Bespreking:Gariepdam

in Wikipedia, die vrye ensiklopedie
Jump to navigation Jump to search

Naaste dorp[wysig bron]

Die naaste dorp is Norvalspont

Is Oviston nie reg op die wal van die dam nie? --Alias 20:34, 25 Augustus 2005 (UTC)

Nee Alias, Oviston is verder oos van die wal aan die suidelike oewer van die dam, naby Venterstad, terwyl Norvalspont 'n klein entjie stroom-af in 'n westelike rigting van die wal is, aan die suidekant van die rivier. Jy is seker bewus daarvan dat Oviston die akroniem van 'Oranje-Vistonnel' is, wat die Oranje en die Visrivier met mekaar verbind, en dat die tonnel in daardie jare as 'n groot ingenieursprestasie beskou is. Die uitlaat is, as ek reg onthou by Teebus, maar g'n mens weet waar dit is nie. Wil jy nie bietjie navorsing doen en vir ons 'n artikel daaroor skryf nie? :-) JohanL 07:40, 26 Augustus 2005 (UTC)
Ja ek was 'n keer op Oviston - dis juis hoekom ek vra. Ek kan net onthou dat dit reg op die water se kant was. Maar eintlik weet ek nie veel van die hele storie af nie. Artikel? Sjoe, ek kan nie onthou wanneer laas ek 'n nuwe artikel geskryf het nie. My tyd en huidige Internetverbinding maak dit nie werklik moontlik nie. Gaan gerus voort! --Alias 19:53, 14 September 2005 (UTC)
Die aanvanklike dorpie wat aangelê is met die bou van die damwal was "Oranjekrag". Of hierdie naam nog gebruik word weet ek nie. Terloops, ek weet nie of jy al gehoor het van die program "GoogleEarth" nie? Dit is 'n program wat jy gratis vanaf die Internet op jou rekenaar kan laai en wat al sy data via die Internet, vanuit 'n massiewe databasis onttrek. Daarmee kan jy op enige plek op die aarde "inzoom", en deur middel van satelietfotos die oppervlak verken. Ek het dit gebruik om te kyk of ek Teebus kan kry, waar die tonnel na die Visrivier uitmond. Ek het toe die plek gekry wat moontlik die uitlaat van die tonnel kan wees. Dit is naby twee koppies wat naby mekaar geleë is. Die noordelike, groter een is Koffiebus, maar die suidelike een het nie 'n naam by nie, nou veronderstel ek dat dit Teebus kan wees. Dit is +/- 82 Km van Oviston af. My kennis skiet egter ver te kort om 'n artikel daaroor te skryf. --JohanL 06:53, 15 September 2005 (UTC)

Griep of Gariep[wysig bron]

Griep is 'n San/Nama woord wat beteken Groot water/Groot rivier.

Ek neem aan die moet Gariep wees. Groete. Frank (kontak) 11:40, 3 September 2008 (UTC)