op 37 resensies, wat dui op 'n "algemeen gunstige" ontvangs.[10]

James Friend se kinematografie en Volker Bertelmann se musiek het wyd lof gekry en het hulle verskeie pryse in die sak gebring, insluitende Oscars.

Ben Kenigsberg het in The New York Times geskryf die prent is minder indrukwekkend as die 1930-weergawe, maar hy het die klankbaan geprys, asook die parallelle storielyn van die vredesonderhandelings. Hy dink ook die aangepaste lot van die karakters is kragtig.[11] Volgens Jamelle Bouie van The New York Times mis die prent die essensie van die roman, wat nie net antioorlog is nie maar ook die verveemding en tol uitbeeld van dié wat huis toe gekom het. Die uitsluiting van Paul se terugker huis toe omskep All Quiet on the Western Front van 'n sielkundige ondersoek van die soldaat se ondervinding en 'n veroordeling van oorlog in 'n baie eenvoudiger storie van deugdelike soldate en siniese leiers wat hulle verraai."[12]

Mark Kermode sê daar is 'n goeie rede om dit op die groot doek te sien, al is dit op Netflix: Dit is "visueel baie, baie indrukwekkend, oorweldigend en uitputtend. Dit is hartverskeurend ... en behoort te wees."[13] Die kultuurhistorikus Bethany Wyatt sê dit is die "beste fliek tot dusver oor die Eerste Wêreldoorlog" wat "getrou is aan die gees van Remarque se roman".[14] Volgens Wyatt is dit moeilik om opgewasse te wees teen die einde van All Quiet on the Western Front van 1930, maar die 2022-verwerking skep sy eie klaaglied oor die manne wat nie huis toe gekom het nie."[14]

Die rolprentvervaardiger Kimberly Peirce het Berger se regie geprys en gesê "hy vang die menslikheid van sy verhaal vas deur die transformasie van ons held van 'n pragtig onskuldige jong soldaat wat gretig is om te veg … tot 'n man wat die monster naboots wat hy wil vernietig".[15]

Baie Duitse resensente het die aksie geprys, maar was skepties oor die aansienlike afwyking van die boek,[4][16] wat in baie Duitse skole behandel word.[17] Soos Brittanje se New Statesman dit opsom "...in Duitsland word dit beskou as swak, sinies en vryerig na Oscars.[18]

In 2023 het die webtuiste Collider die fliek gelys as die "Beste historiese epiese prent van alle tye". Dit skryf: "Oorlog is nie wat jy verwag nie, en die prent vermors nie tyd om die gruwels van die slagveld op 'n rou, harde en regtig weersinwekkende manier te wys nie. Dit is 'n verskriklike, pynlike fliek om te sien; ongelukkig is dit vandag beide belangrik en tydig."[19] MovieWeb plaas dit op die 7de plek op sy lys "Beste Antioorlogse flieks Nog" en skryf:"Die gevegstonele is ongelooflik eksplisiet, en die doel van die oorspronklike én die nuwe weergawe is om die gruwels van oorlog akkuraat uit te beeld sodat niemand wat dit kyk, ooit die begeerte sal hê om te gaan nie." Dit is ook boaan die webtuiste se lys "Beste Oorlogsflieks van die Afgelope 10 Jaar".[20][21]

In 2025 was dit een van die rolprente wat The New York Times se lesers gekies het vir die lys "100 Beste Flieks van die 21ste Eeu". Dit was nommer 310.[22]

Verwysings

[wysig | wysig bron]
  1. ↑ "All Quiet on the Western Front". Toronto International Film Festival. Geargiveer vanaf die oorspronklike op 28 Julie 2022. Besoek op 28 Julie 2022.
  2. ↑ Ramchandran, Naman (4 Mei 2021). "Netflix's All Quiet on the Western Front Shoot Underway in Prague, New Cast Members Join". Variety. Geargiveer vanaf die oorspronklike op 4 Mei 2021. Besoek op 8 Oktober 2021.
  3. ↑ Schuetze, Christopher F. (28 Oktober 2022). "In a German All Quiet on the Western Front, History Has a Starring Role". New York Times. Geargiveer vanaf die oorspronklike op 31 Oktober 2022. Besoek op 31 Oktober 2022.
  4. ↑ 4,0 4,1 Oltermann, Philip (27 Januarie 2023). "German critics pan Oscar-nominated All Quiet on the Western Front". The Guardian. Geargiveer vanaf die oorspronklike op 2 Februarie 2023.
  5. ↑ "2023 | Oscars.org | Academy of Motion Picture Arts and Sciences". oscars.org. Geargiveer vanaf die oorspronklike op 24 Januarie 2023. Besoek op 24 Januarie 2023.
  6. ↑ "Die Nominierungen 2023". deutscher-filmpreis.de. Besoek op 27 Maart 2023.
  7. ↑ "Die Preisträger:innen 2023". Besoek op 12 Mei 2023.
  8. ↑ "First Look Photos and Cast Revealed for Netflix's German Film All Quiet on the Western Front". Nerds & Beyond. 4 Mei 2021. Geargiveer vanaf die oorspronklike op 4 Mei 2021. Besoek op 10 Desember 2021.
  9. ↑ "All Quiet on the Western Front". Rotten Tomatoes. Fandango Media. Besoek op 15 September 2025.
  10. ↑ "All Quiet on the Western Front". Metacritic. Fandom, Inc. Besoek op 15 September 2025.
  11. ↑ Kenigsberg, Ben (27 Oktober 2022). "All Quiet on the Western Front Review: The Spectacle of War". The New York Times. ISSN 0362-4331. Geargiveer vanaf die oorspronklike op 31 Oktober 2022. Besoek op 31 Oktober 2022.
  12. ↑ Jamelle Bouie (17 Desember 2022). "When Filmmakers Don't Understand the Assignment". The New York Times. Geargiveer vanaf die oorspronklike op 18 Desember 2022. Besoek op 18 Desember 2022.
  13. ↑ "Mark Kermode reviews All Quiet on the Western Front – Kermode and Mayo's Take". YouTube. 14 Oktober 2022. Geargiveer vanaf die oorspronklike op 19 Januarie 2023. Besoek op 19 Januarie 2023.
  14. ↑ 14,0 14,1 Wyatt, Bethany (28 Oktober 2022). "All Quiet on the Western Front historian's review: An ambitious, visceral exploration of life and loss in WW1". HistoryExtra (in Engels). Geargiveer vanaf die oorspronklike op 19 Januarie 2023. Besoek op 23 Januarie 2023.
  15. ↑ "Directors on Directors: Filmmakers Praise 2022 Favorites Including 'Elvis,' 'White Noise' and 'Tár'". Variety. 6 Maart 2025.
  16. ↑ Barber, Nicholas (27 Februarie 2023). "Germans are right to be incensed by All Quiet on the Western Front: It paints them as the good guys". The Guardian. Geargiveer vanaf die oorspronklike op 2 Maart 2023. Besoek op 2 Maart 2023.
  17. ↑ Epp, Eugen (6 November 2022). "Regisseur von Im Westen nichts Neues über eine Szene, die ihn besonders bewegt hat". Stern (in Duits). Geargiveer vanaf die oorspronklike op 2 Maart 2023. Besoek op 2 Maart 2023.
  18. ↑ Cliffe, Jeremy (20 Februarie 2023). "On the "war kitsch" of All Quiet on the Western Front". New Statesman. Geargiveer vanaf die oorspronklike op 3 Maart 2023. Besoek op 3 Maart 2023.
  19. ↑ Morgan, Chance (29 Maart 2023). "The 15 Best Historical Epics of All Time". Collider. Besoek op 14 Januarie 2024.
  20. ↑ "The Best Anti-War Movies Ever Made". 18 Junie 2023.
  21. ↑ "Best War Movies from the Last 10 Years". 8 November 2023.
  22. ↑ "Readers Choose Their Top Movies of the 21st Century". The New York Times. Besoek op 2 Julie 2025.

Skakels

[wysig | wysig bron]
Ontsluit van "https://af.wikipedia.org/w/index.php?title=All_Quiet_on_the_Western_Front_(2022-rolprent)&oldid=2837972"