Anton Bresler
| |||||
| Volle naam | Anton Bresler | ||||
|---|---|---|---|---|---|
| Geboortedatum | 16 Februarie 1988 | ||||
| Geboorteplek | Windhoek, Namibië | ||||
| Lengte | 1,97 m | ||||
| Massa | 114 kg | ||||
| Beroep | Professionele Rugbyspeler | ||||
| Rugbyloopbaan | |||||
| Loopbaan as speler | |||||
| Posisie(s) | Slot (rugby) | ||||
| Jeugspanne | |||||
| Jare | Span | ||||
| Sharks | |||||
| Professionele / senior klubs | |||||
| Jare | Klub / span | Weds | (pte) | ||
| 2014-2017 2017-2021 2021- |
Edinburgh Worcester Racing 92 |
61 64 15 |
(0) (0) (0) | ||
| korrek soos op 7 Januarie 2021. | |||||
| Provinsiale- / Staatspanne | |||||
| Jare | Klub / span | Weds | (pte) | ||
| 2009-2013 | Natalse Haaie | 41 | (5) | ||
| Superrugby/Verenigde Rugbykampioenskap | |||||
| Jare | Klub / span | Weds | (pte) | ||
| 2011-2014 | Sharks | 41 | (5) | ||
| korrek soos op 9 Julie 2022. | |||||
Anton Bresler (gebore 16 Februarie 1998 in Windhoek, Namibië) is 'n internasionale rugbyspeler wat op die slotposisie speel. Hy speel sedert 2021 vir Racing 92 (Frankryk), nadat hy aanvanklik vir Edinburgh Rugby (Skotland) en Worcester Warriors (Engeland) uitgedraf het.
Loopbaan[wysig | wysig bron]
Anton Bresler is in Namibië gebore, soos die res van sy familie, maar het in Durban, Suid-Afrika grootgeword. Hy het ook al laat blyk dat hy homself as 'n Suid-Afrikaner beskou en dat hy ’n Springbokondersteuner is.[1].
Hy het op hoërskool begin rugby speel.[2]. Die atmosfeer en kameraadskap in sy skoolspan het hom geïnspireer om 'n loopbaan in rugby te kies. Hy het hierna by die Sharks aangesluit, by wie hy in die verskillende ouderdomskategorieë gevorder het.[3]
Hy het sy Suid-Afrikaanse loopbaan by die Natalse Haaie in die 2009-2010-seisoen begin. Hy het die eerste wedstryd van sy loopbaan op 25 Februarie 2010 teen die Grens Bulldogs gespeel tydens 'n Vodacombeker-wedstryd. Die eindtelling was 69 - 8 in die guns van die Haaie. Hierna het hy een-en-veertig keer vir die Sharks in die Superrugbykompetisie uitgedraf, van 2011 tot 2014 .
In 2014 het hy by Edinburgh Rugby in Skotland aangesluit en so sy kinderdroom verwesenlik om oorsee te speel. Hy het verkies om by 'n Skotse span aan te sluit omdat hy talle vriende gehad het wat daar gespeel het en omdat hy die hoop gekoester het om eendag teen Paul O'Connell te speel, vir wie hy bewonder [4]. Bresler het in 2015 vir Edinburgh in die eindstryd van die Europese Uitdaagbeker uitgedraf. Edinburgh moes egter uiteindelik die knie buig teen Gloucester Warriors, met 'n telling van 13 - 19 [5].
In 2017, na vier seisoene by Edinburgh Rugby, het hy Skotland vir Engeland verlaat en by Worcester Warriors aangesluit [6]. Hy het vyf seisoene vir Worcester gespeel. Geleenthede om vir Worcester uit te draf het egter met verloop van tyd meer geringer geword weens die opkoms van spelers soos Andrew Kitchener en Justin Clegg. Hy het derhalwe besluit om Worcester Warriors in 2021 te verlaat [7] .
Hy het in November 2021 by Racing 92 aangesluit [8]. Volgens Bresler was dit 'n groot en onverwagse geleentheid [9].
Familie[wysig | wysig bron]
Sy neef, die Namibiese internasionale speler Tinus du Plessis, is ook 'n professionele rugbyspeler. Du Plessis het reeds vir Cornish Pirates en London Wasps uitgedraf [10] .
Spelstyl[wysig | wysig bron]
Bresler beskryf homself, "soos enige Suid-Afrikaanse speler," as 'n aggressiewe en fisieke speler [10] .
Hy is baie lank en beweeglik, wat 'n aanwins is teen opponente se terugskoppe en lynstane. Hy beskik ook oor geweldige fisieke krag [11].
Spanne en prestasies[wysig | wysig bron]
- Wenner van die Curriebeker in 2010
- Curriebeker-finalis in 2011 en 2012
- 2012 Super Rugby finalis
- Edinburgh Rugby
- Finalis van die Europese Uitdaagbeker in 2015
Verwysings[wysig | wysig bron]
- ↑ Gareth Llewellyn. "Anton Bresler is living the dream at Edinburgh". www.scotsman.com (in Engels). Besoek op 5 Julie 2022.
- ↑ Chris Heal (13 Mei 2022). "Anton Bresler Exclusive: 'I thought my agent was pulling my leg when he said I could join Racing'". www.talkingrugbyunion.co.uk (in Engels).
- ↑ Gareth Llewellyn. "Anton Bresler is living the dream at Edinburgh". www.scotsman.com (in Engels). Besoek op 5 Julie 2022.
- ↑ Gareth Llewellyn. "Anton Bresler is living the dream at Edinburgh". www.scotsman.com (in Engels). Besoek op 5 Julie 2022.
- ↑ Brendon Mitchell - BBC Sports (1 Mei 2015). "European Challenge Cup final: Edinburgh 13-19 Gloucester". www.bbc.com (in Engels).
- ↑ L. Baker (27 Desember 2017). "Worcester Warriors sign lock Anton Bresler from Edinburgh". www.premiershiprugby.com (in Engels).
- ↑ Chris Heal (13 Mei 2022). "Anton Bresler Exclusive: 'I thought my agent was pulling my leg when he said I could join Racing'". www.talkingrugbyunion.co.uk (in Engels).
- ↑ Jérémie Pol (13 Februarie 2022). "Racing 92:Une prolongation bientôt actée pour ce joker médical". www.quinzemondial.com.
- ↑ Chris Heal (13 Mei 2022). "Anton Bresler Exclusive: 'I thought my agent was pulling my leg when he said I could join Racing'". www.talkingrugbyunion.co.uk (in Engels).
- ↑ 10,0 10,1 Gareth Llewellyn. "Anton Bresler is living the dream at Edinburgh". www.scotsman.com (in Engels). Besoek op 5 Julie 2022.
- ↑ "Fiche Bresler Anton". www.racing92.fr. Geargiveer vanaf die oorspronklike op 5 Julie 2022. Besoek op 5 Julie 2022.