Clanwilliam-saagvin

in Wikipedia, die vrye ensiklopedie
(Aangestuur vanaf Barbus serra)

Clanwilliam-saagvin
Wetenskaplike klassifikasie
Domein:
Koninkryk:
Filum:
Subfilum:
Infrafilum:
Superklas:
Klas:
Subklas:
Infraklas:
Superorde:
Orde:
Familie:
Genus:
Spesie:
B. serra
Binomiale naam
Barbus serra
(Peters), 1864

Die Clanwilliam-saagvin (Barbus serra) is 'n varswatervis wat voorkom in die Olifantsrivier. In Engels staan dit bekend as die Clanwilliam sawfin.

Voorkoms[wysig | wysig bron]

Die onvolwasse visse is silwerkleurig met onreëlmatige swart kolle op. Die volwasse visse is diep olyfgroen en ligroomkleurig aan die onderkant. Daar is twee pare baarde om die bek, die snoet is lank en gepunt en die bek is klein. By broeiende visse (beide geslagte) is daar klein tuberkels op die kop. Die dorsale vin is benerig en getand. Die vis word tot 500 mm lank en die Suid-Afrikaanse hengelrekord is 3.04 kg.

Verspreiding[wysig | wysig bron]

Die vis is endemies aan die Olifantsrivier.

Habitat[wysig | wysig bron]

Hulle verkies diep poele en die hoofstrome om in te leef. Die jonger vissies verkies om in kleiner sytakke te leef. Hulle broei in die somer; hulle kom in groot groepe saam in diep poele onder watervalle en stroomversnellings. Die vis vreet insekte en ander ongewerweldes asook alge en detritus vanaf die bodem.

Bewaringstatus[wysig | wysig bron]

Die vis is bedreigd en die populasie het afgeneem sedert baars losgelaat is in die Olifantsrivier. Die bou van groot damme en toenemende beskadiging van hul habitat het ook 'n negatiewe impak op die populasie.

Sien ook[wysig | wysig bron]

Bron[wysig | wysig bron]

Eksterne skakel[wysig | wysig bron]