Armin Ronacher

in Wikipedia, die vrye ensiklopedie
Jump to navigation Jump to search
Armin Ronacher
Ronacher in 2014
Gebore10 Mei 1989 (1989-05-10) (31 jaar oud)
NasionaliteitOostenryks
BeroepProgrammeerder
Bekend virWebraamwerk Flask
Webwerflucumr.pocoo.org

Armin Ronacher (gebore 10 Mei 1989) is 'n Oostenrykse oopbronsagtewareprogrammeerder en die skepper van die webraamwerk Flask vir Python.

Hy is 'n gereelde spreker by ontwikkelaarskonferensies[1] en het 'n gewilde webjoernaal oor sagteware-ontwikkeling en oopbron.[2]

Programmering[wysig | wysig bron]

Armin Ronacher begin sy loopbaan in oopbron as 'n vryskutontwikkelaar vir die Duitse Ubuntu-gemeenskapsportaal "ubuntuusers"[3] waardeur hy later 'n stigterslid van die Duitse Ubuntu-vereniging in 2005 word.[4]

Terwyl hy aan ubuntuusers gewerk het, het Ronacher die Python-programmeertaal herontdek en van die eerste implementasies vir Web Server Gateway Interface (WSGI) geskryf met die doel om in samewerking met Georg Brandl 'n buletinbord in Python te skryf.[5] Hierdie buletinbord sou "Pocoo" heet en sou 'n plaasvervanger in Python vir phpBB (in PHP) wees.[6] Alhoewel daar nooit 'n stabiele weergawe van die buletinbord vrygestel is nie, het baie ander projekte vanuit die oorkoepelende Pocoo-projek verskyn: die Pygments-sintaksismerker,[7] die Sphinx-dokumentasiegenereerder, die Jinja-sjabloonenjin en vele ander biblioteke vir Python. Hy het ook funksionaliteit bygedra tot die Python-AST-module[8] en die Ordered Dict vir Python.[9] Na 'n uitgebreide Aprilgekgrap waar hy sy biblioteke in 'n enkellêer-mikroraamwerk verbundel het,[10] het hy besluit om die webraamwerk Flask te skryf. Hierdie raamwerk word uiteindelik een van die twee gewildste webontwikkelingsraamwerke (naas Django) vir Python en die geassosieerde biblioteke het 'n nuwe tuiste gevind in die Pallets-gemeenskap.[11]

Hy is ook die skepper van Lektor CMS, die Twig-sjabloonenjin, en het bygedra tot 'n groot aantal oopbrontoepassings en -biblioteke.

Hy was werksaam by Plurk, by Fireteam ('n speletjienetwerkinfrastruktuurmaatskappy wat deur Splash Damage besit word),[12] en mees onlags vir die Sentry-sagteware-ineenstortingsverslaggewingswerktuig.

Erkenning[wysig | wysig bron]

  • 2003: 2de plek by die 2003 Prix Ars Electronica in die o-19 vryslagprogrammering "Be a Bee"[13]
  • 2012: Genoot van die Python-sagtewarestigting[14]
  • 2014: Gemeenskapsdienstoekenning van die Python-sagtewarestigting vir sy werk in die Python-oopbronsagtewaregemeenskap[15]
  • 2014: Flitstoegif van die Shuttleworth-stigting[16]

Verwysings[wysig | wysig bron]

  1. "Talks | Armin Ronacher's Thoughts and Writings". Lucumr.pocoo.org (in Engels). Geargiveer vanaf die oorspronklike op 18 April 2020.
  2. "Blog | Armin Ronacher's Thoughts and Writings". Lucumr.pocoo.org (in Engels). Geargiveer vanaf die oorspronklike op 14 April 2020.
  3. "ArminRonacher - Ubuntu Wiki". Wiki.ubuntu.com (in Engels). Geargiveer vanaf die oorspronklike op 21 Desember 2018.
  4. "Protokoll der Gründungsversammlung des ubuntu Deutschland e.V." (PDF). Verein.ubuntu-de.org. Geargiveer vanaf die oorspronklike (PDF) op 2014-04-12. Besoek op 2016-08-01.
  5. "History of Pocoo". Pocoo.org (in Engels). Geargiveer vanaf die oorspronklike op 16 Mei 2018. Besoek op 1 Augustus 2016.
  6. "Episode 63 - Armin Ronacher". Podcastinit.com (in Engels). Geargiveer vanaf die oorspronklike op 17 Augustus 2016. Besoek op 9 Augustus 2016.
  7. "Welcome! — Pygments". Pygments.org (in Engels). Geargiveer vanaf die oorspronklike op 23 April 2020.
  8. "ast.py on GitHub". Github.com.
  9. "PEP 372 -- Adding an ordered dictionary to collections". Python.org (in Engels). Geargiveer vanaf die oorspronklike op 23 April 2020.
  10. "Flask web framework and much, much more". Talkpython.fm (in Engels). Geargiveer vanaf die oorspronklike op 2 Junie 2019. Besoek op 9 Augustus 2016.
  11. "Hello | The Pallets Projects". Palletsprojects.com (in Engels). Geargiveer vanaf die oorspronklike op 2 April 2020.
  12. "Mobygames Credits". Mobygames.com (in Engels). Geargiveer vanaf die oorspronklike op 17 Junie 2019. Besoek op 9 Augustus 2016.
  13. "Archived copy" (in Engels). Geargiveer vanaf die oorspronklike op 20 Februarie 2018. Besoek op 1 Augustus 2016.AS1-onderhoud: "Argiefkopie" as titel (link)
  14. "PSF Membership Roster". Python Software Foundation (in Engels). Geargiveer vanaf die oorspronklike op 23 April 2020. Besoek op 25 Mei 2017.
  15. "PSF Community Service Awards". Python.org (in Engels). Geargiveer vanaf die oorspronklike op 23 April 2020.
  16. "Archived copy" (in Engels). Geargiveer vanaf die oorspronklike op 26 Desember 2016. Besoek op 1 Augustus 2016.AS1-onderhoud: "Argiefkopie" as titel (link)

Eksterne skakels[wysig | wysig bron]