Andrei Bely

in Wikipedia, die vrye ensiklopedie
Jump to navigation Jump to search
Andrei Bely
Andrei Bely in Brussels (1912).jpg
Andrei Bely in Brussels (1912)
Gebore(1880-10-26)26 Oktober 1880
Sterf08 Januarie 1934 (op 53)
Moskou, USSR
Alma materMoskouse Ryksuniversiteit

Boris Nikolaevich Bugaev (Russies: Бори́с Никола́евич Буга́ев; fonetiese uitspraak: bɐˈrʲis nʲɪkɐˈlajɪvʲɪtɕ bʊˈɡajɪf), beter bekend onder sy skuilnaam Andrei Bely of Biely (Russies: Андре́й Бе́лый; fonetiese uitspraak: ɐnˈdrʲej ˈbʲelɨj) 26 Oktober (O.S. 14 Oktober) 1880 - 8 Januarie 1934), was 'n Russiese romansier, digter, teoretikus en literêre kritikus. Sy roman getiteld Petersburg is deur Vladimir Nabokov beskou as die derde grootste meesterstuk van die 20ste eeu.[1][2][3]

Biografie[wysig | wysig bron]

Boris Bugaev is gebore in Moskou uit 'n prominente intellektuele familie. Sy vader, Nikolai Bugaev, was een van die voorste wiskundiges in Rusland, en word beskou as 'n medestigter van die Moskouse Skool van Wiskunde. Sy moeder was nie slegs hoogs intelligent nie, maar ook 'n bekende skoonheid in hoë sosiale kringe. Die jong Boris was 'n veelweter wie se belangstellings wiskunde, biologie, chemie, filosofie en letterkunde ingesluit het. Bugaev het die Universiteit van Moskou bygewoon.[4] Hy sou voortgaan om 'n aandeel te hê aan beide die Russiese Simboliese-beweging en die Russiese skool van neo-Kantianisme. Bugaev het vriende geword met Alexander Blok en sy vrou en verlief geraak op haar, welke spanning veroorsaak het tussen die twee digters.

Nikolai Bugaev was bekend om sy invloedryke filosofiese essays waarin hy meetkunde en die waarskynlikheidsteorie veroordeel het en die deugde van wiskundige analise besing het. Ten spyte van— of as gevolg van—sy vader se wiskundige oriëntering, was Boris Bugaev gefassineer deur die waarskynlikheidsteorie en veral entropie, 'n idee waarna hy dikwels verwys in werke soos Kotik Letaev.[5]

As 'n jong man is Bely sterk beïnvloed deur sy kennismaking met die familie van die filosoof Wladimir Solovyov, veral Wladimir se jonger broer Mikhail, wat beskryf word in sy uitgebreide outobiografiese gedig (1921). Dit was Mikhail Solovyov wat aan Bugaev die skuilnaam gegee het van Andrei Bely.

Portret van Bely deur Léon Bakst, 1905

Bely se simboliese roman Petersburg (1913; 1922) word oor die algemeen as sy meesterstuk beskou. Die boek gebruik 'n opvallende prosametode en speel af in die ietwat histeriese atmosfeer van die eeuwisseling van Petersburg en die Russiese rewolusie van 1905. In die mate dat daar gesê kan word dat die boek 'n intrige besit, kan dit saamgevat word as die verhaal van die ongelukkige Nikolai Apollonovich, wat vasgevang is in die rewolusionêre politiek en aan wie die taak opgedra word om 'n sluipmoord uit te voer op 'n staatsamptenaar — sy eie vader. Op een stadium word Nikolai agtervolg deur die klinkende hoewe van die beroemde bronsbeeld van Pieter die Grote.

In sy latere jare is Bely beïnvloed deur Rudolf Steiner se antroposofie ('n formele opvoedkundige, terapeutiese en kreatiewe stelsel wat deur Rudolf Steiner daargestel en ontwikkel is, en hoofsaaklik van natuurlike middele wil gebruik maak om liggaamlike en geestelike gesondheid en welstand te optimaliseer).[6][7] Hy het 'n persoonlike vriend van Steiner geword. Hy het tyd spandeer in Switserland, Duitsland, Oostenryk en Rusland, gedurende die rewolusie. Hy het die Bolsjewistiese magsvergryp ondersteun en later sy werk gewy aan Sowjet kulturele aangeleenthede. Hy het ook gedien op die Bestuurskomitee van die Unie van Sowjetskrywers.[8] Hy sterf op 53-jarige ouderdom in Moskou.

Die Andrei Bely-prys (Russies: Премия Андрея Белого) is een van die belangrikste pryse wat toegeken word in die Russies letterkunde en is vernoem na Bely.

Verwysings[wysig | wysig bron]

  1. 1965, Nabokov's television interview TV-13 NY
  2. Nabokov and the moment of truth op YouTube
  3. Nabokov’s Recommendations (opinions on other writers)[1]
  4. Noah Giansiracusa, Anastasia Vasilyev (7 Sep 2017). "Mathematical Symbolism in a Russian Literary Masterpiece" (Report). Morgan, Matthew. (PDF, 24kb).  Besoek op 12 Februarie 2018.
  5. (1976) “The Spiral as Image and Structural Principle in Andrej Belyj's Kotik Lataev”. Russian Literature (4): 357–63.
  6. Judith Wermuth-Atkinson, The Red Jester: Andrei Bely's Petersburg as a Novel of the European Modern (2012). ISBN 3643901542
  7. Bely, Andrei. The Columbia Encyclopedia, Sixth Edition. 2001–07 Geargiveer 1 Julie 2007 op Wayback Machine
  8. http://www.britannica.com/biography/Andrey-Bely

Bronne[wysig | wysig bron]

  • Imperial Moscow University: 1755-1917: encyclopedic dictionary. Moscow: Russian political encyclopedia (ROSSPEN). A. Andreev, D. Tsygankov. 2010. p. 63. ISBN 978-5-8243-1429-8.

Eksterne skakels[wysig | wysig bron]