Barend Strydom

in Wikipedia, die vrye ensiklopedie
Jump to navigation Jump to search
Barend Strydom
Bynaam Wit Wolf
Geboortenaam Barend Hendrik Strydom
Gebore 1965
Nasionaliteit Suid-Afrika
Bekend vir Massamoord op Strijdomplein
Huweliksmaat Karin Rautenbach

Barend Hendrik Strydom, ook bekend as die Wit Wolf, is 'n veroordeelde massamoordenaar. Hy het op 15 November 1988 op Strijdomplein in Pretoria met 'n 9mm Beretta-pistool op swartmense losgebrand. Tydens die voorval is sewe mense doodgeskiet en 'n verdere 15 gewond. Hy het vroeër ook 'n vrou in 'n oefenlopie ter voorbereiding vir die slagting doodgemaak en 'n ander beseer.[1]

Strydom was ten tye van die misdaad 23 jaar oud en het beweer dat hy die leier van die Wit Wolwe was. Die polisie het later bevind dis slegs 'n versinsel van sy verbeelding. Strydom het beweer dat hy 'n Christen is, en het lank nagedink en vir 'n aantal dae gebid voordat hy die misdaad gepleeg het. Hy het later beweer dat God geen teken aan hom gegee het om nie met sy planne voort te gaan nie.

Hy is aanvanklik ter dood veroordeel, maar die Suid-Afrikaanse regering het in 1990 'n moratorium op die doodstraf geplaas. Op 28 September 1992 word hy deur president F.W. de Klerk as een van 150 politieke gevangenes vrygestel. Robert McBride, 'n moordenaar van die teenoorgestelde kant van die politieke spektrum, is ook hiertydens vrygelaat.[2]

Strydom het later, na die eerste volledige demokratiese verkiesing van 1994, amnestie vir sy dade van die Waarheid-en-versoeningskommissie ontvang. In 1991 skryf hy 'n brief waarin hy die Wit Wolwe-organisasie "ter wille van eenheid in regse geledere" ontbind, en die tuig as president-generaal van die Wit Wolwe neerlê.[3]

Verwysings[wysig | wysig bron]

Verdere naleeswerk[wysig | wysig bron]