Bandskuurder

in Wikipedia, die vrye ensiklopedie
Hand-gehoude bandskuurder
'n Stilstaande bandskuurder

'n Bandskuurder is 'n skuurmasjien wat gebruik word vir die vorming van en die afwerking van hout en ander materiaal.[1] Dit bestaan uit 'n elektriese motor wat twee dromme draai waarop 'n aaneenlopende lus skuurpapier gemonteer is. Bandskuurders kan handgehou wees en beweeg word oor die materiaal, of stilstaande (vas) wees, waar die materiaal verskuif word na die skuurband. Stilstaande bandskuurders word soms op 'n werksbank gemonteer, in welke geval hulle bankskuurders genoem word. Hulle word dikwels met 'n skyfskuurder gekombineer.

Bandskuurders kan 'n baie aggressiewe aksie op die hout uitoefen en word normaalweg slegs vir die beginstadiums van die skuurproses gebruik, of om vinnig materiaal te verwyder. Soms word hulle ook gebruik vir die verwydering van verf of die afwerking van hout. Bandskuurders kan ook gebruik word om 'n geheel-gladde oppervlak te bereik, indien toegerus met fyn skuurpapier.

Bandskuurders wissel in grootte van die klein draagbare eenhede tot die wat wyd genoeg is om 'n volle 1,2 x 2,5 m (4 by 8 voet vel) laaghout in 'n produksie-aanleg te skuur. Sommige bandskuurders kan so groot wees soos 1,2 x 0,7 meter. Die skuur van hout produseer 'n groot hoeveelheid saagsels. Daarom word bandskuurders gebruik in houtwerk gewoonlik toegerus met 'n soort stofversamelingstelsel. Dit kan so eenvoudig wees soos 'n lapfiltersak verbind aan 'n draagbare skuurder, of 'n groot vakuumstelsel om stofdeeltjies weg te suig na 'n sentrale versamelaar.

Verwysings[wysig | wysig bron]

  1. Chris Baylor. "Belt Sanders - Woodworking Tools - How to Use a Belt Sander" (in Engels). Woodworking.about.com. Geargiveer vanaf die oorspronklike op 17 Januarie 2017. Besoek op 6 Maart 2014.