Aphelocoma

in Wikipedia, die vrye ensiklopedie

Aphelocoma
Die Florida-struikgaai, Aphelocoma coerulescens.
Wetenskaplike klassifikasie
Koninkryk:
Filum:
Klas:
Orde:
Familie:
Genus:
Aphelocoma
Spesies

Aphelocoma californica
Aphelocoma woodhouseii
Aphelocoma coerulescens
Aphelocoma insularis
Aphelocoma ultramarina
Aphelocoma unicolor
Aphelocoma wollweberi
(Sien ook teks)

Die sangvoëls van die genus Aphelocoma sluit struikgaaie en verwante voëls in. Hulle is nuwewêreldse gaaie wat in Mexiko en die weste van Sentraal-Amerika en die die VSA voorkom, met nog ’n bevolking in Florida. Hierdie genus behoort moontlik tot ’n aparte subfamilie wat nie naby verwant is aan ander gaaie en eksters nie.[1] Hulle word aangetref in oop en gemenge immergroen woude.

Spesies en verspreiding[wysig | wysig bron]

Sewe spesies van Aphelocoma word tans algemeen erken. Daar word geglo hulle het in die Pleistoseen ontstaan, en dit is bekend dat die Florida-spesie reeds 2 miljoen jaar lank bestaan.[2] Die westelike struikgaai van die binneland, kus en Santa Cruz-eiland word nou as drie aparte spesies beskou, naamlik die Woodhouse-, Kaliforniese en eilandstruikgaai. Verskillende bevolkings van die Mexikaanse struikgaai kan moontlik ook twee aparte spesies wees.[3]

  • Aphelocoma unicolor – newelwoude van Suid-Mexiko oos tot by die Honduras
  • Aphelocoma wollweberi (Mexikaanse struikgaai) – Sierra Madre Oriental- en Sierra Madre Occidental-berge in Mexiko noord tot suidoos in Arizona, Suid-Nieu-Mexiko en Wes-Texas, VSA
  • Aphelocoma ultramarina – Transvulkaanse Gordel van Sentraal-Mexiko
  • Aphelocoma insularis (eilandstruikgaai) – Santa Cruz-eiland aan die kus van Suid-Kalifornië
  • Aphelocoma californica (Kaliforniese struikgaai) – die kus van westelike Noord-Amerika van Brits-Columbië tot Baja California
  • Aphelocoma woodhouseii (Woodhouse-struikgaai) – westelike binneland van Noord-Amerika, van Oregon deur Texas en suid tot die noordelike binneland van Mexiko
    • Aphelocoma [woodhouseii] sumichrasti – Mexikaanse binneland
  • Aphelocoma coerulescens (Florida-struikgaai) – Florida

Toetse met mitochondriale DNS kon nie uitsluitsel gee oor die verhouding tussen die verskillende spesies nie. Uit biogeografiese data lyk dit of die Mexikaanse struikgaai die mees basale lyn is, terwyl geen uitsluitsel uit molekulêre data gekry kan word nie. Die data van Rice et al. (2003)[3] dui op ’n klein kans dat die Mexikaanse struikgaai twee verskillende spesies kan wees.

Beskrywing[wysig | wysig bron]

Aphelocoma is effens groter as die blougaai en het ’n langer stert; die vlerke is effens korter en meer gerond en daar is geen kuif op die kop nie. Die bokant van die kop, agternek en kante van die kop is ’n ryk, diep blou. Sommige spesies het ’n wit streep bo die oë en donker dekvere by die ore. Die bors is wit of gryswit en die rug grysbruin. Die meeste spesies se stert en vlerke is helderblou. Een spesie, Aphelocoma unicolor, is heeltemal blou. Die snawel en pote is swart.

Verwysings[wysig | wysig bron]

  1. Ericson, Per G. P.; Jansén, Anna-Lee; Johansson, Ulf S.; Ekman, Jan (2005). "Inter-generic relationships of the crows, jays, magpies and allied groups (Aves: Corvidae) based on nucleotide sequence data" (PDF). Journal of Avian Biology. 36 (3): 222–234. doi:10.1111/j.0908-8857.2001.03409.x.
  2. Emslie, Steven D. (1996). "A fossil Scrub Jay supports a recent systematic decision" (PDF). Condor. 98 (4): 675–680. doi:10.2307/1369850. JSTOR 1369850.
  3. 3,0 3,1 Rice, Nathan H; Martínez-Meyer, Enrique; Peterson, A Townsend (2003). "Ecological niche differentiation in the Aphelocoma jays: a phylogenetic perspective". Biological Journal of the Linnean Society. 80 (3): 369–383. doi:10.1046/j.1095-8312.2003.00242.x.

Eksterne skakels[wysig | wysig bron]