Bariet

Bariet
Formule	BaSO4)
Nickel-Strunz (10)	7.AD.35
Kleur	kleurloos. Soms wit, geel, bruin, grys ens.
Streep	wit
Glans	glasagtig, pêrelagtig
Hardheid	3 (Mohs)
Optiese eienskappe
Dubbelbreking	tweeassig (+)
RI-waardes	nα = 1.636 nβ = 1.637 nγ = 1.648
Ruimtegroep	Pnma
Strukturbericht-kode	H0₂
Nommer	62
Eenheidsel	a = 888,4(1) pm, b = 545,7(3) pm ,c = 715,7(2) pm
* Lys van minerale
Portaal Geologie

Bariet is die mineraalvorm van bariumsulfaat en dit is die belangrikste kommersiële vorm van barium.

Die naam bariet is afgelei van die Griekse woord βαρύτης (barútēs, “gewig”). Die mineraal kom in 'n groot aantal afsettingsomgewings voor en word deur 'n groot aantal prosesse gevorm, insluitend biogenies, hidrotermies en verdamping. Bariet kom algemeen voor in lood-sink-are in kalksteen, in warmwaterbronafsettings en saam met hematieterts en met die minerale anglesiet en selestien. Bariet en selestien vorm 'n reeks mengkristalle (Ba,Sr)SO₄.

In Suid-Afrika

Sedimentêre bariete word in laat-Paleosoïese sedimente in die noordoostelikste deel van Suid-Afrika en aangrensende dele van Zimbabwe aangetref. Die bariethorison bestaan uit twee lae van 'n dikte tot 50 cm binne 'n reeks gedeeltelik porseleinagtige skalies. Dit is donkergrys tot rooibruin van kleur, op plekke ook swart, en bevat dan spore van waterstofsulfied (H₂S). Dit bestaan gewoonlik uit fynkorrelige, subronde, tabulêre korrels van detritale oorsprong.