Schedar

in Wikipedia, die vrye ensiklopedie
(Aangestuur vanaf Alpha Cassiopeiae)
Jump to navigation Jump to search
Alpha Cassiopeiae
Emoji u2b55.svg
Schedar se ligging (in die rooi sirkel).
Schedar se ligging (in die rooi sirkel).
Sterrebeeld Kassiopeia
Bayer-naam α Cassiopeiae
Spektraaltipe K0 IIIa[1]
Soort Reusester
Waarnemingsdata (Epog J2000)
Regte klimming 00h 40m 30.4405s[1]
Deklinasie +56° 32′ 14.392″[1]
Skynmagnitude (m) 2,240[2]
Absolute magnitude (M) 1,985[2]
B-V-kleurindeks  1,16
U-B-kleurindeks  1,14
Besonderhede
Massa (M) 4-5[3]
Radius (R) 42,1 ± 1,7[4]
Ligsterkte (L) 676
Ouderdom (jaar) 100 miljoen – 200 miljoen[3]
Temperatuur (K) 4 530[3]
Ander name
Schedar, α Cas, 18 Cas, HR 168, BD+55°139, HD 3712, SAO 21609, FK5 21, HIP 3179, GC 792, ADS 561, CCDM J00405+5632
Portaal  Portaalicoon   Sterrekunde

Schedar (ook bekend a Alpha Cassiopeiae of α Cas) is ’n ster van die tweede magnitude in die sterrebeeld Kassiopeia. Hoewel dit deur Johann Bayer as die "alfaster" aangedui is, ding dit om helderheid mee met die β-ster in die sterrebeeld. Dit is soms effens dowwer en soms effens helderder, na gelang van die metingsmetode wat gebruik word. Onlangse metings deur Nasa het egter bevestig α Cas is die helderste ster in Kassiopeia, met ’n skynbare magnitude van 2,24. Sy absolute magnitude is 18 keer dié van β Cas, maar dit is verder van die Son af geleë (228 ligjare teenoor 54).

Eienskappe[wysig | wysig bron]

Schedar is hoofsaaklik in die Noordelike Halfrond sigbaar, hoewel dit so ver suid as Perth, Australië, en Santiago, Chili, gesien kan word, al is dit net bo die horison.

Dit is ’n oranje reusester met ’n sterreklassifikasie van K0 IIIa wat aansienlik koeler as die Son is.[1] Omdat die oranje reus naby die finale stadium van sy evolusie is, het hy aansienlik uitgesit en is sy ligsterkte sowat 676 keer dié van die Son.

Volgens Hipparcos is die ster sowat 228 ligjare van die Son af.[5] Nes alle reusesterre, roteer Schedar stadig – teen sowat 21 km/s. Dit neem die ster sowat 102 dae vir een volle revolusie om sy as.[6]

Schedar is vermoedelik sowat 100 miljoen tot 200 miljoen jaar oud, en was vir ’n groot deel van sy bestaan ’n blouwit B-tipe hoofreeksster.[3]

Name[wysig | wysig bron]

Die ster se Bayer-naam is "Alpha Cassiopeiae" en sy Flamsteed-naam "18 Cassiopeiae". Die naam "Schedar" kom van die Arabiese صدر şadr, "bors", wat verband hou met sy relatiewe posisie tot die hart van die mitologiese koningin Kassiopeia.[7]

In 2016 het die Internasionale Astronomiese Unie se sternaamwerkgroep (WGSN) die naam "Schedar" vir die ster goedgekeur.[8]

Verwysings[wysig | wysig bron]

  1. 1,0 1,1 1,2 1,3 "SIMBAD query result: SCHEDAR -- Star". Centre de Données astronomiques de Strasbourg. Besoek op 2010-02-22. 
  2. 2,0 2,1 Kharchenko, N.V. (September 2009). “All-sky Compiled Catalogue of 2.5 million stars”. Besoek op 2011-01-06.
  3. 3,0 3,1 3,2 3,3 Professor James B. (Jim) Kaler. "SHEDAR (Alpha Cassiopeiae)". University of Illinois. Geargiveer vanaf die oorspronklike op 27 March 2010. Besoek op 2010-02-22. 
  4. Hajian, Arsen R. (Maart 1998). “Direct Confirmation of Stellar Limb Darkening with the Navy Prototype Optical Interferometer”. The Astrophysical Journal 496 (1): 484. doi:10.1086/305388.
  5. van Leeuwen, F (November 2007). “Hipparcos, the New Reduction”. Astronomy and Astrophysics 474 (2): 653–664. doi:10.1051/0004-6361:20078357.
  6. "Bright Star Catalogue (Hoffleit+, 1991)". VizieR (5de hersiene uitg. uitg.). Centre de Données astronomiques de Strasbourg. Besoek op 2010-12-31. 
  7. Richard Hinckley Allen (1963). "Star Names: Their Lore and Meaning". Dover Publications. p. 142. Besoek op 2010-12-31. 
  8. "Bulletin of the IAU Working Group on Star Names, No. 1" (PDF). Besoek op 28 Julie 2016. 

Eksterne skakels[wysig | wysig bron]

Koördinate: Sky map 00h 40m 30.5s, +56° 32′ 14.5″