Gaan na inhoud

Australiese nasionale vrouekrieketspan

in Wikipedia, die vrye ensiklopedie
Australië
Kenteken van die Australiese nasionale vrouekrieketspan
KonferensieKrieket Australië (CA)
Personeel
ToetskapteinAlyssa Healy
EDI-kapteinTahlia McGrath
T20I-kapteinSophie Molineux
AfrigterVlag van Australië Shelley Nitschke
Geskiedenis
Toetsstatus verkry1934
Internasionale Krieketraad (IKR)
IKR-statusVolle lid (1909)
IKR-streekOos-Asië-Oseanië
IKR-ranglys Tans[1] Beste rang tot dusver
EDI1ste1ste (1 Oktober 2015)
T20I1ste1ste (1 Oktober 2015)
Toetswedstryde (Toetse)
Eerste toetst Vlag van Engeland Engeland op Brisbane Showgrounds, Brisbane; 28–31 Desember 1934
Laaste toetst Vlag van Indië Indië op WACA-krieketveld, Perth; 6–8 Maart 2026
Toetse Gespeel Gewen/Verloor
Algeheel[2]8124/11 (29,63%)
(0 gelykop, 46 onbeslis)
Vanjaar[3]11/0 (0 gelykop, 0 onbeslis)
Vroue-
kampioenskappe		3/3 (eerste in 2014–16)
Beste uitslagKampioen (in 2014–16, 2017–20, 2022–25)
Internasionale eendagwedstryde (EDIs)
Eerste EDIt Jong Engeland op Deanpark-krieketveld, Bournemouth; 23 Junie 1973
Laaste EDIt Vlag van Wes-Indië Wes-Indië op Warner Park-stadion, Basseterre; 2 April 2026
EDIs Gespeel Gewen/Verloor
Algeheel[4]394316/69 (80,20%)
(2 gelykop, 7 onbeslis)
Vanjaar[5]66/0
(0 gelykop, 0 onbeslis)
Vrouekrieketwêreldbeker-verskynings13/13 (eerste in 1973)
Beste uitslagKampioen (in 1978, 1982, 1988, 1997, 2005, 2013, 2022)
Twintig20-internasionale wedstryde (T20Is)
Eerste T20It Vlag van Engeland Engeland op County-krieketveld, Taunton; 2 September 2005
Laaste T20It Vlag van Engeland Engeland op Lord’s, Londen; 5 Julie 2026
T20Is Gespeel Gewen/Verloor
Algeheel[6]213150/54 (70,42%)
(4 gelykop, 5 onbeslis)
Vanjaar[7]1311/2
(0 gelykop, 0 onbeslis)
T20I-vrouewêreldbeker-verskynings10/10 (eerste in 2009)
Beste uitslagKampioen (in 2010, 2012, 2014, 2018, 2020, 2023, 2026)
Toetsklere
EDI-klere
T20I-klere

Die Australiese nasionale vrouekrieketspan (Engels: Australian women’s national cricket team, afgekort Australia Women of Australia W) is die nasionale vrouekrieketspan wat Australië in toets- en kitskrieket verteenwoordig. Dit word beheer en geadministreer deur Krieket Australië (CA, van Engels: Cricket Australia) en is ’n volle lid van die Internasionale Krieketraad (IKR) met toets-, EDI- en T20I-status.

Australië is die gesamentlike oudste span in vrouetoetskrieket, wat hul eerste toets reeds in 1934 teen Engeland gespeel het. Australië is die suksesvolste span in internasionale vroue-eendagwedstryde en hulle het sewe vrouekrieketwêreldbekertitels ingepalm (in 1978, 1982, 1988, 1997, 2005, 2013 en 2022). Hulle oorheers ook T20I-vrouewêreldbekertoernooie en het sewe titels gewen (in 2010, 2012, 2014, 2018, 2020, 2023 en 2026).

Australië is tans (Julie 2026) eerste op die IKR-vroue-eendagranglys en eerste op die Twintig20-vrouewêreldranglys.[8][9] Vyf voormalige Australiese spelers is in die Internasionale Krieketraad se Heldesaal opgeneem.

Beheerliggaam

[wysig | wysig bron]
Die hoofartikel vir hierdie afdeling is: Krieket Australië.
Krieket Australië se ses plaaslike beheerliggame is geskoei op die tradisionele deelstaatspanne

Krieket Australië (Engels: Cricket Australia, CA), voorheen bekend as die Australiese Krieketraad (AKR; Engels: Australian Cricket Borard, ACB), is die beheerliggaam vir enige krieket in Australië. Dit is in 1905 as die Australiese Beheerraad vir Internasionale Krieket (Australian Board of Control for International Cricket) gestig en is in 1973 in Australiese Krieketraad hernoem. Dit is as ’n Australiese publieke maatskappy gelys.[10] Op 15 Junie 1909 het Australië saam met Engeland en Suid-Afrika die Imperiale Krieketkonferensie (IKK; nou Internasionale Krieketraad, IKR) gestig.[11] Krieket Australië bestaan uit ses plaaslike beheerliggame, wat elkeen ’n deelstaat verteenwoordig.[12]

Krieket Australië bestuur al die Australië-verteenwoordigende nasionale spanne, insluitende die mans, vroue en jeug. Hulle is ook verantwoordelik vir die bestuur en organisasie van toets-, EDI- en T20I-reekse teen ander spanne, en vir die reël van internasionale wedstryde tuis. Daarbenewens is Krieket Australië verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Australiese span.

Kinders en jongmense word reeds op skool aan krieket bekend gestel en na gelang van hul belangstelling en talent begin hulle met hul afrigting. Net soos ander krieketlande beskik Australië oor ’n o/19-nasionale span wat aan die o/19-vrouekrieketwêreldbeker deelneem.[13]

Geskiedenis

[wysig | wysig bron]

Oorsprong

[wysig | wysig bron]
Vrouetoetswedstryd in 1935 op die Sydney-krieketveld

Vroue het in Australië waarskynlik vroeg straatkrieket gespeel. In 1874 is ’n nieamptelike wedstryd in Bendigo gedokumenteer. Die eerste amptelike vrouekrieketwedstryd is in 1874 in Sydney tussen die Fernleas en die Siroccos beslis en het 600 toeskouers gelok. Daarna is talle klubs vir vroue gestig en landswye wedstryde is gereël, maar die belangstelling het aanvanklik ’n op- en afwaartse neiging gehad.[14]

In die 1930’s het vrouekrieket ’n groei in Nieu-Suid-Wallis en Victoria ervaar en gevolglik is in Maart 1931 die Australiese Vrouekrieketraad (Engels: Australian Women’s Cricket Council) gestig, wat hom beywer het vir die sport se ondersteuning, maar ook vir die reël van toere. Drie jaar later is die Engelse vrouespan genooi wat die volgende seisoen Australië besoek het. Die eerste vrouekriekettoetswedstryd is op die Brisbane Showgrounds beslis, maar deur Engeland met nege paaltjies gewen wat ook die reeks met 2–0 beklink het. Die eerste kaptein was Margaret Peden.[15] Die Australiese teenbesoek het in 1937 plaasgevind. Die spelers moes die reiskoste self betaal en in 1936 is talle wedstryde gereël om die toer se kostes te dra. Hulle het in Mei 1937 Engeland bereik, talle wedstryde dwarsoor die land gespeel en ná hul eerste toetswedstryd het die toer met 1–1 onbeslis geëindig.[14][16] In die 1939/40-seisoen was nog ’n toer in Australië beplan, maar dit moes weens die Tweede Wêreldoorlog afgelas word.[17]

Ná die Tweede Wêreldoorlog

[wysig | wysig bron]

Ná die oorlog is in Maart 1948 eers ’n vrouetoetswedstryd in Nieu-Seeland beslis wat die Australiërs maklik gewen het.[18] Een jaar later het die Engelse weer Australië besoek en dié keer het hulle onder hul kaptein Mollie Dive die vrouetoetsreeks met 1–0 beklink en vir die eerste keer die As ingepalm.[19] Die daaropvolgende twee As-toetsreekse (in 1951 en 1957/58) het elk onbeslis geëindig en hulle kon die trofee behou. Eers in 1963 is hulle onder Mary Allitt in Engeland weer met 1–0 geklop.

Gedurende somer 1973 is die heel eerste Vrouekrieketwêreldbeker 1973 beslis en Australië het in die eindstryd teen Engeland met 92 lopies vasgeval.[20] Die eerste toer na Wes-Indië het in 1976 plaasgevind, maar sonder ’n oorwinning geëindig.[21] In die 1976/77-seisoen het hulle ook Indië gehuisves en die vrouetoetswedstryd gewen.[22] Die tweede Vrouekrieketwêreldbeker 1978 in Indië het die Australiërs in die eindstryd teen Engeland met agt paaltjies vir die eerste keer gewen.[23] Hulle het dié prestasie tydens die Vrouekrieketwêreldbeker 1982 herhaal.[24] Onder hul kaptein Raelee Thompson kon hulle die vrouetoetsreeks teen Engeland en daarmee vir die eerste keer sedert 1963 die As-reeks beklink.[25] In Jahr 1988 het die span met Ann Mitchell vir die eerste keer ’n hoofafrigter gekry, waarmee ’n professionalisering begin het.[26] Onder Lyn Larsen kon die Australiërs tydens die Vrouekrieketwêreldbeker 1988 hul derde agtereenvolgende titel inpalm.[27] Hul oorheersing van vrouekrieket is kortliks in 1993 onderbreek, toe hulle tydens die Vrouekrieketwêreldbeker 1993 ná nederlae teen Engeland en Nieu-Seeland reeds in die groepfase uitgeskakel is en die eindstryd misgeloop het.[28]

Voortgesette oorheersing en opkomende mededinging

[wysig | wysig bron]
Vrouekriekettoetswedstryd tussen Australië en Engeland in 2017 op die Noord-Sydney-ovaal

Onder Belinda Clark kon hulle hul oorheersing voortsit. Die Vrouekrieketwêreldbeker 1997 het hulle in die eindstryd teen Nieu-Seeland beklink en tydens die Vrouekrieketwêreldbeker 2000 het hulle naelskraaps in die eindstryd vasgeval. Ook die Vrouekrieketwêreldbeker 2005 het hulle beklink. Maar gedurende die daaropvolgende somer het hulle tydens hul As-toer hul eerste nederlaag sedert 1984/85 gely.[29] Hulle is ook in die As-reeks op eie bodem geklop en ná ’n onbesliste reeks gedurende somer 2009 het hulle die trofee nie herwin nie. Die Vrouekrieketwêreldbeker 2009 het hulle in die vierde plek afgesluit en tydens die heel eerste T20I-vrouewêreldbeker 2009 is die span in die halfeindstryd uitgeskakel. Sedertdien het hulle sewe T20I-vrouewêreldbekertoernooie beklink.[30] Australië het ook die Vrouekrieketwêreldbeker 2013 en sedert 2015 elke As-reeks beklink. Tydens die Vrouekrieketwêreldbeker 2022 het die span sy sewende vrouekrieketwêreldbekertitel ingepalm.[31] Tydens die Vrouekrieketwêreldbeker 2025 het die Australiërs in die halfeinstryd teen die medegasheer Indië vasgeval.[32]

Truie

[wysig | wysig bron]

Tot in 1997 het die vrouekrieketspanne anders as die mans rompe pleks van broeke gedra. Sedertdien is die truie en toerusting baie soortgelyk aan dié van die mans.[33] Daar is egter ’n verskil in die wapen op die pet, die sogenaamde Baggy Green, wat, anders as die mans s’n, omgekeerde kleure het.[34]

Spelers

[wysig | wysig bron]

Bekende spelers

[wysig | wysig bron]
Betty Wilson (1951)

Vyf voormalige Australiese spelers is vir hul uitstekende prestasies in die Internasionale Krieketraad se Heldesaal opgeneem:[35]

SpelerPosisieInskrywing
Belinda ClarkKolwer2011
Betty WilsonKolwer2015
Karen RoltonKolwer2016
Cathryn FitzpatrickBouler2019
Lisa SthalekarVeelsydig2020

Spelerstatistieke

[wysig | wysig bron]

Daar het altesaam 186 spelers toets-, 152 spelers EDI- en 62 spelers T20I-wedstryde vir Australië gespeel. Vervolgens die spelers wat vir die Australiese span die meeste lopies aangeteken en die meeste paaltjies geneem het.

Lopies

[wysig | wysig bron]
Toets EDI T20I
Speler Tydperk Toetse Lopies Speler Tydperk EDIs Lopies Speler Tydperk T20Is Lopies
Ellyse Perry 2008–hede 15 1 006 Belinda Clark 1991–2005 118 4 844 Beth Mooney 2016–hede 125 3 783
Karen Rolton 1995–2009 14 1 002 Karen Rolton 1995–2009 141 4 814 Meg Lanning 2010–2023 132 3 405
Belinda Clark 1991–2005 15 919 Meg Lanning 2011–2023 103 4 602 Alyssa Healy 2010–2024 162 3 054
Betty Wilson 1948–1958 11 862 Ellyse Perry 2007–hede 168 4 581 Ellyse Perry 2008–hede 181 2 495
Denise Annetts 1987–1992 10 819 Alyssa Healy 2010–hede 126 3 777 Ashleigh Gardner 2017–hede 106 1 633
Korrek teen: 6 Julie 2026[36] Korrek teen: 6 Julie 2026[37] Korrek teen: 6 Julie 2026[38]

Paaltjies

[wysig | wysig bron]
Toets EDI T20I
Speler Tydperk Toetse Paaltjies Speler Tydperk EDIs Paaltjies Speler Tydperk T20Is Paaltjies
Betty Wilson 1948–1958 11 68 Cathryn Fitzpatrick 1993–2007 109 180 Megan Schutt 2013–hede 126 152
Cathryn Fitzpatrick 1991–2006 13 60 Ellyse Perry 2007–hede 168 166 Ellyse Perry 2008–hede 181 131
Raelee Thompson 1972–1985 16 57 Megan Schutt 2012–hede 111 148 Jess Jonassen 2012–2023 105 96
Debbie Wilson 1984–1991 11 48 Lisa Sthalekar 2001–2013 125 146 Ashleigh Gardner 2017–hede 106 84
Lyn Fullston 1984–1987 12 41 Jess Jonassen 2012–2023 93 141 Georgia Wareham 2018–hede 82 81
Korrek teen: 6 Julie 2026[39] Korrek teen: 6 Julie 2026[40] Korrek teen: 6 Julie 2026[41]

Spankapteins

[wysig | wysig bron]

Tot op hede was 20 spelers reeds die kaptein vir Australië tydens ’n toetswedstryd, 20 tydens ’n EDI en nege tydens ’n T20I.[42]

Toets[43] EDI[44] T20I[45]
No.NaamTydperkNaamTydperkNaamTydperk
1 Margaret Pedon 1934–1937 Miriam Knee 1973 Belinda Clark 2005
2 Mollie Dive 1947–1951 Anne Gordon 1976 Karen Rolton 2006–2009
3 Una Paisley 1956–1958 Margaret Jennings 1978 Jodie Fields 2009–2013
4 Muriel Picton 1960–1969 Sharon Tredrea 1982–1988 Alex Blackwell 2010–2016
5 Mary Allitt 1963 Jill Kennare 1984 Meg Lanning 2014–2023
6 Miriam Knee 1971–1972 Raelee Thompson 1985 Rachael Haynes 2017–2020
7 Wendy Blundson 1974–1975 Denise Emerson 1985 Alyssa Healy 2022–2024
8 Anne Gordon 1975–1976 Lyn Larsen 1986–1993 Tahlia McGrath 2022–2025
9 Margaret Jennings 1976–1977 Karen Brown 1991 Sophie Molineux 2026–hede
10 Sharon Tredrea 1978–1985 Christina Matthews 1993
11 Jill Kennare 1983–1984 Belinda Clark 1994–2005
12 Raelee Thompson 1984–1985 Karen Rolton 2001–2009
13 Lyn Larsen 1987–1992 Lisa Sthalekar 2006
14 Belinda Clark 1994–2005 Alex Blackwell 2009–2012
15 Karen Rolton 2005–2008 Jodie Fields 2009–2013
16 Jodie Fields 2009–2014 Meg Lanning 2014–2025
17 Alex Blackwell 2011 Rachael Haynes 2017–2020
18 Meg Lanning 2015–2022 Alyssa Healy 2023–2026
19 Rachael Haynes 2017 Tahlia McGrath 2023–hede
20 Alyssa Healy 2023–hede Sophie Molineux 2026

Rekords

[wysig | wysig bron]

Toetsrekord teen ander lande

[wysig | wysig bron]
TeenstanderGespeelGewenVerloorGelykopOnbeslis% GewenEerste oorwinning
Vlag van Engeland Engeland5314903026,4115 Junie 1937
Vlag van Indië Indië12510641,6715 Januarie 1977
Vlag van Nieu-Seeland Nieu-Seeland13410830,7620 Maart 1948
Vlag van Suid-Afrika Suid-Afrika11000100,0015 Februarie 2024
Vlag van Wes-Indië Wes-Indië202000,00–
Algeheel81241104629,6315 Junie 1937
Rekords volledig tot en met toets #152 op 6–8 Maart 2026. Laaste keer hersien op 6 Julie 2026.[46]

EDI-rekord teen ander lande

[wysig | wysig bron]
TeenstanderWedstrydeGewenVerloorGelykopOnbeslis% GewenEerste oorwinning
t. Volle lede
Vlag van Bangladesj Bangladesj55000100,0025 Maart 2022
Vlag van Engeland Engeland9062241368,891 Augustus 1976
Vlag van Ierland Ierland1717000100,0028 Junie 1987
Vlag van Indië Indië6452120081,258 Januarie 1978
Vlag van Nieu-Seeland Nieu-Seeland136103310275,737 Julie 1973
Vlag van Pakistan Pakistan1717000100,0014 Desember 1997
Vlag van Sri Lanka Sri Lanka1111000100,001 Desember 2000
Vlag van Suid-Afrika Suid-Afrika191711089,4712 Desember 1997
Vlag van Wes-Indië Wes-Indië211910190,4824 Julie 1993
t. Assosiaatlede
Vlag van Denemarke Denemarke22000100,0028 Julie 1993
Internasionale XI4300175,0020 Junie 1982
Vlag van Jamaika Jamaika11000100,0011 Julie 1973
Vlag van Engeland Jong Engeland11000100,0023 Junie 1973
Vlag van Nederland Nederland55000100,0029 November 1988
Vlag van Trinidad en Tobago Trinidad en Tobago11000100,0030 Junie 1973
Algeheel394316692780,2023 Junie 1973
Rekords volledig tot en met EDI #1550 op 16 Mei 2026. Laaste keer hersien op 6 Julie 2026. Wenpersentasies sluit onbesliste wedstryde uit en tel gelykop as ’n halwe oorwinning.[47]

Vrouekrieketwêreldbekerrekord

[wysig | wysig bron]
JaarUitslag
1973Naaswenner
1978Kampioen
1982Kampioen
1988Kampioen
1993Derde plek
1997Kampioen
2000Naaswenner
2005Kampioen
2009Vierde plek
2013Kampioen
2017Halfeindrondte
2022Kampioen
2025Halfeindrondte
2029N.v.t.

T20I-rekord teen ander lande

[wysig | wysig bron]
TeenstanderWedstrydeGewenVerloorGelykopOnbeslis% GewenEerste oorwinning
t. Volle lede
Vlag van Bangladesj Bangladesj66000100,0027 Februarie 2020
Vlag van Engeland Engeland4623202150,002 September 2005
Vlag van Ierland Ierland88000100,0027 Maart 2014
Vlag van Indië Indië392891171,7928 Oktober 2008
Vlag van Nieu-Seeland Nieu-Seeland5532211158,1819 Julie 2007
Vlag van Pakistan Pakistan171500288,2429 September 2012
Vlag van Sri Lanka Sri Lanka88000100,0027 September 2016
Vlag van Suid-Afrika Suid-Afrika121020083,337 Mei 2010
Vlag van Wes-Indië Wes-Indië201820090,0014 Junie 2009
t. Assosiaatlede
Vlag van Barbados Barbados11000100,0031 Julie 2022
Vlag van Nederland Nederland11000100,0020 Junie 2026
Algeheel213150544570,422 September 2005
Rekords volledig tot en met T20I #2910 op 5 Julie 2026. Gelykop verwys na wedstryde wat deur ’n valbyl (soos ’n Superboulbeurt) beslis is. Wenpersentasies sluit onbesliste wedstryde uit en gelykop as ’n halwe oorwinning (ongeag die valbyl).[48]

T20I-vrouewêreldbekerrekord

[wysig | wysig bron]
JaarUitslag
2009Halfeindrondte
2010Kampioen
2012Kampioen
2014Kampioen
2016Naaswenner
2018Kampioen
2020Kampioen
2023Kampioen
2024Halfeindrondte
2026Kampioen
2028gekwalifiseer

Statebondspele

[wysig | wysig bron]
JaarUitslag
2024Goue medalje

Sien ook

[wysig | wysig bron]

Verwysings

[wysig | wysig bron]
  1. ↑ (en) "ICC Rankings". Internasionale Krieketraad.
  2. ↑ (en) "Women Test matches – Team records". ESPNcricinfo.
  3. ↑ (en) "Women Test matches – 2026 Team records". ESPNcricinfo.
  4. ↑ (en) "Women ODI matches – Team records". ESPNcricinfo.
  5. ↑ (en) "Women ODI matches – 2026 Team records". ESPNcricinfo.
  6. ↑ (en) "Women T20I matches – Team records". ESPNcricinfo.
  7. ↑ (en) "Women T20I matches – 2026 Team records". ESPNcricinfo.
  8. ↑ (en) "Women's ODI Team Rankings". Internasionale Krieketraad. 16 Mei 2026. Besoek op 6 Julie 2026.
  9. ↑ (en) "Women's T20I Team Rankings". Internasionale Krieketraad. 5 Julie 2026. Besoek op 6 Julie 2026.
  10. ↑ (en) "Board of Directors". Krieket Australië. Besoek op 6 Julie 2026.
  11. ↑ (en) "1909–1963 – Imperial Cricket Conference". Internasionale Krieketraad. Besoek op 6 Julie 2026.
  12. ↑ (en) "Member Associations". Krieket Australië. 2021. Geargiveer vanaf die oorspronklike op 13 Junie 2021. Besoek op 13 Junie 2021.
  13. ↑ (en) Martin Williamson (11 Januarie 2006). "The Under-19 World Cup". ESPNcricinfo. Besoek op 6 Julie 2026.
  14. 1 2 (en) "A maiden over". State Library – New South Wales. 15 April 2013. Besoek op 1 April 2022.
  15. ↑ (en) Kirby Fenwick (17 Januarie 2022). "Women's Ashes top 20: Players as organisers, a big investment and high stakes — this was the first women's Ashes". Australian Broadcasting Corporation. Besoek op 1 April 2022.
  16. ↑ (en) "1st Test, Northampton, Jun 12 – 15 1937, Australia Women tour of England". ESPNcricinfo. Besoek op 1 April 2022.
  17. ↑ (en) Jenny Thompson (19 Januarie 2008). "No smoking, drinking, gambling … or men". ESPNcricinfo. Besoek op 1 April 2022.
  18. ↑ (en) "Only Test, Wellington, Mar 20 – 23 1948, Australia Women tour of New Zealand". ESPNcricinfo. Besoek op 1 April 2022.
  19. ↑ (en) Raf Nicholson (8 April 2019). "Incredible story of the 1948–49 women's Ashes". Daily Telegraph. Besoek op 1 April 2022.
  20. ↑ (en) Lynn McConnell (14 September 2000). "Love of the game carries women's cricket through". ESPNcricinfo. Besoek op 1 April 2022.
  21. ↑ (en) "Historic Day as WI Women Played First Match". Krieket Wes-Indië. 9 Mei 2020. Besoek op 1 April 2022.
  22. ↑ (en) "Only Test, Perth, Jan 15 – 17 1977, India Women tour of Australia". ESPNcricinfo. Besoek op 1 April 2022.
  23. ↑ (en) "Quick, quick Snow". ESPNcricinfo. Besoek op 1 April 2022.
  24. ↑ (en) "Final, Christchurch, Feb 7 1982, Hansells Vita Fresh Women's World Cup". ESPNcricinfo. Besoek op 1 April 2022.
  25. ↑ (en) Paul Kennedy (27 Januarie 2022). "Women's Ashes top 20: Raelee Thompson relives 1984–85 Test series and final match from hell". ESPNcricinfo. Besoek op 1 April 2022.
  26. ↑ (en) Daniel Brettig (22 Junie 2017). "How Australia's women got here". ESPNcricinfo. Besoek op 1 April 2022.
  27. ↑ (en) "Final, Melbourne, Dec 18 1988, Shell Bicentennial Women's World Cup". ESPNcricinfo. Besoek op 1 April 2022.
  28. ↑ (en) "And the World Cup goes to… England!". ESPNcricinfo. 15 Junie 2017. Besoek op 1 April 2022.
  29. ↑ (en) Alan Gardner (25 Januarie 2022). "'Nothing can describe that feeling when you've won a Test match with your team'". ESPNcricinfo. Besoek op 1 April 2022.
  30. ↑ (en) Alan Gardner (5 Julie 2026). "Australia in seventh heaven as Mooney, Litchfield seal T20 WC in style". ESPNcricinfo. Besoek op 6 Julie 2026.
  31. ↑ (en) Valkerie Baynes (3 April 2022). "Australia lift seventh World Cup with Healy's monumental 170". ESPNcricinfo. Besoek op 3 April 2022.
  32. ↑ (en) S Sudarshanan (30 Oktober 2025). "India make history as Rodrigues and Harmanpreet end Australia's reign". ESPNcricinfo. Besoek op 6 Julie 2026.
  33. ↑ (en) Claire Taylor (15 April 2012). "From culottes to contracts". ESPNcricinfo. Besoek op 1 April 2022.
  34. ↑ (en) Annesha Ghosh (23 Augustus 2018). "The stands of Alex Blackwell". ESPNcricinfo. Besoek op 1 April 2022.
  35. ↑ (en) "ICC Hall of Famers". Internasionale Krieketraad. Besoek op 6 Julie 2026.
  36. ↑ (en) "Records / Australia Women / Women's Test Matches / Most Runs". ESPNcricinfo. Besoek op 6 Julie 2026.
  37. ↑ (en) "Records / Australia Women / Women's One-Day Internationals / Most Runs". ESPNcricinfo. Besoek op 6 Julie 2026.
  38. ↑ (en) "Records / Australia Women / Women's Twenty20 Internationals / Most Runs". ESPNcricinfo. Besoek op 6 Julie 2026.
  39. ↑ (en) "Records / Australia Women / Women's Test Matches / Most Wickets". ESPNcricinfo. Besoek op 6 Julie 2026.
  40. ↑ (en) "Records / Australia Women / Women's One-Day Internationals / Most Wickets". ESPNcricinfo. Besoek op 6 Julie 2026.
  41. ↑ (en) "Records / Australia Women / Women's Twenty20 Internationals / Most Wickets". ESPNcricinfo. Besoek op 6 Julie 2026.
  42. ↑ Die tydperk verwys na die ooreenstemmende krieketseisoen waarin die eerste of laaste wedstryd van die tyd as kaptein gespeel is.
  43. ↑ (en) "Records / Australia Women / Women's Test Matches / List of Captains". ESPNcricinfo. Besoek op 6 Julie 2026.
  44. ↑ (en) "Records / Australia Women / Women's One-Day Internationals / List of Captains". ESPNcricinfo. Besoek op 6 Julie 2026.
  45. ↑ (en) "Records / Australia Women / Women's Twenty20 Internationals / List of Captains". ESPNcricinfo. Besoek op 6 Julie 2026.
  46. ↑ (en) "Records / Australia Women / Women's Test matches / Result summary". ESPNcricinfo. 8 Maart 2026. Besoek op 6 Julie 2026.
  47. ↑ (en) "Records / Australia Women / Women's ODI matches / Result summary". ESPNcricinfo. 16 Mei 2026. Besoek op 6 Julie 2026.
  48. ↑ (en) "Records / Australia Women / Women's Twenty20 Internationals / Result summary". ESPNcricinfo. 5 Julie 2026. Besoek op 6 Julie 2026.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Australiese_nasionale_vrouekrieketspan&oldid=2916021"