Alt-Marzahn

in Wikipedia, die vrye ensiklopedie
Jump to navigation Jump to search
Alt-Marzahn

Alt-Marzahn is die geskiedkundige sentrale meent van Marzahn, 'n dorp in die Mark Brandenburg wat in die Middeleeue gestig is en tans deel uitmaak van Berlyn. Dit is ook die naam van die straat wat om die meent loop.

Die historiese middedorp met sy lae huise, die kerkgebou met die pastoor- en gemeentehuis, die geskiedkundige straatplaveisel, enkele huise en groen ruimtes buite die middedorp is in 1977 as argitektoniese gedenkwaardighede aangewys. Die tradisionele dorpsvorm met die spilvormige sentrale meent het tot vandag bewaar gebly.

Geskiedenis[wysig | wysig bron]

Die 13de-eeuse veldsteenkerk van Marzahn. Akwarel deur Heinrich Wohlers, 31 Augustus 1834
Die huidige Evangelies-Lutherse dorpskerk dateer uit die 19de eeu
Die koor se kant
Dorfanger met dorpskerk
Oud en nuut: Moderne woonstelblok en historiese huise

Die eerste bewoners het hulle vermoedelik vanaf die tweede kwart van die 13de eeu in die dorpsgebied gevestig. Die dorpsuitleg en groepering van woonhuise en plase rondom die sentrale meent of plein (Duits: Dorfanger) langs die pad na Frankfurt (Oder) en Altlandsberg dateer uit hierdie tydperk, net soos die eerste middeleeuse veldsteenkerk op die meent. Dié sakrale gebou is van steen gebou, terwyl die middeleeuse plase gewoonlik as vakwerkhuise opgerig is.

Op 19 November 1300 het markgraaf Albrecht III die besittings van nonne in die klooster Friedlant bevestig - drie hoewe land in die dorp Morczane. Dit is die eerste historiese verwysing na Marzahn. Die landboek van keiser Karel IV van 1375 lys 52 hoewe in Marzahn op. In 1421 was groot dele van die dorp in besit van die Von Lindenberg-gesin, wat tot in die laat 16de eeu hier woonagtig was.

Uitleg van Alt-Marzahn[wysig | wysig bron]

Grys syfers dui sakegeboue aan. Die groen syfers verwys na die volgende geboue:

Alt-Marzahn Plan aus öff. Tafel 110320 AMA fec (49).jpg

1 – Evangelies-Lutherse dorpskerk
2 – Museum
3 – Meul
4 – Dierehof
5 – Uitstalterrein met landboumasjiene
6 – Graan-opleidingstuin
7 – Evangelies-Lutherse kleuterskool
8 – Paastoor- en gemeentehuis
9 – Huis nr. 57
10 – „Marzahner Krug“ (dorpskroeg)
11 – KulturGut
12 – Oorlogsmonument
13 – Infopunkt
14 – Huis nr. 26
15 – Huis nr. 62
16 – Huis nr. 64
17 – Brandweer
18 – Leestuin
19 – Rooms-Katolieke kerk "van die Verheerliking van die Here"