Babalas
- Hierdie artikel handel oor die rolprent. Vir die olikheid, sien babbelas.
| Babalas | |
|---|---|
| Regisseur | F.C. Hamman Peter Scott |
| Draaiboek | F.C. Hamman Carl Stemmet Anna-Marie Jansen van Vuuren |
| Met | Ian Roberts Norman Anstey Jack Parow |
| Musiek deur | Simeon Hamman |
| Kinematografie | F.C. Hamman |
| Redigeerder | Neels Smit |
| Ateljee | FC Hamman Films International |
| Uitgereik | 2 Augustus 2013 |
| Speeltyd | 106 minute |
| Land | Suid-Afrika |
| Taal | Afrikaans |
| Amptelike webtuiste | |
| IMDb-profiel | |
Babalas (sic) is 'n Afrikaanse rolprent wat op 2 Augustus 2013 in Suid-Afrika vrygestel is. Die rolprent is in Johannesburg, Mabalingwe, die Kalahariwoestyn en by Emperor's Palace verfilm.
Genre[wysig | wysig bron]
Die rolprent is 'n komedie waarin drie Suid-Afrikaanse karakters, Boet, Swaer en Moegae, van die Castrol TV-advertensies weer hulle verskyning maak na 'n dekade se afwesigheid. Dit het 'n ouderdomsperk van 10T (taal).
Hoofrolspelers[wysig | wysig bron]
- Ian Roberts as Boet
- Norman Anstey as Swaer
- Jack Parow as Neef
- Tammy-Anne Fortuin as Mia Moolman
- Hannes Muller as dr. Koegelenberg / Plank Koegelenberg / burgemeester Jaap Koegelenberg / Klasie Koegelenberg
- Wynand van Vollenstee as Theodore
- Neels van Jaarsveld as homself
- Michael de Pinna as homself
- Armon Barnard as Bernie
- Dawie Roodt as homself
- Hugh Masebenza as Pillay
- David James as dokter in kliniek
- Samela Tyelbooi as Thandi
- Riana Scholtz as tannie Bettie
- Taryn Nightingale as kykNET-vloerbestuurder
- Andrew Stock as Barman
- Rachel Monama as Rageltjie
- Ryan Dittmann as sjef
- David Ho as Ontvangspersoon
- Treasure Tshabalala as verontwaardiging kliënt
- Charlotte de Beer as Ontvangspersoon
- F.C. Hamman as (plaasvervanger) Swaer
- André Scholtz as (plaasvervanger) Boet
- Joe Mulaudzi as (plaasvervanger) Moegae
Storielyn[wysig | wysig bron]
Die pragtige Mia Moolman werk vir ’n geleentheidkoördineringsmaatskappy in Sandton en kry opdrag om ’n spoggeleentheid by Emperor’s Palace te reël, waar die suksesvolste advertensieveldtogte in die geskiedenis van Suid-Afrika vereer gaan word. Haar baas, Theodore, wat heimlik verlief is op Mia, stuur haar teen sy beterwete na die Kalahari om drie ou helde op te spoor.
Mia is totaal oorstelp toe sy die drie manne op die Kalahari Oasis se stoep aantref waar hulle steeds sit en kuier. By nadere ondersoek vind sy egter dat Boet nie daar is nie en dat Neef (Jack Parow) in sy plek waarneem. Mia verduidelik die doel van haar besoek en verneem angstig dat Boet terapie ontvang by die plaaslike kopdokter op Hotazel, want sy "varkies" het weggehardloop.
Mia het net vyf dae om die probleme op te los, maar dis 'n nagmerrie van begin tot einde soos alles verkeerdloop. Gaan sy in haar doel slaag om die manne betyds in Johannesburg te kry vir 'n TV-onderhoud en die groot aand by Emperor’s Palace?