Bespreking:Camille Arambourg

Hi FFouche, 'n geoloog en 'n paleontoloog is per definisie ('n soort) wetenskaplike. Moenie dit dupliseer in die kategorie-boks nie. Groete --Aliwal2012 (kontak) 16:47, 12 Oktober 2017

Hi Aliwal2012, wat is die kriteria wat jy gebruik om te besluit wanneer om een kategorie te gebruik instede van meer as een kategorie? Daar is bv. 'n aparte kategorie vir plantkunde en dierkunde (albei verwante wetenskappe), en soortgelyk is geologie en paleontologie ook aparte velde, wat soms deur dieselfde persoon bestudeer word (net soos met dierkunde en paleontologie).

Daar is ook artikels wat persone lys wat elkeen van hierdie velde bestudeer, met sommige persone wat op twee lyste voorkom (in bv. die engelse wikipedia).Persoonlik verkies ek 'n duidelike onderskeid tussen verskeie velde, maar hoor graag jou mening.

Groete gebruiker:FFouche 13:32, 13 Oktober 2017‎

Hallo weereens! Dankie dat jy vra. Hier is jou antwoord in kort:

'n Persoon of enige artikel kan in 2, 3 of selfs 10 kategorieë voorkom, dit maak nie saak nie! geologie en paleontologie is aparte velde, dit kan só gelys word, ja! Maar G en P is "kinders" (dus onderafdelings) van kategorie:wetenskaplikes.

Dis wat ek bedoel het met moenie kategorie:wetenskaplikes ook lys nie, dit is hoër op in die "rangorde". Maak dit sin?

Ek weet SpesBona is streng oor hierdie riglyn, as jy nog onseker is hieroor, kontak hom asb.

Groete --Aliwal2012 (kontak) 16:51, 13 Oktober 2017 (UTC)