Bespreking:Guarrieko
| Hierdie bladsy is 'n besprekingsbladsy waar verbeteringe tot die Guarrieko-artikel bespreek word. Hierdie bladsy is nie 'n forum vir 'n algemene bespreking van die artikel se onderwerp nie. |
|||
|
| Artikelriglyne
|
|
.svg){kind=small} | Daaglikse bladtrekke van Guarrieko
'n Grafiek sou hier vertoon word, maar grafieke is tydelik afgeskakel. Besoek intussen gerus die interaktiewe grafiek by pageviews.wmcloud.org. |
Hierdie is 'n interressante Afrikaanse naam en kom glad nie op die www voor nie (ek kon niks kry nie), dus kan dit net wees dat die Afr Wiki die voortbestaan van die naam verseker! Lekker man lekker! Groete! Oesjaar (kontak) 12:15, 28 November 2014 (UTC)
- Ek sien hierdie naam kom nie in een van my woordeboeke voor nie. Oesjaar (kontak) 14:53, 28 November 2014 (UTC)
- Die Woordeboek van die Afrikaanse Taal sê:
- Fock’ea s.nw. (plantkunde) Afrikaanse geslag jaarplante van die fam. Asclepiadaceae, met knolvormige wortelstokke; regop of rankende stamme;. teenoorgestelde blare, ongesteeld of met kort-blaarstele, lynvormig of ellipties; 'n bloeiwyse van klein okselstandige trosse of byskerms. Elf soorte is bekend; 5, miskien meer, word in S.A. aangetref in verskeie streke. Volksname vir F. capensis is bobbejaankambro; vir F. crispi, bergkambro of ghwarriekoe; vir F. angustifolia, kambro.
- ghwar’rieko s.nw., ghwarrieko's; ghwar’riekoe s.nw., ghwarriekoes. Die melksapbevattende knol- en rankgewas Fockea crispa (fam. Asclepiadaceae), met 'n groot, vatvormige bol, tot 3 vt. en meer in omvang, wat voedingstowwe en water bevat, die plant bestand maak teen droogte en wat, solank dit jonk is, ook rou geëet of tot konfyt verwerk kan word — aangetref ong. in die streek Montagu, Barrydale, Willowmore, Prins Albert, waar dit dikw. onder ghwarriebosse voorkom en daarin oprank: Daar is lank gemeen dat 'n ghwarriekoe in Schönbrunn, wat sedert 1799 gekweek word, die enigste oorgeblewe eksemplaar is, totdat dr. Marloth die soort in 1906 by Prins Albert herontdek het. As die ghwarriekoe doodgaan en wegvrot, bly daar 'n gat in die grond, waarin bye graag nes maak. Ook net ko of koe genoem.
- Dit is 'n alternatiewe spelling. Suidpunt (kontak) 12:50, 1 Desember 2014 (UTC)
- Dankie, hopenlik kan Wiki nog 'n groter rol speel om ons taal te bewaar! Groete! Oesjaar (kontak) 13:10, 1 Desember 2014 (UTC)
- Hallo Suidpunt, hoekom gebruik jy die spelling Guarrieko, wat nie in die WAT voorkom nie, in plaas van die spelling "ghwarrieko" wat well in die WAT voorkom? Volgens Afrikaanse spelreëls word "gh" uitgespreek soos die Duitse "g" (bv. Ghoeroe/Guru) en die enkele "g" soos die Nederlandse "g". Dit wil dus voorkom asof "Ghwa-" 'n meer korrekte Afrikaanse spelling in plaas van "Gua-" is. JCBrand (kontak) 10:08, 4 Desember 2014 (UTC)
- Terloops, 'n websoek vir "ghwarrieko" bring die volgende op: http://www.kookkuns.com/2008/07/indeks-g.html Ek dink die rede hoekom Oesjaar geen resultate vir "Guarrieko" kon kry nie, is omdat dit nie die regte spelling vir die plant is nie. JCBrand (kontak) 10:13, 4 Desember 2014 (UTC)
- JC, ek het die woord toevalling in die Ensiklopedie van Suidelike Afrika gesien. Hoekom mag ons nie die woorde behou nie en laat voortleef nie? Groete! Oesjaar (kontak) 10:54, 4 Desember 2014 (UTC)
- Onder geen omstandighede mag ons hierdie woord behou en laat voortleef nie, dit moet nou dadelik verwyder en vergeet word! ;) Skuus, ek terg maar net. Ek het geen probleem met die woord nie, ek het slegs gewonder of die spelling korrek is, siende dat die WAT nie die spelling in hierdie artikel bevat nie (maar wel 'n paar alternatiewe spellings bevat). Ek was egter nie bewus dat dit wel in Rosenthal voorkom nie. Groete JC JCBrand (kontak) 15:06, 4 Desember 2014 (UTC)