Arnold Bax

in Wikipedia, die vrye ensiklopedie
Jump to navigation Jump to search
profile head and shoulders of clean-shaven man in middle age
Bax in 1922

Sir Arnold Edward Trevor Bax KCVO (8 November 1883 – 3 Oktober 1953) was 'n Engelse komponis, digter, en outeur. Sy aansienlike klomp werke sluit liedere, kamermusiekstukke en ook solo klavierstukke in, maar hy word die beste onthou vir sy orkestrale musiek. Bykomend tot 'n reeks simfoniese gedigte het hy ook sewe simfonieë geskryf, en was hy vir 'n rukkie beskou as die leidende Britse skrywer van simfonieë.

Bax was gebore in die Londense buurt van Streatham in 'n vooruitstrewende familie. Hy was deur sy ouers aangemoedig om 'n loopbaan in musiek na te streef, en sy private inkomste het hom in staat gestel om sy eie weg te volg sonder oorweging aan heersende modes of ortodoksie. Gevolglik was hy beskou in musikale sirkels as 'n belangrike maar geïsoleerde figuur. Terwyl hy steeds 'n student by die Koninklike Musiekakademie was, het Bax gefassineer geword met Ierland ,en Keltiese kultuur, welke 'n sterk invloed op sy vroeëre ontwikkeling sou word.

In die jare voor die Eerste Wêreldoorlog het hy in Ierland gewoon en 'n lid van Dublin se literêre kringe geword, en het hy fiksie en poësie geskyf onder die pseudoniem Dermot O'Byrne. Later het hy 'n affiniteit met die Nordiese kultuur ontwikkel, welke vir 'n tyd die Keltiese invloed op sy werk in die jare na die Eerste Wêreldoorlog vervang het.

Tussen 1910 en 1920 het Bax 'n groot aantal werke geskryf, insluitende die simfoniese gedig Tintagel, wat as sy beste werk sou word. Gedurende hierdie periode het hy 'n lewenslange assosiasie met die pianis Harriet Cohen gevorm- welke eerste 'n intieme verhouding was, en toe 'n vriendskap - maar wat altyd 'n nabye en professionele verhouding sou wees. In die 1920's het hy die reeks van sewe simfonieë begin wat die kern vorm van sy orkestrale uitsetting. In 1942 was Bax aangestel as Meester van die Koning se Musiek, maar hy het min musiek in daardie hoedanigheid geskryf.

Gedurende sy laaste jare het hy sy eie musiek begin oudmodies vind, en na sy dood was sy musiek oor die algemeen verwaarloos.

Van die 1960's, hoofsaaklik deur 'n groter wordende aantal kommersiële opnames, was sy musiek egter stelselmatig herontdek, alhoewel min daarvan in die konsertsaal gehoor word. In meer onlangse jare is Bax se musiek ook op entoesiastiese wyse herontdek deur 'n nuwe generasie via aanlyn verspreidingsdienste soos Youtube, en het Naxos ook opnames van verskeie van sy werke gemaak en beskikbaar gestel.

Hierdie artikel is in sy geheel of gedeeltelik vanuit die Engelse Wikipedia vertaal.