Anne Marshall
Anne Marshall (fl. 1661 - 1682), ook Anne Quin, was 'n toonaangewende Engelse aktrise wat tydens die era van die Engelse restorasie bedrywig was. Sy was een van die eerste generasie vroulike kunstenaars wat op die openbare toneel in Engeland verskyn het.[1]
John Downes het in sy Roscius Anglicanus (1708) berig dat Anne Marshall een van die aanvanklike groep aktrises was wat in diens was van Thomas Killigrew en sy King's Company, toe die maatskappy in 1660 die skuif na Gibbon's Tennis Court gemaak het. Anne was hoog aangeskryf vir haar rolle in tragedies, maar sy het ook rolle vertolk waarin sy 'n vrou sou speel wat as seun gekleed was. Sy is al genoem, moontlik die "eerste Engelse aktrise"; die Desdemona in die opvoering van Othello op 8 Desember 1660.[2][3] Marshall het definitief die rol van Desdemona in latere optredes vertolk. Sy het uitgeblink in gerymde heroïese tragediestukke, en "buitensporig grandiose heldinne geskep wat die gehore van die restorasie in rep en roer gehad het."[4]
Daar word vermoed dat Marshall in 1664 die rol van Zempoalla gespeel het in John Dryden en Robert Howard se samewerking getiteld The Indian Queen. Sy het na bewering 'n goeie vertoning gelewer, maar haar stem was nie so lieflik soos Mary Betteron s'n nie. Dit is bekend dat sy die volgende rolle by King's Company vertolk het:
- Celia in Ben Jonson se Volpone
- the Lady in Beaumont en Fletcher se The Scornful Lady
- Evadne in The Maid's Tragedy
- Margarita in die dramaturg John Fletcher se Rule a Wife and Have a Wife
- Edith in Rollo Duke of Normandy
- Celia in The Humorous Lieutenant
- Almeria in Dryden se The Indian Emperour
- Mrs. Double-Diligence in die dramaturg John Wilson se The Cheats
- Celestina in Sir Thomas Killigrew se The Siege of Urbin.
Anne Marshall het 'n rukkie na Junie 1665 met 'n akteur genaamd Peter Quin, oftewel Gwyn, getrou. Peter Quin is deur die polisie gesoek omdat hy sonder toestemming opgetree het. Sy het haar verhoogloopbaan as Mev. Quin voortgesit nadat teaters weer geopen het ná die plaagepidemie en die Groot Vuur van 1665 - 66. Toe sy in November 1666 teruggekeer het is sy soos 'n nuweling behandel. Sy het onderonsies met die bestuur gehad oor haar privaat kleedkamer wat oor 'n skoorsteen beskik het, en van haar weggeneem is. Sy het dit egter in Mei 1667 teruggekry. Sy het die volgende rolle vertolk:
- Candiope in Dryden se The Maiden Queen
- Aurelia in An Evening's Love
- Alizia Pearce in Roger Boyle, 1ste graaf van Orrery, se The Black Prince.
Marshall het in 1668 van die verhoog afgetree; maar sy het haar loopbaan nege jaar later hervat, hierdie keer met Duke's Company onder Thomas Betterton. Haar eerste rol met die groep was as Angelica Bianca in Aphra Behn se The Rover in Maart 1677. (Toevallig het Marshall in 1664 dieselfde rol gespeel in die mislukte slegs-vroulike produksie van Thomas Killigrew getiteld Thomaso) Sy het ook gespeel as:
- Lady Knowell in Behn se Sir Patient Fancy
- Lady Squeamish in Thomas Otway se Friendship in Fashion
- Koningin Elizabeth in die dramaturg John Banks se The Unhappy Favourite
- Sunamira in Thomas Southerne se The Loyal Brother
-; en ander rolle.[5]
Anne Marshall het 'n jonger suster genaamd Rebecca Marshall gehad wat 'n paar jaar daarna by haar suster aangesluit het by die King's Company. Sy was ook 'n bekende aktrise.[6] Hulle vader, Stephen Marshall, was 'n priester; die kapelaan van Charles Gerard, 1ste graaf van Macclesfield.[7] Samuel Pepys maak verskeie kere melding van beide Marshall susters. Die susters het minstens een keer saam in The Maiden Queen gespeel.
Verwysings[wysig | wysig bron]
- ↑ John Harold Wilson, All the King's Ladies: Actresses of the Restoration, Chicago, University of Chicago Press, 1958.
- ↑ Elizabeth Howe,The First English Actresses: Women and Drama, 1660 -1700, Cambridge, Cambridge University Press, 1992; bl. 24.
- ↑ Rosamond Gilder, Enter the Actress: The First Women in the Theatre, Boston, Houghton Mifflin, 1931; bl. 166.
- ↑ Rosamond Gilder, Enter the Actress: The First Women in the Theatre, Boston, Houghton Mifflin, 1931; bl. 167.
- ↑ Wilson, All the King's Ladies, bl. 168-70.
- ↑ J. H. Wilson, "The Marshall Sisters and Anne Quin," Notes and Queries, New Series, Vol. 4 (Maart 1957), bl. 104-6.
- ↑ Deborah Payne Fisk, "The Restoration Actress," in: A Companion to Restoration Drama, Susan Owen, red., Londen, Blackwell, 2001; bl. 75.