Anne Mountbatten-Windsor

in Wikipedia, die vrye ensiklopedie
(Aangestuur vanaf Anne, kroonprinses)
Spring na: navigasie, soek
Prinses Anne
Princesa Ana do Reino Unido.jpg
Volle naam Anne Elizabeth Alice Louise
Eggenoot Mark Phillips
(getroud 1973, geskei 1992)
Timothy Laurence
(getroud 1992)
Kinders Peter Phillips
Zara Phillips
Titels HKH die Kroonprinses
HKH prinses Anne
HKH prinses Anne van Edinburg
Huis Windsor
Vader Prins Philip
Moeder Koningin Elizabeth
Gebore 15 Augustus 1950; Clarence House, Londen

Anne Elizabeth Alice Louise[1] (gebore 15 Augustus 1950) is die tweede kind en enigste dogter van koningin Elizabeth en prins Philip. Met haar geboorte was sy die derde aanspraakmaker op die Britse troon. Sy is een van die gewildste lede van die vorstehuis en het sowat 700 koninklike afsprake en openbare optredes per jaar.

Sy is die sewende persoon aan wie die titel "Princess Royal" toegeken is as oudste dogter van 'n Britse monarg en is bekend vir haar liefdadigheidswerk – sy is die beskermpersoon van meer as 200 organisasies. Sy is ook bekend vir haar vermoëns as perderuiter. Sy het talle medaljes gewen en is die enigste lid van die Britse vorstehuis wat al aan die Olimpiese Spele deelgeneem het, in 1976 in Montréal.

Sy is in 1973 met kapt. Mark Phillips getroud, maar is in 1992 van hom geskei en later dieselfde jaar met Timothy Laurence getroud. Sy het twee kinders, Peter en Zara, uit haar vorige huwelik met Phillips.[2]

Verwysings[wysig | wysig bron]

Hierdie artikel is merendeels ’n vertaling van die Engelse Wikipedia-artikel en:Anne, Princess Royal
  1. As 'n koninklike met 'n titel gebruik Anne nie 'n van nie, maar as dit nodig is, is haar nooiensvan Mountbatten-Windsor.
  2. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]

Commons
Wikimedia Commons het meer media verwant aan: