Ben Lavin-natuurreservaat
Die Ben Lavin-natuurreservaat (soms Manahvela-natuurreservaat genoem) is ‘n beskermde natuur-, argeologiese en ontspanningsterrein in die provinsie Limpopo.
Ligging
[wysig | wysig bron]Die reservaat van 25 km² is nagenoeg rondom die punt 23° 8′ 31″ suid en 29° 58′ 51″ oos. Dit is op die suidelike voetheuwels van die Soutpansberge, 12 km suidoos van Louis Trichardt en 90 km noordoos van Polokwane.
Geriewe
[wysig | wysig bron]Die reservaat bied aan besoekers vakansiehuisies, kampeerplekke, geriewe vir woonwaens, voetslaanpaaie, bergfietsroetes en 45 km aan motorpaaie om wild te besigtig.
Argeologiese reste en fauna
[wysig | wysig bron]Argeologiese oorblyfsels uit 1250 n.C. kan hier gesien word. ‘n 230 voëlspesies kan vanuit ‘n paar voëlkykhutte bekyk word. Die bekendste is die gewone melba, gewone blousysie, Maricovlieëvanger, witvlerkflap en die swartkatakoeroe. Rondom die watergate kan o.a. kameelperde, sebras, basterhartbeeste, koedoes, wildebeeste, impalas en waterbokke teengekom word. Bosvarke, vlakvarke, jakkalse en luislange is volop.
Geskiedenis
[wysig | wysig bron]Na die Eerste Wêreldoorlog was die gebied die eiendom van die bewaringsgesinde Ben Lavin. Sedert 1975 is dit in besit van WESSA en ‘n 20 jaar later is die plaaslike gemeenskap in die bestuur van die oord betrek.
Bibliografie
[wysig | wysig bron]- africawild-forum.com/viewtopic.php?t=257
- sa-venues.com/game-reserves/ben-lavin.php
- tripadvisor.ie/ShowUserReviews-g312620-d13204848-r680358687-Ben_Lavin_Nature_Reserve-Louis_Trichardt_Limpopo_Province.html
- wheretostay.co.za/topic/4490-ben-lavin-nature-reserve-louis-trichardt-limpopo