Basring

in Wikipedia, die vrye ensiklopedie
Jump to navigation Jump to search
Basring in Lille, Frankryk.

Basring ((en) girdling of ring barking) is die volledige verwydering van 'n rondom-strook bas van 'n houtagtige plant. Die bas bestaan uit kurkkambium, floëem, kambium (en eindig voor die xileem) regoor die hele omtrek van óf 'n tak of stam van 'n plant. Basring veroorsaak die dood van houtweefsel bokant die skade. 'n Tak wat heeltemal gering is, sal afsterf, en as die hoofstam van 'n boom gering word, sal die hele boom mettertyd vrek, indien dit nie kan hergroei van bo om die wond te oorbrug nie.

Onder die oorsake van basring is menslike praktyke, insluitend bosbou, tuinbou en vandalisme. Bosbouers gebruik die tegniek van boomring om woude uit te dun en vrugteboere gebruik dit as 'n kulturele tegniek om groter vrugte te lewer. Basring word ook veroorsaak deur plantetende soogdiere wat voed op plantbas, soos olifante wat boombas van nature stroop. Voëls en insekte kan ook albei 'n boom effektief ring deur die boor van rye aangrensende gate in die stam.

Basring kan ook per ongeluk plaasvind, bv. wanneer 'n jong groeiende plantjie se stammetjie aan 'n regop stok vasgebind word. Indien die tou te styf getrek is, sny dit in die bas in en smoor dit na 'n ruk heeltemal af.

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.