Anglo-Boereoorlogmuseum

Die Anglo-Boereoorlogmuseum

Die Anglo-Boereoorlogmuseum (ook amptelik bekend as die Oorlogsmuseum van die Boererepublieke) in Bloemfontein is die enigste museum ter wêreld wat uitsluitlik aan die Anglo-Boereoorlog van 1899 tot 1902 gewy is. Die museum het 'n unieke kunsversameling, dioramas en uitstallings, maar help ook die besoeker om die agtergrond waarteen die oorlog plaasgevind het te verstaan Die Nasionale Vrouemonument wat aan alle vroue en kinders gewy is, is op dieselfde plek geleë en is in 1913 onthul.

Geskiedenis van die museum

Dit was die Nasionale Vrouemonument se komitee wat die idee gekry het om 'n museum, uitsluitlik toegewy aan die bewaring van die Anglo-Boereoorlog se geskiedenis en objekte, op te rig. Die rede hiervoor was dat lede van die publiek objekte vanuit die Oorlog aan die komitee begin skenk het, maar hulle het geen plek gehad om dit te stoor of om dit uit te stal. Frans Soff was die argitek wat aangestel is om die gebou te ontwerp en op 26 April 1930 is die hoeksteen van die Oorlogsmuseum deur Senator WJC Brebner gelê, saam met Eerwaarde Professor Dr. JD Kestell. Kestell het as geestelike leier opgetree tydens die Anglo-Boereoorlog vir die Boere maar ook die Britse soldate wanneer nodig en is die persoon na wie die dorp Kestell vernoem is, wat die seremonie met 'n gebed geopen het.

Op 30 September 1931 is die museum geopen deur die eerste premier van die Unie van Suid-Afrika, generaal JBM Hertzog.

Sien ook

• Nasionale Vrouemonument