Awie van Wyk

in Wikipedia, die vrye ensiklopedie
Jump to navigation Jump to search
Awie van Wyk
GeboortenaamAbraham van Wyk
Geboorte10 November 1949 (1949-11-10) (69 jaar oud)
Beroep(e)komponis, koordirigent, skilder
Portal.svg Musiekportaal

Abraham (Awie) van Wyk (gebore op 10 November 1949) is 'n Suid-Afrikaanse komponis, koordirigent en skilder. Hy het in die Karoo grootgeword en is sedert 1976 verbonde aan die Potchefstroomse Universiteit (nou die Noordwes-Universiteit).

Vroeë lewe[wysig | wysig bron]

Van Wyk is in die Karoo op 'n plaas naby Meiringspoort gebore en het op Beaufort-Wes skoolgegaan. Na skool het hy musiek gaan studeer aan die Universiteit Stellenbosch waar hy die graad B.Mus behaal het. Ná hy sy studies voltooi het, het hy op Carnarvon en Kraaifontein gaan skoolhou. In 1974 het hy die koorleier van die Christelike Jeug-tot-Jeugaksie geword.[1]

Gedurende 1975 het hy by die Universiteit van die Oranje-Vrystaat gewerk waar hy ook die koor oorgeneem het. In 1976 het hy na Potchefstroom verhuis waar hy by die plaaslike universiteit se konservatorium as dosent aangestel is. Hy het ook die Potchefstroomse Universiteitskoor afgerig en gelei.[1]

Latere loopbaan[wysig | wysig bron]

In 1977 het Van Wyk die graad Honneurs B.Mus aan die Potchefstroomse Universiteit vir CHO voltooi. In 1984 is hy na Amerika om sy studies in koorleiding verder voort te sit onder David Willcocks, Frauke Haaseman, Aden Lewis en Phillip Brunell.

Behalwe vir al die musiek wat Van Wyk skryf, verwerk en aanpas, tree hy gereeld as beoordelaar op by kunswedstryde. In 1992 het die operette Gelukland uit sy pen verskyn en is deur heelwat skole met sukses opgevoer. In 2000 is Van Wyk bevorder tot professor van musiek aan die Potchefstroomse Universiteit.[1]

Eerbewyse[wysig | wysig bron]

  • FAK Oorkonde vir bydrae tot Volksang
  • Speaker van die Parlement se "Embleem van die Parlement"

Verwysings[wysig | wysig bron]

  1. 1,0 1,1 1,2 "CV Choir conductor: Prof. Awie van Wyk" (pdf). Besoek op 26 April 2010.