Andrij Sjewtsjenko
.png) Andrij Sjewtsjenko in 2024 | |||
| Persoonlike inligting | |||
|---|---|---|---|
| Geboortenaam | Andrij Mykolajowytsj Sjewtsjenko | ||
| Geboortedatum | 1 Januarie 1968 | ||
| Geboorteplek | Dwirkifsjina, OeSSR, Sowjetunie | ||
| Lengte | 1,83 m[1] | ||
| Speelposisie | Aanvaller | ||
| Jeugloopbaan | |||
| 1986–1993 | Dynamo Kijif | ||
| Seniorloopbaan* | |||
| Jare | Span | Kere† | (Doele)† |
| 1993–1996 | Dynamo-2 Kijif | 51 | (16) |
| 1993–1999 | Dynamo Kijif | 117 | (60) |
| 1999–2006 | AC Milan | 208 | (127) |
| 2006–2009 | Chelsea | 48 | (9) |
| 2008–2009 | → AC Milan (leen) | 18 | (0) |
| 2009–2012 | Dynamo Kijif | 55 | (23) |
| Totaal | 497 | (235) | |
| Nasionale span | |||
| 1994–1995 | Oekraïne o/19 | 8 | (5) |
| 1994–1995 | Oekraïne o/21 | 7 | (6) |
| 1995–2012 | Oekraïne | 111 | (48) |
| Spanne bestuur | |||
| 2016–2021 | Oekraïne | ||
| 2021–2022 | Genoa | ||
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Andrij Mykolajowytsj Sjewtsjenko (Oekraïens: Андрій Миколайович Шевченко; gebore 29 September 1976) is ’n voormalige Oekraïense sokkerspeler en afrigter, en tans ’n sportadministrateur. Sjewtsjenko word algemeen beskou as een van die grootste aanvallers in sokkergeskiedenis, en as Oekraïne se beste speler van alle tye.[2][3] Hy is die topdoelskieter in Oekraïne se nasionale span se geskiedenis met 48 doele.[4]
Hy het sy professionele loopbaan in 2004 by Dynamo Kijif begin, waar hy vyf agtereenvolgende ligatitels en drie nasionale bekers gewen het. Daarna het hy na AC Milan in Italië oorgegaan, waar hy hom gevestig het as een van Europa se topaanvallers. Met Milan het hy die Serie A in 2004 gewen, en ook die UEFA Champions League in 2003. Hy het ook die eindstryd gehaal in 2005 en 2008. Tydens sy tyd in Italië het hy 175 doele vir Milan aangeteken — die tweede meeste in die klub se geskiedenis — en is hy die topdoelskieter van die Derby della Madonnina teen Inter met 14 doele.
In 2006 het hy by Chelsea aangesluit, waar hy in sy eerste seisoen beide die FA-beker en die Ligabeker gewen het. Hy het later op lening teruggekeer na Milan, en daarna weer by Dynamo Kijif aangesluit, waar hy sy loopbaan afgesluit het.
Internasionaal het Sjewtsjenko as kaptein van Oekraïne opgetree, en het hy die land gelei na die kwartfinaal van hul eerste Wêreldbeker in 2006. Hy het ook aan Europese Kampioenskap in 2012 deelgeneem, wat mede in Oekraïne aangebied is. Hy is in 2005 ingesluit in die FIFA World XI, en het in 2004 die Ballon d'Or gewen. In daardie jaar is hy ook benoem as een van FIFA se 125 grootste lewende sokkerspelers tydens hul 100-jaarviering.[5]
Met 67 doele is Sjewtsjenko die 7de topskieter in alle UEFA-klubkompetisies.
In 2012 het hy uit sokker getree om politiek toe te tree. Hy het aan die Oekraïense parlementsverkiesing deelgeneem, maar sy party het geen setels verower nie.[6][7] Hy het in 2016 teruggekeer na sokker as assistent-afrigter van die Oekraïense nasionale span, en is kort daarna as hoofafrigter aangestel. Onder sy leiding het Oekraïne die kwartfinaal van die Europese Kampioenskap in 2021 gehaal.
In 2022 is hy verkies as Visepresident van die Oekraïense Olimpiese Komitee, maar het dié rol in Januarie 2023 verlaat weens verskille met die nuwe president se verkiesing.[8] In Januarie 2024 is Sjewtsjenko verkies as President van die Oekraïense Sokkervereniging.[9][10]
Verwysings
[wysig | wysig bron]- ↑ "Andriy Shevchenko: Overview". Premier League. Geargiveer vanaf die oorspronklike op 3 Mei 2022. Besoek op 6 Junie 2020.
- ↑ "The 30 greatest strikers of all time - ranked". 90 Min (in Engels). 25 Mei 2021. Geargiveer vanaf die oorspronklike op 24 Junie 2021. Besoek op 25 Mei 2021.
- ↑ "Ranking the Top 60 Strikers of All Time". Bleacher Report (in Engels). Geargiveer vanaf die oorspronklike op 28 Februarie 2021. Besoek op 30 November 2021.
- ↑ "All time top goal scorers of the football team of Ukraine 2021". Statista (in Engels). Geargiveer vanaf die oorspronklike op 30 Oktober 2023. Besoek op 8 April 2022.
- ↑ "Pele's list of the greatest". BBC Sport. 4 Maart 2004. Geargiveer vanaf die oorspronklike op 3 Maart 2015. Besoek op 15 Junie 2013.
- ↑ "Ukraine's Ultranationalists Show Surprising Strength at Polls". The New York Times. 8 November 2012.
- ↑ "Proportional votes" (in Oekraïens). Central Electoral Commission of Ukraine. Geargiveer vanaf die oorspronklike op 30 Oktober 2012. Besoek op 14 November 2012.
- ↑ "NOC excluded Surkis, Shufrych, Shevchenko and Belenyuk from its composition". Ukrainska Pravda (in Ukrainian). 13 Januarie 2022. Geargiveer vanaf die oorspronklike op 13 Januarie 2023. Besoek op 13 Januarie 2023.
{{cite web}}: AS1-onderhoud: onerkende taal (link) - ↑ "Ex-striker Shevchenko elected Ukraine FA president". Reuters. 25 Januarie 2024. Besoek op 21 Maart 2024.
- ↑ "President of Ukrainian Association of Football". en.uaf.ua. Geargiveer vanaf die oorspronklike op 21 Maart 2024. Besoek op 21 Maart 2024.
