Bespreking:De Goede Hoop Koshuis

in Wikipedia, die vrye ensiklopedie
Jump to navigation Jump to search

Ensiklopedies noemenswaardig[wysig bron]

"...pas geen raskwota toe." En só word dit ensiklopedies noemenswaardig... Mens kan net wonder wat ander koshuise se kwota vir buiteaardse studente, zombie-matrikulante en aktiewe Latynsprekers is? --Voyageur (kontak) 08:05, 2 Mei 2017 (UTC)

Is daar Suid-Afrikaanse universiteite, waar studente in ander Suid-Afrikaanse tale mag studeer of was daar net Afrikaans en Engels as tale? Mag Xhosas in Xhosa en Zoeloes in Zoeloe studeer? -- 85.212.249.196 12:22, 2 Mei 2017 (UTC)

As dit wél aangebied sou word, sou hulle dit as "minderwaardig" probeer afmaak. Daar is 'n heel ander kwessie: Die belangrikste uitvoerlande met die mees uitgebreide industriële basis is almal nie-Engelssprekend. Suid-Korea het die beste presteer in die afgelope vyf dekades. Die vraag is dan tog of alle tersiêre onderwys moontlik liewer in Sjinees, Koreaans, Duits en Frans aangebied moet word omdat dié tale toegang tot tegnologiese leierskap en die wêreldmark bied. Engels is tog die have nots-taal in dié opsig. Kyk net wat ons alles moet invoer uit die bogenoemde lande omdat ons self nie eers in staat is om 'n noemenswaardige nywerheidsbasis te handhaaf/te ontwikkel nie. --Voyageur (kontak) 14:37, 2 Mei 2017 (UTC)


Ek weet die blad is relevant vir die volgende reders. As die Wiki-blad voltooi word sou u geweet het: dat dit 'n privaat instelling is en nie verbind is tot die universiteit nie As die Wiki-blad voltooi word sou u geweet het: Dat dit nie net vir Afrikaanse studente is nie, maar dat dit slegs die kommunikasie taal is, Russe is dus ook welkom As die Wiki-blad voltooi word sou u geweet het: dit is ook nie net vir Tukkies studente nie, maar vier enige tersiêre student ongeag instelling As die Wiki-blad voltooi word sou u geweet het: het dit is nie uitsluitlik vir Christene nie, maar dat die koshuis waardes daarop gebou is, Hindoes is dus ook welkom. As die Wiki-blad voltooi word sou u geweet het:


Ns. Zulu sprekende studente kan in Zulu by KZN studeer, dalk moet ons so blad begin sodat mense soos u kan bewus raak van die veranderinge by SA se universiteite.

Die hoof uitvoerlande ag moedertaalonderrig baie hoog, ons ook. Dalk moet ons daaroor ook ʼn blad begin sodat u die verbintenis tussen sukses en moedertaalonderrig kan sien, ek het honderde wetenskaplike artikels om my argumente te staaf, ek daag u uit om my hierop verkeerd te bewys.

Uit u kommentaar wat duidelik emosioneel en feitloos van aard is bewys u die nodigheid vir die blad en ander om mense soos u wat duidelik agter die klip is met aktuele sake in te lig.

Kommentaar van lesers is steeds welkom. Die skrywer hierbo, wat agter 'n IP-adres skuil, verontagsaam die feit dat Suid-Afrika in akademiese terme tenminste tweetalig is, net soos byvoorbeeld Kanada waar niemand die idiotiese voorstel sou maak om frankofone instellings te verengels om meer internasionale studente (wat nie eers in die land sal aanbly nie - tenminste nie in Suid-Afrika nie) te lok nie. Die hele "elite-universiteitsding" en die wedloop om die hoogste posisies op ranglyste, wat selfs in nywerheidslande omstrede is, is belaglik in 'n land wat 'n tekort aan opgeleide inheemses het. As 'n student 'n redelik eenvoudige taal soos Afrikaans nie kan bemeester nie, hoort hy/sy nie by 'n universiteit nie. Die hele elite-, internasionaliserings- en verengelsing-waan, wat deur selfsugtige akademici gepropageer word, het klaarblyklik handuit geruk. Transformasie sal binne 'n suiwer Afrikaanssprekende konteks kan plaasvind. Die Oostenrykse Universiteit van Wene, om maar een voorbeeld te noem, verskaf Afrikaans-onderrig aan belangstellende studente. Afrikaanse universiteite kan dus hul eie internasionale uitruilprogramme reël, net soos alle ander akademiese samewerking op internasionale vlak as dit noodsaaklik geag word. Net my 10 sent. --Voyageur (kontak) 13:13, 4 Mei 2017 (UTC)

Hierdie is 'n Ensiklopedie[wysig bron]

Wikipedia is 'n Ensiklopedie. Ensiklopedieë gee feite weer oor meestal dinge wat gebeur het, mense wat belangrike dinge vermag het (tegnies mense wat nog lewe het nie Ensiklopedies waarde nie) ens. Dit is nie 'n politieke speelbal of bemarking meganisme nie. Aanvaar dit so asb. Oesjaar (kontak) 11:47, 4 Mei 2017 (UTC)

Stem nie saam. As Dagbreek en Harmonie Dameskoshuis hul eie wikipedia-bladsye kan hê, kan De Goede Hoop dan ook 'n eie wikipedia-blad hê. Koshuise ís relevant, nes plekke, besighede, organisasies en ander instellings wat deel uitmaak van die maatskaplike lewe. As iemand dink die inhoud van die artikel pas nie op Wikipedia nie, kan daardie persoon die inhoud wysig en dit so verander dat wel pas op Wikipedia.I90Christian (kontak) 11:55, 4 Mei 2017 (UTC)
"tegnies mense wat nog lewe het nie ensiklopediese waarde nie" Goeie genade! Verwyder maar al die presidente, premiers, monarge, sportlui, ens. Hulle kort ers nadat hulle oorlede is hul eie artikels... -- 85.212.208.63 12:04, 4 Mei 2017 (UTC)
Lyk my af.wikipedia het reeds aanvaar dat artikels oor koshuise geskryf kan word, en daar is 'n interessante gesprek rondom hierdie een aan die gang. Die koördinaat lyk verkeerd, want dit wys 'n plek in Hatfield en nie Walkerspruit nie. JMK (kontak) 13:21, 4 Mei 2017 (UTC)
Ek het die artikel nou herskryf en meer oor die agtergrond van die koshuis - inklusief die kritiek op die koshuis - geskryf.I90Christian (kontak) 13:26, 4 Mei 2017 (UTC)
Hierdie het net 'n bietjie kontroversie opgewek en nou is dit ensiklopedies noemenswaardig...? Die noemenswaardigheid van daardie ander koshuise kan ook uitgedaag word; Omdat daardie bladsye bestaan, beteken dit nou dat elke artikel oor 'n (kontroversiele) koshuis outomaties noemenswaardig is? Ek wil maar weet... --Nazeer (kontak) 13:30, 4 Mei 2017 (UTC)
Ek sien nie hoekom koshuise nie relevant sou wees nie. Op groter Wikipedia's soos die Nederlandse het elke vereniging, klub, assosiasie sy eie bladsy. Die punt is dat 'n artikel die openbare aspekte van die onderwerp en/of sy uitsonderlikheid moet beskryf. In die geval van hierdie koshuise is dit tweedelig. Eerstens is daar kontroverse rond hierdie koshuis. Daar is 'n publieke debat oor die bestaan van die koshuis. Tweedens is hierdie koshuis uitsonderlik, aangesien dit 'n private koshuis is én die enigste wat Afrikaans is. Daarom is hierdie artikel my insiens relevant.I90Christian (kontak) 13:46, 4 Mei 2017 (UTC)
As hierdie die beste idee is wat ons studente kan uitdink om iets te bemark (deur op Wikipedia te wil adverteer) is daar wragtig waar nie meer hoop nie! Ons kort 100de artikels oor plante, atlete, wetenskap, swemmers, chemie, dorpe, geologie ens en dan moet ek my tyd mors met studente wat blykbaar niks anders het om te doen was om oor politieke dinge te wil stry. Hierdie is nie 'n koerant nie, aanvaar dit so. Oesjaar (kontak) 13:53, 4 Mei 2017 (UTC)
Ons almal stem saam met jou dat ons ensiklopedie nog baie artikels in natuurwetenskappe en sport kort. Maar ek dink om hierdie artikel as bemarking te kritiseer bloot omdat dit aan 'n sensitiewe onderwerp raak, is 'n bietjie oorbodig. Kontroversiële onderwerpe wat beide ensiklopedies en noemenswaardig is kan eintlik belangstelling in die projek stimuleer, so ek dink nie ons moet te bekommerd wees nie. Daar is nog baie hoop. Adriaan Joubert (kontak) 14:05, 4 Mei 2017 (UTC)
Ek stem saam met I90Christian se verduideliking. Die artikel is nou op standaard en myns insiens kan gehou word. Ek twyfel net of die primarii-lys verdien om hier vermeld te word. --Nazeer (kontak) 14:06, 4 Mei 2017 (UTC)
Symbol keep vote.svg Hou Ek sien almal is reeds mooi opgeklits. As julle my nie gaan stenig nie wil ek ook 'n stuiwer ingooi. Die artikel doen geensins afbreek aan die projek nie. Dit het werk nodig, maar om dit te skrap is bietjie drasties. As Jimmy Wales 'n artikel oor Mzoli's kon skep, is die artikel glad nie uit plek nie. Groete. Frank (kontak) 14:41, 4 Mei 2017 (UTC)
Dus die demokratiese meerderheid stem dat my opinie geen waarde dra nie en die nuwe geslag gebruikers wat nog eintlik geen wesenlike bydraes genaak het nie en dat universiteit koshuise die alfa en omega is, seevier. Ek aanvaar dit so sal dus onttrek uit die Afrikaanse Wikipedia. Ek wens julle sterkte en visie toe! Oesjaar (kontak) 19:21, 4 Mei 2017 (UTC)
Ek is jammer dat jy só 'n besluit moes neem. Maar ons moet bedink dat ons al tientalle artikels hier toegelaat het wat oor UP-geboue handel - ons kan dan nie beweer dat 'n koshuis hoegenaamd nie die onderwerp van 'n artikel mag wees nie. Papier en digitale bedieners is geduldig, die grense van 'n digitale ensiklopedie word steeds weer verskuif om dinge in te sluit wat ons nie almal as ensiklopedies sou bestempel nie. --Voyageur (kontak) 19:46, 4 Mei 2017 (UTC)
Symbol keep vote.svg Hou Solank die inhoud objektief is en die artikel meer as bemarking is, wat myns insiens wel die geval is, kan hy bly. Morne (kontak) 20:57, 4 Mei 2017 (UTC)

──────────────────────────────────────────────────────────────────────────────────────────────────── Mag ek I90Christian herriner dat Ensiklopediese relevansie is nie tydelik nie en soos Oesjaar gesê het, is Wikipedia nie 'n koerant nie. Sal die Goede Hoop Kosshuis volgende jaar nog bestaan? Sal dit in vyf jaar nog bestaan? Op die oomblik is die 'n nuwe koshuis terwyl Dagbreek amper 100 jaar oud is en Harmonie Dameskoshuis is alreeds meer as 'n honderd jaar oud. Ons moet 'n paar jaar wag om te sien of hierdie koshuis noemswaardig word. Die eienaars van die koshuis kan dit nie waarborg nie, veral as ek hier lees "If the De Goede Hoop project succeeds ...". Martinvl (kontak) 21:36, 5 Mei 2017 (UTC)

Hi Martinvl, jy is verkeerd. Die feit dat die koshuis reeds voorbladnuus in verskeie publikasies gehaal het, is 'n onsydige bewys dat die koshuis noemenswaardig is. Daar is groot politieke skommelinge in die wêreld aan die gang, en enige ensiklopedie wat sy sout werd is, sal die ontwikkeling en ineenstorting van Westerse kultuur in Suid-Afrika dek. Die Tweede Trek (kontak) 15:33, 7 Mei 2017 (UTC)
Is daar enige inisiatief om bruin en swart Afrikaanssprekendes se toegang tot Afrikaanse onderwysinstellings te bevorder? Afrikaanse besighede en boerderye moet saamspan om swart Suid-Afrikaners ook 'n plek onder die son te gun. Swart Afrikaanse bemagtiging moet meer aandag geniet. Dump the fat cats, steun die mense. --Voyageur (kontak) 15:51, 7 Mei 2017 (UTC)
Nie dat dit die noemenswaardigheidvraag beantwoord nie, maar ek is bewus daarvan dat AfriForum (wat de Goede Hoop gestig het) ook betrokke is by hoofsaaklik bruin onderriginstellings om daar vir burgerregte te kampveg. Die Tweede Trek (kontak) 16:13, 7 Mei 2017 (UTC)