Cobus van der Walt
Cobus van der Walt | |
|---|---|
| Geboortenaam | Jacobus Bernardus van der Walt |
| Ook bekend as | Bernardt James |
| Gebore | 2 Junie 1981 Evander, Suid-Afrika |
| Genres | Instrumentaal, klasieke kontemporêre musiek |
| Beroep(e) | Musikant |
| Instrumente | Klavier |
| Webwerf | www |
Jacobus Bernardus van der Walt beter bekend deur sy verhoogsnaam Bernardt James (gebore op 2 Junie 1981 in Evander, Suid-Afrika) is 'n opnamekunstenaar, uitvoerende musikant en komponis.[1]
Op 'n vroeë ouderdom het Bernardt James uitsonderlike musikale vermoë openbaar en die klavier as sy kreatiewe medium gekies. Onder die leiding van sy musiekonderwyseres, Marietjie Steyn (by Hoërskool Volksrust) het Bernardt gehelp musikaal ontwikkel en hy het so begin om sy eie musiek te komponeer. Hy het ook van sy eie komposisies in plaaslike talentkompetisies en vir klaviereksamens gebruik.[2][3]
Van 2003 tot 2005 was Bernardt die permanente pianis by die "Palace Of The Lost City" te Sun City. Terwyl hy daar gespeel het, het hy daaglikse uitvoerings by die "Crystal Court" en die "Villa del Palazzo" gelewer. Meer onlangs tree Bernardt in Johannesburg op by plekke soos The Grace Hotel, Michelangelos, Gold Reef City, Sandton Sun, The Hilton, The Residence en Maximillien (in Sandton).
Op 23 Oktober 2014 het Bernardt op sy webwerf verduidelik wat elke liedjie op sy albums: "A song to remember" en "Music all around" beteken. Die album "A song to remember" was opgedra aan sy ouma (Maria Janse van Rensburg) wat teen einde 2012 oorlede is.[4]
Bernardt se album "Symphonic Impressions" is vrygestel in September 2023. Hy het tans 9 albums vrygestel.[5]
Bernardt se nuutste album "To Live In The Moment" is vrygestel in Augustus 2024. Hy het tans 10 albums vrygestel.
Oor sy Musiek
[wysig | wysig bron]Bernardt James se musiek staan bekend vir sy emosionele diepte, tegniese presisie en verfyndheid. As pianis, komponis, opnemende kunstenaar en uitvoerende kunstenaar het hy ’n unieke vermoë om ’n wye reeks emosies deur sy musiek op te roep. Sy komposisies kombineer dikwels klassieke elemente met kontemporêre invloede, wat ’n kenmerkende klank tot gevolg het.
James se werk weerspieël dikwels sy persoonlike ervarings en inspirasies. Sy album Awakened is byvoorbeeld geïnspireer deur sy reise in Denemarke. Die album bevat komposisies wat die essensie van die land se kultuur en landskappe vasvang. Werke soos Roskilde en Copenhagen dien as musikale portrette van hierdie stede en bied luisteraars ’n klankreis van ontdekking.
Sedert die vrystelling van sy eerste snitte in 2009 het Bernardt James meer as 15 miljoen streams wêreldwyd gekry.
Diskografie
[wysig | wysig bron]- A song to remember (2013)
- Music all around (2014)
- Risurrezione (2015)
- Unresolved (2017)
- Pensato (2019)
- Impromptu Impressions (2020)
- Awakened (2021)
- Synchroneity (2022)
- Symphonic Impressions (2023)
- To Live In The Moment(2024)
Verwysings
[wysig | wysig bron]- ↑ Wikitree geboorteregister
- ↑ "2003 Rapport ATKV Crescendo". Geargiveer vanaf die oorspronklike op 6 Oktober 2015. Besoek op 11 Januarie 2015.
- ↑ "2002 Rapport ATKV Crescendo". Geargiveer vanaf die oorspronklike op 6 Oktober 2015. Besoek op 11 Januarie 2015.
- ↑ "Liedere se betekenis van albums". Geargiveer vanaf die oorspronklike op 6 Oktober 2015. Besoek op 11 Januarie 2015.
- ↑ "Albums". Geargiveer vanaf die oorspronklike op 11 Julie 2013. Besoek op 26 Mei 2024.
