Anneline Kriel

in Wikipedia, die vrye ensiklopedie
Jump to navigation Jump to search
Anneline Kriel
Gebore 28 Julie 1955 (1955-07-28) (63 jaar oud)
Plek Witbank, Suid-Afrika
Nasionaliteit Suid-Afrikaans
Alma mater Universiteit van Pretoria
Loopbaan
Titel(s) Mej. Suid-Afrika 1974
Mej. Wêreld 1974
Haarkleur Blond
Oogkleur Groen
Persoonlike gegewens
Gade Sol Kerzner (1980-1985)
Phillip Tucker (1989-1994)
Peter Bacon
Kinders Witney
Tayla[1]

Anneline Kriel is ’n Suid-Afrikaanse model, aktrise en skoonheidskoningin. Sy het in 1974 op 19-jarige ouderdom Mej. Wêreld geword nadat die Verenigde Koninkryk se Helen Morgan bedank het net vier dae ná haar kroning. Anneline was Suid-Afrika se tweede Mej. Wêreld naas Penny Coelen-Rey.

Sy het in verskeie Afrikaanse produksies gespeel,[2] asook in die internasionale rolprent Kill and Kill Again.[3]

Loopbaan[wysig | wysig bron]

Anneline was net 19 jaar oud toe sy Mej. Wêreld 1974 word. Dit was ’n onstuimige tyd in Suid-Afrika se geskiedenis omdat die land toenemend geboikot is. Die blonde Anneline is dus soms oorsee as die gesig van apartheid-Suid-Afrika uitgebeeld en lande soos die VK en Australië het geweier om haar te verwelkom op haar wêreldtoer as Mej. Wêreld. In Suid-Afrika is haar kroning egter deur baie positief ontvang.[4]

In 1981 het sy die pop-enkelsnit He Took Off My Romeos uitgereik.[5][6]

Persoonlike lewe[wysig | wysig bron]

Anneline het grootgeword op die myndorp Witbank.[4] In Maart 1976 was sy in ’n skandaal betrokke weens naakfoto's wat uitgelek en in die Sunday Times van Suid-Afrika verskyn het. Roy Hilligenn, Mnr. Suid-Afrika van 1943, 1944, 1946 en 1976, en Mnr. Amerika van 1951, het die foto's geneem en vir R100 000 aan ’n Britse koerant verkoop. Dit het haar gewys waar sy met vakansie kaal sonbrand saam met haar destydse kêrel, Richard Loring, en Hilligenn en sy gesin.[7]

Sy het in 1980 met die hotelmagnaat Sol Kerzner getrou. Hulle is vyf jaar later geskei.[8] Sy het in Switserland die Joodse geloof aangeneem en is in 1989 met die miljoenêr-perdeteler Phil Tucker getroud.[9] Hulle het twee dogters, Tayla en Witney, gehad. Anneline het in 1994 aansoek om ’n egskeiding gedoen[10] en was in 2000 in ’n toesigstryd met Tucker gewikkel.[11]

Sy is later met Peter Bacon, ’n hoofbestuurder en voormalige protégé van Kerzner, getroud.[12]

Filmografie[wysig | wysig bron]

Rolprent
Jaar Titel Rol Notas
1975 Somer
1978 Someone Like You
1981 Kill and Kill Again Kandy Kane
1985 Van der Merwe PI[13]
1990 Reason to Die Lena

Verwysings[wysig | wysig bron]

  1. Mooie Anneline Kriel met haar 2 ewe beeldskone dogters, Sarie, 26 Oktober 2009
  2. Motel View Victoria University Press. 1992. pp. 60
  3. Allan, Jani (1980s). Face Value. Longstreet. 
  4. 4,0 4,1 A Race Apart: the beauty queens of the apartheid era The Times. 25 Junie 2010
  5. South Africa's Vinyl Music History Rock.co.za. URL besoek op 15 September 2012
  6. Anneline Kriel - He Took Off my Romeos Soundcloud. URL besoek op 15 September 2012
  7. A Century of Sundays: 100 Years of Breaking News in the Sunday Times, 1906-2006 2006. pp. 229
  8. The Sun king Daily Telegraph. 18 Julie 2004
  9. The Adventures of Rabbi Arieh: A Destined Mission Around the World iUniverse. 2009. pp. 187
  10. Tucker's funeral an understated affair IOL. 30 Mei 2008
  11. Anneline in court in custody battle IOL. 11 Mei 2000
  12. Peter Bacon: He's come from the casinos of Sun City to play one-armed bandits in Britain The Independent. 19 September 2004
  13. VAN DER MERWE P.I. MNET. URL besoek op 15 September 2012

Eksterne skakels[wysig | wysig bron]

Voorafgegaan deur
Shelly Latham
Mej. Suid-Afrika
1974
Opgevolg deur
Gail Anthony
Voorafgegaan deur
Marjorie Wallace
Mej. Wêreld
1974
Opgevolg deur
Wilnelia Merced