Amanda Joubert

in Wikipedia, die vrye ensiklopedie
Jump to navigation Jump to search

Amanda Joubert (?-1981) was ’n Afrikaanse skryfster.

Lewe en werk[wysig | wysig bron]

Amanda Joubert is ’n dogter van Georgie Linder, wat op haar dag ’n bekende aktrise was. Amanda se suster, Julie Strijdom, is self ’n aktrise wat in die beginjare van televisie gereeld rolle in veral televisiereeks gespeel het. Benewens haar talent vir skryfwerk, is Amanda ook musikaal aangelê. Sy skryf die temamusiek vir die rolprent “Diamant en die dief” en tree as sangeres op in televisieprogramme soos “Gé sing”, “Daar staan ’n blom” en “Platepraatjies”. Die kinderprogram “Ligstraaltjies uit die Bybel” word vir ’n rukkie deur haar aangebied. Sy is op 23 Oktober 1981 in ’n vliegongeluk aan die Natalse Suidkus oorlede, kort nadat sy verneem het dat haar debuutbundel aanvaar is vir publikasie.

 Skryfwerk[wysig | wysig bron]

Haar verhale en sketse word in verskeie letterkundige tydskrifte, insluitende Standpunte en Tydskrif vir Letterkunde, gepubliseer. In[1]Klits” word ’n keur hieruit gebundel. Die temas van die prosastukke is oorwegend die mens se stryd teenoor die lewe, met aspekte soos ouderdom, kompulsiewe eet en verslanking, drankmisbruik, verydelde liefde, teleurgestelde ambisie en verkragting wat aangespreek word. In ’n aantal verhale skryf sy ook uit die kind se oogpunt oor onbegrip en frustrasie in die grootmenswêreld.

Publikasies[wysig | wysig bron]

Jaar Publikasies
1982 Klits

Bronnelys[wysig | wysig bron]

Tydskrifte en koerante[wysig | wysig bron]

  • Visser, Ludwig “Jong boompie sou nog baie gegroei het” “Die Burger” 13 Augustus 1982

Internet[wysig | wysig bron]

Resensies[wysig | wysig bron]

  1. Van Zyl, Dorothea “Die Burger” 5 Mei 1983