Beeskaroo

in Wikipedia, die vrye ensiklopedie
Jump to navigation Jump to search

Beeskaroo
Wetenskaplike klassifikasie
Koninkryk:
(geen rang):
(geen rang):
(geen rang):
Orde:
Familie:
Subfamilie:
Tribus:
Genus:
Spesie:
P. punctata
Binomiale naam
Pentzia punctata
Harv.
Sinonieme
  • Pentzia burchellii (DC.) Fenzl
  • Tanacetum burchellii DC.[1]

Die beeskaroo[2] (Pentzia punctata Harv.) is 'n plant endemies aan Suid-Afrika. Dit kom veral in die suidelike Nama-Karoo in die provinsies Noord-, Oos- en Wes-Kaap voor en is op die SANBI-rooilys as 'veilig' (LC) gelys.[3]

Die plant is 'n veelvertakte spreidende struikie. Die blare word op 'n stingel gedra; hulle is donserig of onbehaard en het 2-3 pare pinnae.[4]

Navorsing op die Tafelberg naby Middelburg, Oos-Kaap (31°35′S 25°10′O / 31.583°S 25.167°O / -31.583; 25.167) het aangetoon dat die oop geel blommetjies van hierdie spesie die volopste besoek van bestuiwende insekte ontvang het. Hierdie streek lê in die somerreënvalgebied op 1150 tot 1649 m hoogte en ontvang ongeveer 341 mm reën per jaar. P. punctata is die volopste blom op die mesa se noordoostelike helling (80% van die waarnemings) en dit word deur 'n groot verskeidenheid insekte besoek.[5]

Verwysings[wysig | wysig bron]

  1. "Plant list" (in Engels). Geargiveer vanaf die oorspronklike op 30 April 2020.
  2. ook: berggansie, beeskaroobossie of beesbossie. Daar is nogtans ander plante wat ook beesbossie genoem word.
  3. "SANBI" (in Engels). Geargiveer vanaf die oorspronklike op 30 April 2020.
  4. Flora Capensis: Being a Systematic Description of the Plants of the Cape Colony, Caffraria, & Port Natal, Volume 3 William Henry Harvey, Otto Wilhelm Sonder Hodges, Smith, and Company, 1865, bls. 172
  5. Elevation gradients of flower visitation on a mesa in the Nama Karoo, South Africa Philip Kirk, Franci Gilbert Egyptian Journal of Biology, 11, 2009, bls. 84-90

Eksterne skakels[wysig | wysig bron]