Bespreking:Analise

in Wikipedia, die vrye ensiklopedie
Jump to navigation Jump to search

Name[wysig bron]

Dankie vir die moeite met die artikel, Petronell Vorster! Ek wou gou hoor: wat sou die meervoud "calculi" beteken? Ek neem aan dit is gewoon die meervoud in Latyn (telklippies), maar dit dra geen betekenis vir my nie, en is definitief nie gebruiklik in Afrikaans (in Wiskunde) nie. Die verwysing daarna lyk dus verwarrend. Verder wil ek net aanmoedig om die artikel as geheel ook na te gaan. Die titel is "analise" maar jou nuwe bydraes gebruik hoofsaaklik "calculus". Daar is ook "kalkulus". Die Engelse Wikipedia (en klaarblyklik 'n klomp ander tale) onderskei tussen analise en calculus, maar ons artikel hier voeg dit nou saam in een artikel. Ek is geen kenner op die gebied nie, maar is dit dalk die moeite werd om dit ook te skei? 'n Verwarrende deel van die inleiding lui nou "ʼn Kursus in calculus word beskou as die begin tot ander [...] kursusse in wiskunde ([...] wiskundige analise)" maar die inleiding het vroeër gesê dat analise en calculus dieselfde ding is. Groete, Alias (kontak) 06:09, 31 Mei 2017 (UTC)

Dankie vir die verdere moeite, Petronell. Ons sit myns insiens steeds met 'n tameletjie: Die artikel se titel is "analise", dit skakel na ander tale se artikels oor "analise", soos bv. die Engelse en:mathematical analysis (sien gerus die kantbalk links van die artikel), maar die inhoud verwys deurgaans na "calculus". Verstaan ek reg dat jy die artikel uitgebrei het op grond van die Engelse artikel en:calculus? Dan kan ons dit nie nou laat verwys na en:mathematical analysis nie. Alhoewel dinge nou meer konsekwent is as vantevore, sê die eerste sin egter steeds "Analise, ook algemeen bekend as calculus..." wat nie help in hierdie warboel nie. Sê gerus as ek die kat aan die stert beet het. Ek hoop jy kan dit uitklaar vir die lesers. Sterkte! --Alias (kontak) 17:42, 15 Junie 2017 (UTC)