Bergrugtolbos
| Bergrugtolbos | |
|---|---|
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| Orde: | |
| Familie: | |
| Genus: | |
| Spesie: | L. comosum
|
| Subspesie: | L. c. subsp. comosum
|
| Trinomiale naam | |
| Leucadendron comosum subsp. comosum | |
Die Bergrugtolbos (Leucadendron comosum subsp. comosum) is 'n blomdraende struik en subspesie van Leucadendron comosum, wat tot die genus Leucadendron behoort en deel van die fynbos-bioom vorm. Die plant is endemies aan die Wes-Kaap en die Oos-Kaap waar dit voorkom in die Langeberg, Outenikwaberge, Kougaberge, Swartberg, Touwsberg en Rooiberg.
Die struik word tot 1.7 m hoog en vrek nadat dit gebrand het maar die sade oorleef. Die struik blom van Oktober tot November. Die sade word in 'n tol op die vroulike plant geberg en val eers grond toe wanneer die blom ryp geword het en word deur wind versprei, die sade het vlerkies. Die plant is eenslagtig en daar is afsonderlike plante met manlike en vroulike blomme, wat deur klein kewers bestuif word. Die plant groei hoofsaaklik in bergagtige gebiede in sandsteen grond op hoogtes van 600 - 1 400 m.
In Engels staan dit as die Common Ridge-cone conebush bekend. Daar is ook 'n ander subspesie: Leucadendron comosum subsp. homaeophyllum.