Beşiktaş JK (sokker)
| Beşiktaş | |||||||||||||||||||||||||||||||||
 | |||||||||||||||||||||||||||||||||
| Volle naam | Beşiktaş Jimnastik Kulübü | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Bynaam/me | Kara Kartallar (Die Swart Arende) | ||||||||||||||||||||||||||||||||
| Stigting | 3 Maart 1903 as (Bereket Jimnastik Kulübü)[1] 1911 (eerste sokkerspan)[2] | ||||||||||||||||||||||||||||||||
| Tuisveld | Beşiktaş-stadion, Istanboel | ||||||||||||||||||||||||||||||||
| Kapasiteit | 42 590 | ||||||||||||||||||||||||||||||||
| President |  Serdal Adalı | ||||||||||||||||||||||||||||||||
| Afrigter | Sergen Yalçın | ||||||||||||||||||||||||||||||||
| Liga | Süper Lig | ||||||||||||||||||||||||||||||||
| |||||||||||||||||||||||||||||||||
Beşiktaş JK (Turkse uitspraak: [beˈʃiktaʃ]), afgekort as BJK, is die sokkerafdeling van die Turkse professionele sportklub Beşiktaş Jimnastik Kulübü, wat in 1903 gestig is en in die Beşiktaş-distrik van Istanboel gebaseer is. Die klub se sokkerspan is een van die "Groot Drie" in Turkye (benewens Fenerbahçe en Galatasaray) en een van die mees suksesvolle spanne in die land, en het nog nooit na ’n laer afdeling afgesak nie. Dit was die eerste geregistreerde sportklub in die land en een van die min wat die reg verkry het om die Turkse vlag op sy wapen te dra.
Die sokkerspan het reeds 21 ligatitels gewen, insluitend 16 Turkse Süper Lig-, drie Turkse Nasionale Afdeling- en twee Turkse Sokkerkampioenskap-titels, tesame met 11 Turkse Beker-titels. Beşiktaş is ook die enigste span wat die Süper Lig onoorwonne gewen het, in die 1991–92-seisoen. Die span het laas die Turkse Süper Lig-titel in die 2020–21-seisoen en die Turkse Beker in die 2023–24-seisoen gewen. Die klub se tuisveld is Beşiktaş-stadion, ’n stadion met ’n kapasiteit van 42 590 sitplekke, geleë langs die Dolmabahçe-paleis. Die stadion word beskou as een van die beste in die wêreld ten opsigte van ligging, ontwerp, gerief, tegnologie, atmosfeer en vervoer.[3][4]
Die span neem ook gereeld aan Europese kompetisies deel. Beşiktaş het die kwartfinaal van die Europese beker 1986–87 gehaal en die beste Turkse spanprestasie in die Champions League-groepfase gelewer deur 14 punte te behaal en onoorwonne deur te dring in die 2017–18-seisoen. Beşiktaş het ook twee keer die kwartfinaal van die UEFA Europa League bereik – in die 2002–03 en 2016–17 seisoene. Volgens sy UEFA-koëffisiënt is Beşiktaş tans die vyfde hoogste geplaaste Turkse span en tweede algeheel ná sy mededinger Galatasaray.[5]
Die klub se aanhangersgroep, Çarşı ("Die Basaar"), is wêreldwyd bekend.[6] Hulle is gekies as die beste aanhangersgroep in ’n stemming onder Amerikaanse sportkykers, danksy hul 132-desibel geraasrekord tydens ’n wedstryd teen Liverpool in 2007.[7] Die groep is betrokke by sosio-politiese sake en word tradisioneel beskou as werkersklas en links-gesind.[8] Die hoogste bywoning ooit in die Turkse liga se geskiedenis is aangeteken tydens ’n Beşiktaş-Galatasaray-derby met 76 127 toeskouers.[9][10]
Verwysings
[wysig | wysig bron]- ↑ "Kuruluş" (in Turks). Beşiktaş J.K. Geargiveer vanaf die oorspronklike op 26 Maart 2021. Besoek op 28 Julie 2021.
1903 Mart'ında ise özel bir izinle Bereket Jimnastik Kulübü kuruldu.
- ↑ "Beşiktaş and Football" (in Engels). Beşiktaş J.K. Geargiveer vanaf die oorspronklike op 13 Mei 2020. Besoek op 28 Julie 2021.
- ↑ "Stadium of the Year 2016 – StadiumDB.com". stadiumdb.com. Besoek op 12 Desember 2021.
- ↑ "Liverpool FC & Las Vegas project pipped by Besiktas Vodafone Park for stadium 'Project of the Year Award'". Turkish Football (in Engels). 30 November 2017. Geargiveer vanaf die oorspronklike op 22 Desember 2017. Besoek op 12 Desember 2021.
- ↑ UEFA.com (1 Julie 2018). "Club coefficients | UEFA rankings". UEFA (in Engels). Besoek op 17 April 2024.
- ↑ Batuman, Elif (27 Februarie 2011). "The View from the Stands". The New Yorker (in Engels). Geargiveer vanaf die oorspronklike op 27 Junie 2021. Besoek op 27 Junie 2021.
- ↑ Tozar, Türker (20 Februarie 2018). "What makes round of 16 debutants Beşiktaş special?" (in Engels). UEFA. Geargiveer vanaf die oorspronklike op 27 Junie 2021. Besoek op 27 Junie 2021.
- ↑ McManus, John (24 November 2009). "Besiktas fans reveal united front" (in Engels). BBC. Besoek op 27 Junie 2021.
- ↑ "Atatürk Olimpiyat Stadı'nda seyirci rekoru" (in Turks). Istanbul: Sözcü. 22 September 2013. Geargiveer vanaf die oorspronklike op 6 Oktober 2019. Besoek op 9 Augustus 2021.
- ↑ "Beşiktaş-Galatasaray derbisinde 76 bin 127 seyirci" (in Turks). Milliyet. 1 Desember 2017. Geargiveer vanaf die oorspronklike op 9 Augustus 2021. Besoek op 9 Augustus 2021.
