Barry Douglas

in Wikipedia, die vrye ensiklopedie
Jump to navigation Jump to search
Barry Douglas
Barry Douglas.jpg
Agtergrondinligting
GeboortenaamWilliam Barry Douglas
Gebore23 April 1960 (1960-04-23) (60 jaar oud)
Belfast, Noord-Ierland
GenresKlassiek
Beroep(e)Pianis, dirigent
InstrumenteKlavier
Jare aktief1978–tans
EtiketteRCA Victor Red Seal
Satirino France
Chandos
Webwerfwww.barrydouglas.com

William Barry Douglas (gebore op 23 April 1960[1] in Belfast, Noord-Ierland) is 'n klassieke pianis en dirigent.

Vroeë lewe en onderrig[wysig | wysig bron]

Douglas het klavier, tjello,klarinet en orrel gestudeer terwyl hy in Belfast grootgeword het. Hy het aanvanklik in Belfast gestudeer terwyl hy die Methodist College aldaar bygewoon het. Op 16-jarige leeftyd het hy lesse ontvang van Felicitas LeWinter, te wete 'n leerling van Emil von Sauer. In Londen het hy vier jaar by John Barstow gestudeer, en daarna privaat by Maria Curcio, [2][3]welke die laaste en gunsteling leerling van Artur Schnabel was. Hierna het hy voortgegaan met sy studies en by die Russiese pianis Jefgeni Malinin in Parys studeer. Hy het die bronsmedalje tydens die Van Cliburn Internasionale Klavierkompetisie in 1985 in Texas verower en in 1980 tweede prys gewen tydens die Paloma O'Shea Internasionale Klavierkompetisie in Spanje. Hy het in 1986 die goue medalje tydens die Internasionale Tsjaikofski-kompetisie gewen; hiermee het hy die eerste nie-Russiese pianis sedert Van Cliburn in 1958 geword wat die kompetisie kon wen. [4]

Loopbaan[wysig | wysig bron]

Douglas se debuutalbum is 'n opname van Modest Moessorgski se Prente by 'n Uitstalling. Hy het sedertdien verskeie opnames gemaak, en in 2007 saam met Camerata Ierland die vyf klavierconcertos van Beethoven sowel as sy Trippelconcerto (met Kim Chee-yun en die tjellis Andrés Díaz) opgeneem. Hy is die artistieke direkteur van die Internasionale Klavierfees in Manchester, Engeland en die Clandeboye-fees in Clandeboye, Bangor, County Down. Hy het die musikale ensemble, Camerata Ireland, in 1998 op die been gebring,[5] met Elizabeth II en Mary McAleese (die destydse President van Ierland) as gesamentlike beskermhere.

Douglas spandeer toenemend tyd aan die dirigeer van die Camerata Ireland-orkes. Hy het reeds siklusse van die volledige Beethoven (in November 2002), Mozart en Schubert -simfonieë en Mozart-konserte in 2000 en 2001 gedirigeer. Hy het ook opnames vir die RCA Victor Red Seal, Chandos (die solo-klavierwerke van Brahms) en Satirino France plate-etikette gemaak.

Verwysings[wysig | wysig bron]

  1. "Birthday's today" (in Engels). The Telegraph. 23 April 2012. Geargiveer vanaf die oorspronklike op 15 Januarie 2020. Besoek op 21 April 2014. Mr Barry Douglas, concert pianist, 52
  2. Immelman, neil, 14 April 2009, Maria Curcio, Obituaries, guardian.co.uk
  3. 7 April 2009, Mario Curcio, Obituaries, Telegraph,
  4. Melinda Bargreen (1 Februarie 2009). "Irish piano star Barry Douglas can do it all". Seattle Times. Geargiveer vanaf die oorspronklike op 17 Maart 2010. Besoek op 6 February 2010.
  5. "Camerata Ireland with Barry Douglas". Library of Congress. Besoek op 6 Februarie 2010.

Eksterne skakels[wysig | wysig bron]