Kusgousblom

in Wikipedia, die vrye ensiklopedie
(Aangestuur vanaf Arctotis stoechadifolia)

Kusgousblom
Wetenskaplike klassifikasie
Koninkryk:
(geen rang):
(geen rang):
(geen rang):
Orde:
Familie:
Genus:
Spesie:
A. stoechadifolia
Binomiale naam
Arctotis stoechadifolia
P.J.Bergius, (1767)
Sinonieme
  • Anemonospermos incana (Burm.f.) Kuntze
  • Anemonospermos stoechadifolia Kuntze
  • Arctotis decumbens Thunb.
  • Arctotis grandiflora Aiton
  • Arctotis grandis Thunb.
  • Arctotis rosea Less.
  • Arctotis stoechadifolia var. bergii DC.
  • Arctotis stoechadifolia var. decumbens Less.
  • Arctotis stoechadifolia var. grandis (Thunb.) Less.
  • Centaurea incana Burm.f.

Die Kusgousblom (Arctotis stoechadifolia) is 'n blomplant wat endemies aan Suid-Afrika is. Dit is een van de vele blomplante wat met gousblom aangedui word. Op die SANBI-rooilys word dit as veilig (LC) gelys en dit kom in die Wes-Kaap voor,[1] veral langs die kus tussen Langebaan en Kaapstad. Dit vorm aan die kus silwergrys matte op die grond wat meer as 'n meter breed kan word en 35 cm hoog kan word. Dit kry madeliefieblomme in die lente wat roomwit of liggeel kan wees. Soos by al die Arctotis-spesies gaan die blomme in sonlig oop en buig die blomhoofies neer as sy saad gaan vorm. Hierdie spesies word dikwels in tuine gebruik en is in verskillende kleure beskikbaar. In Kalifornië en Australië het dit indringerstatus gekry.[2]

Die beweidingskapasiteit is gering:

EIW SWIW LnregWIW
Weidingsindekswaarde[3] 1 1.5 1.12

Verwysings[wysig | wysig bron]

  1. "SANBI-rooilys". Geargiveer vanaf die oorspronklike op 19 Mei 2020.
  2. "PlantZAfrica" (in Engels). Geargiveer vanaf die oorspronklike op 8 Augustus 2016. Besoek op 30 Oktober 2016.
  3. P C V du Toit Objektiewe weidingsindekswaardes van Nama-Karoo plantegroei: grasse en bossies van die Karoo.