Bagdad Café

in Wikipedia, die vrye ensiklopedie
Spring na: navigasie, soek
Bagdad Café
Bagdad cafe ver1.jpg
Regisseur Percy Adlon
Vervaardiger Percy Adlon
Dietrich von Watzdorf
Draaiboek Percy Adlon
Met Marianne Sägebrecht
Jack Palance
Musiek deur Bob Telson
Kinematografie Bernd Heinl
Redigeerder Norbert Herzner
Ateljee Bayerischer Rundfunk
Hessischer Rundfunk
Pelemele Film
Pro-ject Filmproduktion
Verspreider Island Pictures
Uitgereik 1987
Speeltyd 108 min. (Duits)
95 min. (Engels)
Land Wes-Duitsland, Amerika
Taal Duits, Engels
IMDb-profiel

Bagdad Café (ook bekend as Out of Rosenheim) is ’n Duitse rolprent van 1987 wat deur Percy Adlon geregisseer is. Dit is ’n komedie wat by ’n afgeleë vulstasie, padkafee en motel in die Mojave-woestyn in Kalifornië afspeel.[1] Dit handel oor twee vroue wat kort tevore van hul mans vervreemd geraak het en die vriendskap wat tussen hulle ontstaan.

Storielyn[wysig | wysig bron]

Die Duitse toeris Jasmin Münchgstettner (Sägebrecht) van Rosenheim en haar man baklei terwyl hulle deur die woestyn reis. Sy storm uit die motor en loop na ’n afgeleë vulstasie en kafee, wat bedryf word deur ’n rateltaai en humeurige Brenda (Pounder), wie se eie man kort daarna ná ’n rusie die pad vat. Jasmin huur ’n kamer in die aangrensende motel. Brenda vertrou aanvanklik nie die buitelander nie, maar raak later met haar bevriend en laat haar toe om in die kafee te werk.

’n Verskeidenheid kleurryke karakters besoek die kafee, onder andere ’n vreemde Hollywoodse oudverwer van rolprentstelle (Palance) en ’n glansryke tatoe-kunstenaar (Kaufmann). Met die vermoë om stilweg aanklank te vind by elke besoeker aan die kafee, aangehelp deur ’n passie vir skoonmaak en towerkunsies, het Jasmin gaandeweg ’n invloed op die kafee en almal daarin.

Akteurs[wysig | wysig bron]

  • Marianne Sägebrecht - Jasmin Münchgstettner
  • C.C.H. Pounder - Brenda
  • Jack Palance - Rudi Cox
  • Christine Kaufmann - Debby

Ontvangs[wysig | wysig bron]

Die prent het positiewe resensies gekry.[2][3][4] Dit het ’n positiewe reaksie van 88% gekry op Rotten Tomatoes.[5] Dit was ook by die loket ’n treffer en het in Amerika $3,59 miljoen verdien.[6][7]

Verwysings[wysig | wysig bron]

  1. Goldstein, Patrick (25 Mei 1995). "Percy Adlon's Trek to 'Bagdad Cafe' - Los Angeles Times". Articles.latimes.com. Verkry op 26 Junie 2012. 
  2. Thomas, Kevin (25 Mei 1995). "MOVIE REVIEW: 'Bagdad Cafe' Serves Endearing and Quirky Version of America - Los Angeles Times". Articles.latimes.com. Verkry op 26 Junie 2012. 
  3. Maslin, Janet (22 April 1988). "Movie Review - Bagdad Cafe - Review/Film; Exotic U.S. In Bavarian Perspective - NYTimes.com". Movies.nytimes.com. Verkry op 26 Junie 2012. 
  4. "Bagdad Cafe - Reviews". Rogerebert.suntimes.com. 9 September 1988. Verkry op 26 Junie 2012. 
  5. http://www.rottentomatoes.com/m/bagdad_cafe/
  6. [1] box office mojo, Bagdad Café, URL besoek op 3 Februarie 2014
  7. Klady, Leonard (8 Januarie 1989). "Box Office Champs, Chumps: The hero of the bottom line was the 46-year-old 'Bambi' - Page 2 - Los Angeles Times". Articles.latimes.com. Verkry op 26 Junie 2012. 

Eksterne skakels[wysig | wysig bron]