Bert Olivier

in Wikipedia, die vrye ensiklopedie
Jump to navigation Jump to search

Gysbert (Bert) Olivier is professor in filosofie aan die Nelson Mandela Metropolitaanse Universiteit in Port Elizabeth (vroeër Universiteit van Port Elizabeth). Hy is in 1946 gebore en behaal sy doktorsgraad in 1979 oor die moderne denker Descartes. Hy het in 2004 die Stalsprys vir Geesteswetenskappe in filosofie van die Suid-Afrikaanse Akademie vir Wetenskap en Kuns ontvang, en publiseer gereeld in nasionale en internasionale vakkundige tydskrifte. Hy is die outeur van 3 boeke in die filosofie en kunskritiek. Sy werk is hoofsaaklik in die velde van kunsfilosofie (veral filosofie van film), psigoanalitiese teorie en kultuurfilosofie.