Axali Doëseb

in Wikipedia, die vrye ensiklopedie
Jump to navigation Jump to search
Axali Doëseb
Gebore 1954
Okahandja
Nasionaliteit Namibië
Beroep Musikant
Bekend vir Volkslied van Namibië

Axali Doëseb (* 1954) is 'n kontemporêre musikant en komponis van Namibië. Hy het die melodie van sy land se volkslied, Namibië, Land van die Dapper gekomponeer, waarna hy die teks daarvan verwerk het. Hy is ook die dirigent van die Namibiese Nasionale Simfonieorkes.

Biografie[wysig | wysig bron]

Doëseb is in 1954 in Okahandja gebore. Hy is tydens sy skooljare aan musiek blootgestel, waar hy klavierlesse aan die Hoërskool Martin Luther geneem het. Hy het later die liturgie van die Evangeliese Lutherse Kerk in Namibië gekomponeer. Doëseb het 'n diploma in musiek aan die Musikschule Herford (in Duitsland) ontvang. In 1997 het hy 'n BA in Musiekwetenskap aan die Universiteit van Marlborough (Verenigde Koninkryk) verwerf.[1]

Nadat Namibië in 1990 sy onafhanklik van Suid-Afrika verkry het, is besluit dat dié land sy eie, unieke volkslied met kry. 'n Nasionale kompetisie is geloods om 'n nuwe volkslied te komponeer. Die kompetisie is deur Doëseb gewen, waarna hy Namibië, Land van die Dapper geskep het. Dié lied is vir die eerste keer in 1991 in die openbaar gespeel.[2] In dieselfde jaar aanvaar die Namibiese parlement 'n wetsontwerp wat dit tot amptelike volkslied verklaar.

As 'n bekende komponis, is Doëseb deur verskeie skole genader om hulle skoolliedere te komponeer. Hy was ook die voorsitter van 'n komitee getaak om 'n volkslied vir die Afrika-unie in Addis Abeba, Ethiopië te komponeer. In 2014 is hy tydens die NAMA-toekennings vir sy lewenslange bydrae vereer.[1]

Verwysings[wysig | wysig bron]

  1. 1,0 1,1 Namibia: Axali Doëseb to Be Honoured As a Lifetime Achiever At the Namas, besoek op 26 Augustus 2015
  2. "Namibia: Land of the Brave". NationalAnthems.info. Geargiveer vanaf die oorspronklike op 2014-03-31. Besoek op 16 Februarie 2010.