Angela Gheorghiu

in Wikipedia, die vrye ensiklopedie
Angela Gheorghiu
Gheorghiu as Floria Tosca by die San Francisco Opera, November 2012
Gebore
Angela Burlacu

7 September 1965 (1965-09-07) (58 jaar oud)
BeroepOperasangeres (sopraan)
EggenootAndei Gheorghiu
Roberto Alagna (1996 -2013)
Webwerfhttp://www.angelagheorghiu.com/

Angela Gheorghiu (Roemeense uitspraak: anˈd͡ʒela ɡe̯orˈɡi.u; née Burlacu; gebore op 7 September 1965) is 'n Roemeense sopraan.[1]

Sy het sedert haar professionele debuut in 1990 die voorste rolle in verskeie operas gesing by liggings soos New York se Metropolitan Opera, London se Royal Opera House, die Weense Staatsopera, Milaan se La Scala en vele ander operahuise in Europa en die Verenigde State. Sy beskik oor 'n aansienlike diskografie wat hoofsaaklik met EMI Classics en Decca Records opgeneem is, en is veral bekend om haar opvoerings van operas deur Puccini.

Vroeë lewe[wysig | wysig bron]

Gheorghiu is in 1965 gebore in Adjud, Roemenië. Sy het saam met haar suster Elena Dan van vroeg af operamusiek gesing. [2] Op die ouderdom van 14 begin Gheorghiu sang te studeer aan die Nasionale Universiteit van Musiek in Boekarest, hoofsaaklik onder Mia Barbu. Sy gradueer in 1990 na die omverwerping van Nicolae Ceaușescu, wat haar in staat stel om onmiddellik 'n internasionale loopbaan na te jaag. Haar professionele operadebuut vind in 1990 plaas by die Cluj-Napoca Roemeense Nasionale Opera in die rol van Mimi in Puccini se La bohème, dieselfde jaar waarin sy derde prys tydens die Belvedere Internasionale Kompetisie wen. [3]

Loopbaan[wysig | wysig bron]

1990's & 2000's[wysig | wysig bron]

Gheorghiu maak haar internasionale debuut in 1992 by die Royal Opera House as Zerlina in Don Giovanni. [4]Sy debuteer by die Weense Staatsopera as Adina in L'elisir d'amore en by die Metropolitan Opera as Mimì in La bohème.[5] In 1994 het sy 'n oudisie gehad met die dirigent Georg Solti vir 'n nuwe produksie van La traviata by die Royal Opera House. Haar debuut as Violetta het haar internasionale roem besorg. Sy verskyn in 1998 weer by die Met vir ses opvoerings van Gounod se Roméo et Juliette saam met haar man, die tenoor Roberto Alagna, in die rol van Roméo. Sy het ook in 1999 tydens die Richard Tucker Opera Gala gesing. [6]

Gheorghiu en Alagna keer in 1999 terug na die Metropolitan Opera vir vyf opvoerings van Donizetti se L'elisir d'amore en vir vier opvoerings van Faust in 2003. Gheorghiu het ook in 2000 by die Met die rol van Liù vertolk in Puccini se Turandot; as Violetta in La traviata teenoor Jonas Kaufmann in 2006 en 2007; as Amelia in Verdi se Simon Boccanegra in 2007; as Mimì in La bohème in 2008; as Magda in die 2008/2009 seisoen in 'n mede-produksie van La rondine deur die Royal Opera House en die San Francisco Opera; [7] wat die eerste keer sedert 1936 was dat die Met die opera opgevoer het; en in die 2009/2010 seisoen verskyn sy as Violetta, en vervang daarmee haar vorige rol as Marie Antoinette, in 'n seldsame herlewing van John Corigliano se The Ghosts of Versailles, wat as gevolg van die resessie vervang is.

Gheorghiu se repertorium bestaan uit verskeie rolle, naamlik die van Violetta, Mimì, Magda in La rondine, Adina en Juliette in Roméo et Juliette. In 2003 debuteer sy as Nedda in Pagliacci en as Marguerite in Faust. As sopraan wat daartoe in staat is om 'n groot verskeidenheid rolle te sing, en wat oor 'n donker stem beskik, [8] is sy egter ook daartoe in staat om spinto sopraanrolle te sing. Sy het in 2006 haar eerste opvoering van die opera Tosca in die Royal Opera House, Covent Garden, gegee. Die opvoering was 'n fenomenale sukses, maar omdat die beroemde Zeffirelli produksie van 1964 vervang is deur 'n nuwe produksie (wat met haar begin is), was daar 'n vergelyking tussen die Toscas van Gheorghiu en Maria Callas, vir wie die Zeffirelli-produksie ontwerp is.

In Desember 2000 vertolk Gheorghiu die titelrol in die 2001 rolprent Tosca, met regie deur Benoit Jacquot, saam met Roberto Alagna en Ruggero Raimondi . [9] Een jaar later, in 2002, vertolk Gheorghiu die rol van Juliette in die rolprent Roméo et Juliette, saam met Roberto Alagna en Tito Beltrán, wat ook vrygestel is op DVD. [10]

In November 2007 maak Gheorghiu haar debuut by die San Francisco Opera, en ontvang gunstige resensies vir haar vertolking van Magda in La rondine, welke rol sy ook opgevoer het en die eerste opvoering van gegee het op 7 Mei 2002 in die Royal Opera House in Londen. [11][12]

Op 20 Junie 2008 het sy tydens die Met Summer-konsert in Prospect Park, Brooklyn, New York, opgetree. [13] In Oktober het sy gesing tydens 'n Gedenkkonsert vir Luciano Pavarotti in Petra, waar sy ook 'n onkonvensionele duet van "Là ci darem la mano" uit Mozart se Don Giovanni saam met Sting gesing het. [14][15]

Op 31 Desember 2008 het Gheorghiu die eerste opvoering van die nuwe produksie van La rondine by die Metropolitan Opera gesing saam met Roberto Alagna, Marius Brenciu, Lisette Oropesa en Samuel Ramey. Die opera is meer as 70 jaar gelede laas daar opgevoer. Sy het 'n paar gunstige resensies vir haar vertolking van Magda ontvang: "Gheorghiu is die verpersoonliking van die rol, beide as aktrise en as sangeres, met haar oorvloedige natuurlike charisma." [16]

2010's[wysig | wysig bron]

In November 2010 het Gheorghiu haar buiging in 'n nuwe produksie van Cilea se Adriana Lecouvreur in Covent Garden se Royal Opera House gemaak met kritiese sukses.[17][18]

In Julie 2011 het Gheorghiu die titelrol in Tosca gesing in die Royal Opera House onder leiding van Antonio Pappano wat op DVD en BluRay uitgereik is, en die daaropvolgende September was sy terug vir die herlewing van Faust, wat regoor die wêreld regstreeks in teaters uitgesaai is. In April 2012 verskyn sy vir die eerste keer in die Teatro Colón in Buenos Aires in 'n konsert bestaande uit dette met Roberto Alagna. [19]

In Februarie 2012 was Gheorghiu die spesiale gas tydens die Weense Operabal, waar sy begelei is deur die dirigent Georges Prêtre en die orkes van die Weense Staatsopera. [20]

In Junie 2012 het sy 20 jaar sedert haar debuut op die verhoog van die Royal Royal House in Londen gevier, deur te sing in La bohème saam met Roberto Alagna. In Julie 2012 het sy haar eerste meesterklas gehou by die Georg Solti Accademia in Castiglione della Pescaia, Italië. Sy het in 2016 teruggekeer na Toskane vir 'n tweede meesterklas by die Georg Solti Accademia. [21] In November 2012 het sy teruggekeer na die San Francisco Opera om te sing in 'n opvoering van Puccini se Tosca.

Gheorghiu het in Desember 2014 na die Met teruggekeer om die rol van Mimì te sing in La bohème tot kritiese lof en erkenning, saam met Michael Fabiano. [22]

In Maart 2015 debuteer sy as Charlotte in Massenet se Werther by die Weense Staatsopera tot kritiese lof. [23]Sy het ook die rol van Charlotte in Augustus tydens die Salzburg-fees met groot sukses gesing tydens 'n konsert. [24]In Julie het Gheorghiu haar debuut tydens die Verbier-fees gemaak saam met die kitaarspeler Miloš Karadaglić in 'n spesiale opvoering by Die Église. [25]

In Oktober 2015 het Gheorghiu vir die eerste keer in Australië verskyn en opgetree tydens twee uitsonderlike galakonserte in die Sydney Operahuis en in Hammer Hall, Arts Centre, Melbourne. [26][27][28]Later daardie maand het sy vir die eerste keer Tosca by die Metropolitan Opera opgevoer in die Luc Bondy produksie, met uitstekende resensies. [29][30] Tussen haar twee Tosca-opvoerings het sy gesing tydens die Richard Tucker Opera Gala by die David Geffen-saal wat op 5 Februarie 2016 uitgesaai is. [31]

In November 2015 het Gheorghiu gesing tydens die Elena Obraztsova Operabal by die Bolsjoi-teater in Moskou, Rusland. [32] Op 29 November het Gheorghiu opgetree tydens 'n humanitêre konsert wat in samewerking met die George Enescu Filharmoniese Orkes en koor en die dirigent Tiberiu Soare by die Roemeense Athenaeum georganiseer is om fondse in te samel vir die slagoffers van die Colectiv nagklubbrand. [33] In Desember het Gheorghiu saam met Ramón Vargas en Ghiță Petean gesing tydens 'n galakonsert by Opéra de Monte-Carlo. Al die opbrengste uit hierdie konsert het aan die Fondo Memorial Eduardo Vargas gegaan, ter nagedagtenis van die oorlede seun van die tenoor. [34]

In 2016 het Gheorghiu teruggekeer in die titelrol van Puccini se Tosca by die Royal Opera House wat met kritiese lof ontvang is. [35][36][37][38] Gheorghiu was geskeduleer om in 5 opvoerings te verskyn, maar het in totaal in 7 opvoerings gesing.[39] Sy het ook teruggekeer as Tosca by die Wiener Staatsoper saam met Jonas Kaufmann en Bryn Terfel [40] in April 2016. In September 2016 het Gheorghiu tydens 'n opvoering van Tosca by die Staatsoper Berlin gesing tot harde en langdurige ovasies. [41]

2017 was die 25ste jaar sedert Gheorghiu se internasionale debuut plaasgevind het in die Royal Opera House in 1992. [42] Sy het daar gesing in die opera Adriana Lecouvreur in Februarie 2017. [43] In Oktober daardie jaar het sy haar debuut gemaak by die Teatro Massimo in Palermo, weereens in die rol van Adriana Lecouvrer. [44]

Spesiale opvoerings[wysig | wysig bron]

Gheorghiu het in Desember 1999 tydens die heropeningsgala van die Covent Garden Royal Opera House [45] en die Teatro Malibran in Venesië in 2001 gesing. In 2002 het sy tydens die Prom by the Palace, ter viering van die goue jubileum van Elizabeth II gesing. In 2005 het sy gesing tydens die opening van die nuwe Operahuis in Valencia in die teenwoordigheid van koningin Sofia van Spanje, en tydens koningin Beatrix se jubilee gala in Amsterdam.

In 2009 is sy genooi om te sing ter ere van Grace Bumbry tydens die 32ste jaarlikse Kennedy sentrum eerbewyse, waar sy Vissi d'arte uit Puccini se Tosca in die teenwoordigheid van Barack Obama gesing het. [46]

In 2012 was Gheorghiu die eregas tydens die Londense Royal Opera House-gala, wat gereël is om fondse in te samel vir die Royal Opera House-stigting, wat deur koningin Elizabeth II bygewoon is.[47]

In Mei 2013 het sy die Roemeense volkslied, "Deșteaptă-te române!", opgevoer op die dag toe die Vlag van Roemenië die Guinness World Records betree het as die "wêreld se grootste vlag". [48]

Pryse en eerbewyse[wysig | wysig bron]

Gheorghiu het in 2001 en 2010 die titel verower vir "vroulike kunstenaar van die jaar" tydens die Classic Brit-toekennings. [49]

Die EMI opname van Jules Massenet se Manon met Gheorghiu in die titelrol het die 2001 Gramophone-toekenning gewen vir "Beste opera-opname" en is genomineer vir "Beste opera-opname" tydens die Grammy-toekennings in 2002. [50][51] Die EMI-opname van Tosca, met Gheorghiu, Roberto Alagna en Ruggero Raimondi in die titelrolle, het aan haar die Deutscher Schallplattenpreis in 2002 besorg. [52]In 2004 het Gheorghiu die "Victoires de la musique classique"-prys gewen vir die beste opera-opname vir Bizet se Carmen wat uitgereik is deur EMI Classics. [53]

Gheorghiu het 5 Gramophone-toekennings gewen, waarvan die mees onlangse toekenning vir Madama Butterfly in 2009 is. [54] Sy het ook Gramophone-toekennings in 1997 gewen vir Puccini se La rondine (Rekord van die jaar), [55] in 2000 vir haar album "Verdi Heroines" (Decca Records): beste opvoering, asook Classic FM se "People's Choice"-toekenning in 2000 en 2001. [56][57] In 2002 verower Gheorghiu die Echo Klassik-toekenning vir "Vrouesanger van die jaar". [58] Sy het ook Diapason d'Or-toekennings, die "Choc du Monde de la Musique" in Frankryk, die Cecilia-prys in België, die Italiaanse "Musica e dischi", die "Foreign Lyric Production"-toekenning en die Amerikaanse Critics'-toekenning gewen.

Sy is vereer met die ligpers medalje van die stad van Parys, en is aangestel as offisier en "chevalier" van die Ordre des Arts et des Lettres deur die Franse Ministerie van Kultuur [59]

In Desember 2010 is Gheorghiu aangewys as Doctor Honoris Causa deur die George Enescu Nasionale Universiteit vir die Kunste [60] en ontvang sy die orde van die ster van Roemenië. [61] In Oktober 2012 het Gheorghiu die Nihil Sine Deo koninklike-dekorasie ontvang vanaf koning Michael I, ter erkenning van haar bydrae tot die wêreldwye bevordering van die Roemeense kultuur. [62] In 2013 is die DVD van Adriana Lecouvreur vrygestel deur Decca Records, waarin Gheorghiu die titelrol vertolk wat die Internasionale Klassieke Musiek-toekennings vir die beste DVD-opvoering gewen het. [63]

In Mei 2014 is Gheorghiu opgeneem in die Gramophone Hall of Fame [64] wat die invloedrykste en mees inspirerende opnames deur mans en vroue ter bevordering van die opname van klassieke musiek vier. [65] In Oktober 2014 het Gheorghiu die eretitel van Doctor Honoris Causa ontvang vanaf die Gheorghe Dima Musiekakademie in Cluj-Napoca. [66] In Oktober 2015 is Gheorghiu met die Europese Kultuurtoekenning vereer tydens 'n spesiale galaseremonie in Dresden. [67][68]

In Mei 2017 het sy die titel Doctor Honoris Causa vanaf die Universiteit van Boekarest ontvang. [69] In 2018 ontvang sy die Victoire d'Honneur-toekenning in die "Victoires de la musique classique" [70] en die Premio Puccini toekenning van die Stigting Puccini-fees in Desember. [71] In Maart 2019 ontvang sy die Global Star-toekenning tydens die BraVo Internasionale Professionele Musiek-toekennings, tydens 'n seremonie by die Bolsjoi-teater. [72]

Opnames[wysig | wysig bron]

Die hoofartikel vir hierdie afdeling is: Diskografie van Angela Gheorghiu.

Publikasies[wysig | wysig bron]

  • Gheorghiu, Angela; Tolansky, Jon (4 September 2018). Angela Gheorghiu: A Life for Art. University Press of New England. ISBN 978-1-6116-8912-9.[73]

Verwysings[wysig | wysig bron]

  1. ↑ John Warrack and Ewan West, 'Gheorghiu, Angela', The Concise Oxford Dictionary of Opera, Oxford University Press, 1996; Nicolas Slonimsky and Laura Diane Kuhn, Baker's Biographical Dictionary of Musicians, Gale Group, 2001, bl. 1264; David M. Cummings, "Gheorghiu, Angela", International Who's Who in Classical Music, Routledge, 2003, bl. 274
  2. ↑ "Roberto Alagna – People Magazine 21 Junie 1999". www.jcarreras.homestead.com. Geargiveer vanaf die oorspronklike op 3 Maart 2016.
  3. ↑ "Belvedere-Competition: Winners". www.belvedere-competition.com. Geargiveer vanaf die oorspronklike op 10 Julie 2019.
  4. ↑ Biography on Official website (2004) Geargiveer 28 Augustus 2008 op Wayback Machine
  5. ↑ "Biography of Angela Gheorghiu". The Metropolitan Opera. Geargiveer vanaf die oorspronklike op 5 September 2012. Besoek op 14 November 2019.
  6. ↑ "Richard Tucker Opera Gala Hosted By Placido Domingo, The 1999 Overview". Turner Classic Movies (in Engels). Geargiveer vanaf die oorspronklike op 24 April 2020.
  7. ↑ Thicknesse, Robert (11 Junie 2004). "The angel comes down to earth". The Times (in Engels). Geargiveer vanaf die oorspronklike op 26 Oktober 2019. Besoek op 26 Oktober 2019.
  8. ↑ Crory, Neil (2005) "Recommended CD Recordings: Puccini: Angela Gheorghiu" Opera Canada 46(2): bl. 47
  9. ↑ Tosca (2001) op IMDb
  10. ↑ Roméo et Juliet op IMDb
  11. ↑ Joshua Kosman, "Gheorghiu's debut worth the wait in Opera's La rondine", San Francisco Chronicle, 2007-11-09. Opgespoor op 2008-06-03.
  12. ↑ Rowe, Georgia (13 November 2007). "Angela Gheorghiu is the wind beneath the wings of La rondine". Oakland Tribune (in Engels). Geargiveer vanaf die oorspronklike op 26 Oktober 2019. Besoek op 26 Oktober 2019.
  13. ↑ Wakin, Daniel J. (20 Junie 2008). "Arias Prospect Park, Met Stars Included" (in Engels). Geargiveer vanaf die oorspronklike op 26 Oktober 2019. Besoek op 26 Oktober 2019.
  14. ↑ Etefa, Abeer (13 Oktober 2008). "Friends pay musical tribute to Pavarotti in ancient city of Petra" (in Engels). Petra, Jordan: UN Refugee Agency. Geargiveer vanaf die oorspronklike op 26 Oktober 2019.
  15. ↑ "Sting Angela Gheorghiu Photostream".
  16. ↑ Fruehauf, Rosemarie, "The Met's La rondine Charms" Geargiveer 21 Oktober 2013 op Wayback Machine, The Epoch Times, 15- 21 Januarie, 2009
  17. ↑ Christiansen, Rupert (19 November 2010). "Adriana Lecouvreur, Royal Opera House, London, review". The Telegraph (in Engels). Londen. Geargiveer vanaf die oorspronklike op 1 Oktober 2019.
  18. ↑ Pritchard, Stephen (21 November 2010). "Adriana Lecouvreur; Tansy Davies – review". The Observer (in Engels). Londen. Geargiveer vanaf die oorspronklike op 20 Januarie 2018.
  19. ↑ "Angela Gheorghiu to perform on Buenos Aires' Colon Teatro stage in premiere, together with Roberto Alagna". Bucharest Herald (in Engels). 9 April 2012. Geargiveer vanaf die oorspronklike op 14 April 2012.
  20. ↑ "Glanz und Glamour beim Opernball" [Glitz and glamor at the Opera Ball] (in Duits). ORF. 17 Februarie 2012. Geargiveer vanaf die oorspronklike op 12 Januarie 2017.
  21. ↑ "2016 Bel Canto Masterclasses" (in Engels). 8 September 2015. Geargiveer vanaf die oorspronklike op 24 April 2020.
  22. ↑ Jorden, James (18 Desember 2014). "Winter Surprises at the Met: A Star is Born and a Stunning Voice Returns". The New York Observer (in Engels). Geargiveer vanaf die oorspronklike op 18 November 2018.
  23. ↑ "Aufwühlender Seelenschmerz". bachtrack.com (in Duits). Geargiveer vanaf die oorspronklike op 1 Mei 2020.
  24. ↑ Weidringer, Walter (16 Augustus 2015). "Festspiele: Werther als höherer Naturbursch". Die Presse (in Duits). Geargiveer vanaf die oorspronklike op 26 Oktober 2019. Besoek op 26 Oktober 2019.
  25. ↑ "A truly mountainous event". www.Classical-Music.com (in Engels). Geargiveer vanaf die oorspronklike op 24 April 2020.
  26. ↑ Paget, Clive (8 Oktober 2015). "Review: Angela Gheorghiu (4D-International)". Limelight (magazine) (in Engels). Geargiveer vanaf die oorspronklike op 20 Augustus 2017.
  27. ↑ Parris, Simon (14 Oktober 2015). "An Evening with Angela Gheorghiu review [Melbourne]". Simon Parris: Man in Chair (Review) (in Engels). Geargiveer vanaf die oorspronklike op 24 Februarie 2019.
  28. ↑ "Angela Gheorghiu in Melbourne". Eventful (in Engels). Geargiveer vanaf die oorspronklike op 1 Mei 2020.
  29. ↑ Corwin, Christopher (30 Oktober 2015). "Veiled threat". Parterre Box (in Engels). Geargiveer vanaf die oorspronklike op 20 November 2017.
  30. ↑ Salazar, David (3 November 2015). "Metropolitan Opera Review 2015-16- 'Tosca:' Angela Gheorghiu Rivets With Complex Portrayal of Title Role". Latin Post (in Engels). Geargiveer vanaf die oorspronklike op 21 Augustus 2017.
  31. ↑ Lincoln Center for the Performing Arts (2016-01-08). "Live From Lincoln Center Presents "From Bocelli to Barton: Die Richard Tucker Opera Gala", 5 Februarie 2015". Persberig. http://www.aboutlincolncenter.org/press-room/release/901?category_id=18. 
  32. ↑ Geodakyan, Artyom (9 November 2015). "Romanian soprano Angela Gheorghiu attends a press conference on the Elena Obraztsova Opera Ball gala concert". Alamy.com (in Engels). Moscow. Geargiveer vanaf die oorspronklike op 20 Augustus 2017.
  33. ↑ "Romanian soprano Angela Gheorghiu holds concert to benefit Colectiv victims". www.citycompass.ro (in Engels). Geargiveer vanaf die oorspronklike op 20 Augustus 2017.
  34. ↑ "Angela Gheorghiu evoluează în Gala de Operă Monte Carlo". Radio România Muzical (in Roemeens). Geargiveer vanaf die oorspronklike op 24 April 2020.
  35. ↑ Hartston, William (13 Januarie 2016). "Opera Review: Tosca at the Royal Opera House" (in Engels). Geargiveer vanaf die oorspronklike op 1 Mei 2020.
  36. ↑ "Review: Tosca, Royal Opera House". 11 Januarie 2016.
  37. ↑ Ashley, Tim (11 Januarie 2016). "Tosca review – an exceptionally intelligent evening" (in Engels). Geargiveer vanaf die oorspronklike op 24 April 2020 – via The Guardian.
  38. ↑ "Puccini : Tosca / Royal Opera, 9th January 2016" (in Engels). 11 Januarie 2016. Geargiveer vanaf die oorspronklike op 20 Augustus 2017.
  39. ↑ "ROH cast amendment: Angela Gheorghiu replaces Amanda Echalaz as Tosca" (in Engels). www.classicalsource.com. Geargiveer vanaf die oorspronklike op 10 Junie 2020.
  40. ↑ "Archived copy" (in Engels). Geargiveer vanaf die oorspronklike op 7 Januarie 2017. Besoek op 6 Januarie 2017.{{cite web}}: CS1 maint: archived copy as title (link)
  41. ↑ "Staatsoper's Well Judged Tosca Makes a Strong Impression". Seen and Heard International (Review) (in Engels). 22 September 2016. Geargiveer vanaf die oorspronklike op 1 Mei 2020.
  42. ↑ "Angela Gheorghiu (Soprano) – Short Biography". www.bach-cantatas.com.
  43. ↑ "Adriana Lecouvreur – Productions – Royal Opera House". www.roh.org.uk (in Engels). Geargiveer vanaf die oorspronklike op 1 Mei 2020.
  44. ↑ "Debutta domani Adriana Lecouvreur con un cast di star". Teatro Massimo Palermo (in Italiaans). Geargiveer vanaf die oorspronklike op 30 September 2018. Besoek op 30 September 2018.
  45. ↑ Lister, David (2 Desember 1999). "Out front, everything at the Royal Opera looks lovely, but behind the scenes..." The Independent (in Engels). Geargiveer vanaf die oorspronklike op 26 Oktober 2019. Besoek op 26 Oktober 2019.
  46. ↑ Torrance, Kelly Jane Kennedy Center honorees reflect America's diversity, The Washington Times, 7 Desember 2009
  47. ↑ "Two Romanians perform for Queen Elizabeth II at Royal Opera House gala". Romania Insider (in Engels). 31 Oktober 2012. Geargiveer vanaf die oorspronklike op 13 Mei 2020.
  48. ↑ "Marea soprană Angela Gheorghiu interpretează imnul României, în ziua în care am intrat în Cartea Recordurilor cu cel mai mare drapel din lume" (in Roemeens). Antena 3. 27 Mei 2013.
  49. ↑ Angela Gheorghiu won Classical Brit Award in 2010 Geargiveer 31 Desember 2010 op Wayback Machine
  50. ↑ 2002 Grammy Nominees Geargiveer 12 September 2008 op Wayback Machine, Grammy Award Spotlight, CNN. Neem kennis dat die Grammy-toekennings prestasies deur musici wat uit die vorige jaar dateer, erken.
  51. ↑ Paul Cutts Alagna scores second Gramophone Awards success, Gramophone, 19 Oktober 2001.
  52. ↑ Deutscher Schallplattenpreis Geargiveer 22 Julie 2011 op Wayback Machine Details oor die prys
  53. ↑ "Les Victoires de la Musique Classique". www.france3.fr (in Frans). Geargiveer vanaf die oorspronklike op 6 Februarie 2017. Besoek op 14 November 2019.
  54. ↑ "Angela Gheorghiu". www.gramophone.co.uk (in Engels). Geargiveer vanaf die oorspronklike op 1 Mei 2020.
  55. ↑ "1997 Gramophone Awards". www.infoplease.com (in Engels). Geargiveer vanaf die oorspronklike op 23 Augustus 2000. Besoek op 14 November 2019.
  56. ↑ "2000 Gramophone Awards". www.infoplease.com (in Engels). Geargiveer vanaf die oorspronklike op 13 Januarie 2017.
  57. ↑ "2001 Gramophone Awards". www.infoplease.com (in Engels). Geargiveer vanaf die oorspronklike op 13 Januarie 2017.
  58. ↑ ZDF (26 Junie 2002). "Preisträger "Echo Klassik 2002" bekannt gegeben". Persberig. https://www.presseportal.de/pm/7840/360419. 
  59. ↑ "Biography on official website" (in Engels). Geargiveer vanaf die oorspronklike op 13 Januarie 2014. Besoek op 30 Junie 2019.
  60. ↑ Cantir, Victoria (7 Desember 2010). "Angela Gheorghiu si Costin Miereanu vor primi titlul de Doctor Honoris Causa al Universitatii de Arte din Iasi" [Angela Gheorghiu and Costin Miereanu will receive the title of Doctor Honoris Causa of the University of Arts in Iasi]. Ziarul de Iasi (in Roemeens). Geargiveer vanaf die oorspronklike op 1 Mei 2020.
  61. ↑ "Angela Gheorghiu, onorată pe scena Teatrului Naţional printr-un spectacol inedit" [Angela Gheorghiu, honored on the stage of the National Theater through an unusual show]. Mediafax (in Roemeens). 31 Desember 2010. Geargiveer vanaf die oorspronklike op 30 Junie 2019.
  62. ↑ "Decorația Regala Nihil Sine Deo". Familia Regala (in Roemeens). Geargiveer vanaf die oorspronklike op 12 Februarie 2015.
  63. ↑ "Winners 2013". International Classical Music Awards (in Engels). Geargiveer vanaf die oorspronklike op 11 April 2019. Besoek op 30 Junie 2019.
  64. ↑ "Angela Gheorghiu, Radu Lupu, Dinu Lipatti şi Sergiu Celibidache în Gramophone Hall of Fame!". Revista Muzicală Radio (in Roemeens). 23 Mei 2014. Geargiveer vanaf die oorspronklike op 20 Augustus 2017. Besoek op 14 November 2019.
  65. ↑ McCarthy, James (20 Mei 2013). "Gramophone Hall of Fame". www.gramophone.co.uk (in Engels). Geargiveer vanaf die oorspronklike op 3 Mei 2019.
  66. ↑ "Soprana Angela Gheorghiu a devenit de astăzi Doctor Honoris Causa al Academiei de Muzică" [Soprano Angela Gheorghiu became today Doctor Honoris Causa of the Academy of Music]. Clujulcultural.ro (in Roemeens). 3 Oktober 2014. Geargiveer vanaf die oorspronklike op 1 Mei 2020.
  67. ↑ "Europäischer Kulturpreis 2015". Europäische Kulturstiftung (in Duits). Geargiveer vanaf die oorspronklike op 25 Julie 2016.
  68. ↑ "Europäischer Kulturpreis in Dresden verliehen" [European Cultural Prize Awarded in Dresden] (in Duits). Deutsche Welle. 2 Oktober 2015. Geargiveer vanaf die oorspronklike op 30 Junie 2019.
  69. ↑ Andrei, Otilia (25 Mei 2017). "Soprana Angela Gheorghiu, distinsă de Universitatea din Bucureşti cu titlul de Doctor Honoris Causa". Adevărul (in Roemeens). Geargiveer vanaf die oorspronklike op 30 Junie 2019.
  70. ↑ "Victoires de la musique classique: hommage à Angela Gheorghiu". L'Express (in Frans). Agence France-Presse. 24 Februarie 2018. Geargiveer vanaf die oorspronklike op 30 Junie 2019.
  71. ↑ "Ad Angela Gheorghiu, celebrata soprano, il Premio Giacomo Puccini 2018". Il Messaggero (in Italiaans). 13 Desember 2018. Geargiveer vanaf die oorspronklike op 30 Junie 2019.
  72. ↑ "Romanian diva gets Global Star award from John Travolta at Bolshoi Theater". Romania Insider (in Engels). 21 Maart 2019. Geargiveer vanaf die oorspronklike op 28 April 2019.
  73. ↑ "Angela Gheorghiu: A Life for Art". Opera News. Vol. 83, no. 4. Oktober 2018. Geargiveer vanaf die oorspronklike op 28 April 2019. Besoek op 14 November 2019.

Eksterne skakels[wysig | wysig bron]

Ontsluit van "https://af.wikipedia.org/w/index.php?title=Angela_Gheorghiu&oldid=2618131"