Bakkies Botha

in Wikipedia, die vrye ensiklopedie
Spring na: navigasie, soek
Bakkies Botha Sportportaal
Bakkies Botha-SA vs Scotland2009.jpg
Volle naam John Philip Botha
Bynaam Bakkies
Geboortedatum 22 September 1979 (1979-09-22) (38 jaar oud)
Geboorteplek Newcastle, KwaZulu-Natal
Lengte 2,02 m
Gewig 122 kg
Skool Vereeniging HTS
Middelburg HTS
Beroep Professionele Rugbyspeler
Rugbyloopbaan
Loopbaan as speler
Posisie(s) slot
Springbokno. 733
Amateurspanne
Jare Klub / span Weds (pte)
Harlequins
Professionele / senior klubs
Jare Klub / span Weds (pte)
2011- Toulon 65 (15)
korrek soos op 25 Augustus 2014.
Provinsiale- / Staatspanne
Jare Klub / span Weds (pte)
2000
2001–2011
Valke
Blou Bulle

50

(50)
korrek soos op 25 November 2013.
Superrugby
Jare Klub / span Weds (pte)
2002–2011 Bulls 95 (55)
korrek soos op 25 November 2013.
Nasionale span(ne)
Jare Land Weds (pte)
2002–2014 Vlag van Suid-Afrika Suid-Afrika 81 (35)
korrek soos op 25 Augustus 2014.

John Philip "Bakkies" Botha, wat gewoonlik op sy bynaam genoem word, (gebore 22 September 1979 in Newcastle, KwaZulu-Natal) is 'n Suid-Afrikaanse rugbyspeler wat as slot vir die Suid-Afrikaanse nasionale rugbyspan, die Springbokke, uitgedraf het. Hy het ook etlike jare vir die Blou Bulle se provinsiale span in die Curriebekerkompetisie en vir die Bulls Super 14-span gespeel. Botha is 2,02 meter lank en weeg 120 kilogram.

Botha het vir die onder-19 en onder-23 Springbokspanne gespeel voor hy vir die Suid-Afrikaanse "A"-span gekies is wat teen die einde van 2001 na Europa getoer het. Die volgende jaar is hy vir die Springbokspan gekies en het sy debuut gemaak teen Frankryk in Marseille op 9 September 2002, 'n wedstryd wat die Springbokke 30-10 verloor het.

Oor die jare het 'n gedugte vennootskap tussen Botha en Blou Bulspanmaat Victor Matfield ontwikkel. Saam het hulle 'n ongeëwenaarde vermoë gehad om hul teenstanders se lynstane te ontwrig en gereeld balbesit te bewerkstellig.

Botha word gesien as een van die mees onwrikbare slotte in wêreldrugby en is al verskeie kere van vuilspel beskuldig, vernaamlik onder voormalige Springbokafrigter Rudolf Straeuli. In sy eerste vier toetse is hy koelkas toe gestuur, dissiplinêre optrede onverwant aan die koelkas-episode ondergaan en het 'n skorsing van agt weke ontvang.[1] Sedert 2004 onder nuwe afrigter Jake White het dit geblyk dat sy omstrede spel iets van die verlede was. In sy vyftigste wedstryd vir die Bulls in 2006 het hy die span gelei in hulle Super 14-halfeindstryd teen die Crusaders.

In September 2006 het dit aan die lig gekom dat Botha R2 miljoen aangebied is vir 'n nuwe kontrak met die Sharks wat hom die hoogsbetaalde speler in Suid-Afrikaanse rugby sou maak.[2]

Botha hou saam met Victor Matfield die rekord vir die slotpaar wat in die meeste internasionale wedstryde langs mekaar gespeel het. Tydens sy rugbyloopbaan het hy die Vodacombeker, Curriebeker, Superrugbytrofee, Rugbywêreldbeker, ’n toetsreeks teen die Britse en Ierse Leeus, én die Europese Heinekenbeker gewen.[3]

Verwysings[wysig | wysig bron]

  1. "Rugby Union World Cup Special Reports: South Africa", The Guardian, 6 Oktober 2003.
  2. "Botha the Bulls' R2m man", Planet Rugby, 17 September 2006.
  3. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]