Bespreking:Ethiopië

Hierdie artikel is deur die gemeenskap geïdentifiseer as een van Wikipedia se spogartikels en het vir die eerste keer tydens week 36 van 2021 op ons voorblad gepryk. Dit beteken egter nie dat die artikel nie verder gewysig kan word nie: voel vry om dit te verbeter of by te werk.

Spelling van Ethiopië

Moet hierdie werklik met 'n "h" daarbinne gespel word? In Afrikaans is daar tog nie 'n "th"-klank nie? Die "h" veroorsaak nou dat mens moet sê "Et-hi-o-pi-e", en dit moet mos eintlik wees "E-ti-o-pi-e"? — Adriaan (S★B) 17:46, 7 Desember 2007 (UTC)

Die Pharos gee beide vorme, terwyl die HAT slegs die vorm met 'n "h" aandui. Die h-vorm is ook meer gebruiklik (persargiewe), dus dink ek ons moet dit hier hou, al sou ek ook self "Etiopië" verkies het. Anrie 18:36, 7 Desember 2007 (UTC)

Okay dankie Anrie. Ek verkies ook maar die meer inheemse spelvorm, maar ja. — Adriaan (S★B) 20:25, 7 Desember 2007 (UTC)

"Verwarrende name"

@Burgert Behr:

Vergelyk maar met en Namibië en Suid-Afrika, waar dit al sedert jare só is. By Demokratiese Republiek die Kongo en Republiek die Kongo (en ander lande) het ek dit ook só gedoen, aangesien dit die amptelike name in die amptelike tale is. Dat dit nie die Latynse alfabet is nie, maak nie saak nie. Groete. --  SpesBona 11:33, 17 Junie 2021 (UTC)

Daar is geen rede om dit so te doen nie. Dit lyk aaklik en is verwarrend: 17 reëls met vet name – dis amper 'n skerm lank. Geen ander Wikipedia het dit so gedoen nie. ~ Burgert (kontak) 11:47, 17 Junie 2021 (UTC)

Die Engelse Wikipedia gebruik daai "[show]", maar die name is steeds in die kassie. As jy dit verkies, sal ek dit later aanpas. Groete. --  SpesBona 11:52, 17 Junie 2021 (UTC)

@SpesBona:, die verskil is dat mens nie die woord Kongo net so kan gebruik nie omrede daar twee lande is wat die Kongo kan wees. Met Zaire nou in die geskiedenis is ons verplig om die lang naam te gebruik want daar is eenvoudig nie 'n kort pad nie. (Dink net: Kongo1 en Kong2!) Los Ethiopië net so. Groete!

N.S. Ek wens ek kan weer 'n draai in jou land maak! Ek mis ordentlike bier! Oesjaar (kontak) 12:12, 17 Junie 2021 (UTC)

@Oesjaar: ek verwys na die amptelike name van Ethiopië in al die amptelike tale (Amharies, Tigrinya, Omoro, Somalies, Afar) in die kassie. Dis dieselfde soos by Namibië, Suid-Afrika, Zimbabwe, Angola en die twee Kongos. Die Duitstalige Wikipedia doen dit net só, sien de:Südafrika. (@Burgert Behr:)

Jy is natuurlik altyd welkom in Duitsland. Ek mis daai geselsie! Groete. --  SpesBona 12:20, 17 Junie 2021 (UTC)

Ek praat van de:Äthiopien. Maar ja, daai "show"-storie sal ook werk. ~ Burgert (kontak) 12:33, 17 Junie 2021 (UTC)

Dié Duitse artikel is nie eens hersien nie en weet nog niks van die nuwe amptelike tale nie. Dis hoekom hulle net die Amhariese naam noem. Andersins sou dit soos Südafrika lyk. Groete. --  SpesBona 12:50, 17 Junie 2021 (UTC)

Ethiopië se "probleem" is net die lang volle naam in vergelyking met ander lande. Kyk maar net Demokratiese Republiek die Kongo én Republiek die Kongo hoe netjies dit lyk! My rede is veral neutraliteit, aangesien ons nie een taal bo die ander mag verkies nie. Dink maar net aan Suid-Afrika of die huidige situasie in Ethiopië (Tigray). Groete. --  SpesBona 21:00, 6 September 2021 (UTC)