Anfield
| Anfield | ||
.jpg)
| ||
| Ligging | Liverpool, Engeland | |
|---|---|---|
| Koördinate | 53°25′51″N 2°57′39″W / 53.43083°N 2.96083°W | |
| Eienaar | Liverpool FC | |
| Operateur | Liverpool FC | |
| Kapasiteit | 61 276 | |
| Oppervlak | Gras | |
| Konstruksie | ||
| Gebou | 1884 | |
| Geopen | 1884 | |
| Renovasie | 1895, 1903, 1906, 1928, 1957, 1963, 1973, 1982, 1992, 1994, 1998, 2014–2016, 2021–2024 | |
| Huurders | ||
| Everton FC (1884–1892) Liverpool FC (1892–hede) | ||
Anfield is 'n sokkerstadion in Liverpool, Engeland. Dit is die tuisveld van Liverpool FC sedert die klub se stigting in 1892. Die stadion het 'n kapasiteit van 61 276 toeskouers en is een van die mees ikoniese sokkervelde ter wêreld.
Anfield is oorspronklik in 1884 gebou en was aanvanklik die tuiste van Everton FC tot 1892, toe 'n geskil met die stadion se eienaar, John Houlding, daartoe gelei het dat Everton na Goodison Park geskuif het. Houlding het toe Liverpool FC gestig, wat sedertdien Anfield as hul tuisveld gebruik.[1][2]
Die Spion Kop, beter bekend as The Kop, is een van die mees ikoniese tribune in sokker. Dit is vernoem na Spioenkop, 'n heuwel in Suid-Afrika waar 'n bloedige geveg tydens die Tweede Anglo-Boereoorlog in 1900 plaasgevind het (Slag van Spioenkop). In 1906, toe Anfield deur die beroemde argitek Archibald Leitch herbou is, het die staanplek aan die einde van Walton Breck Road 'n besonder steil helling gehad, wat soos die Spioenkop-heuwel gelyk het. As gevolg van die vergelykings het die Liverpool Echo se sportredakteur, Ernest Edwards, die staanplek geëtiketteer met wat sy ikoniese naam sou word, ter nagedagtenis aan die gesneuwelde kamerade in die geveg.[3][4]
The Kop is bekend vir sy passievolle ondersteuners en is 'n belangrike deel van Anfield se legendariese atmosfeer. As gevolg van 'n ramp by die Hillsborough-stadion in Sheffield in 1989 waarin 97 Liverpool-aanhangers gesterf het, is The Kop sedert 1994 bedek met sitplekke. Liverpool-aanhangers staan egter steeds op The Kop tydens wedstryde.[5]
Verwysings
[wysig | wysig bron]- ↑ "Terrace History: Anfield, tracing the history of Liverpool's iconic stadium". The Terrace Apparel. Besoek op 15 Maart 2025.
- ↑ "Anfield's 140-year evolution: From muddy embankments to 61,000 capacity". This Is Anfield. Besoek op 15 Maart 2025.
- ↑ "125 years on: The story of the Spion Kop". Liverpool FC. 25 Januarie 2025. Geargiveer vanaf die oorspronklike op 25 Januarie 2025. Besoek op 15 Maart 2025.
- ↑ "How a battlefield disaster gave Liverpool's Kop its name". MerseySportLive. 19 Februarie 2025. Geargiveer vanaf die oorspronklike op 19 Februarie 2025. Besoek op 15 Maart 2025.
- ↑ "The Kop's last stand – 30 years since Anfield's "carnival atmosphere" farewell". This Is Anfield. Besoek op 15 Maart 2025.
Eksterne skakels
[wysig | wysig bron]
Wikimedia Commons het meer media in die kategorie Anfield.
